Meirihluti landsmanna andvígur bjór og léttvíni í matvöruverslunum Stefán Rafn Sigurbjörnsson skrifar 16. mars 2015 07:00 Stjórnmál Meirihluti landsmanna er á móti sölu á bjór og léttvíni í matvöruverslunum, samkvæmt niðurstöðum skoðanakönnunar Fréttablaðsins. Alls voru 55 prósent þeirra sem tóku afstöðu til spurningarinnar á móti því að leyfa bjór og léttvín í matvöruverslunum og 45 prósent voru því hlynnt. Karlar eru líklegri en konur til að vilja leyfa bjór og léttvín í matvöruverslunum en jafnt hlutfall karla er því hlynnt og andvígt. Konur eru meira efins þegar kemur að því að leyfa bjór og léttvín en 39 prósent þeirra eru því hlynntar en 61 prósent andvígar. Yngri kynslóðin er hlynntari málinu. 56 prósent einstaklinga á aldursbilinu 18 til 49 ára eru því hlynnt en 44 prósent andvíg. Alls eru 32 prósent þeirra sem eru 50 ára og eldri málinu hlynnt en 68 prósent því andvíg. Einnig er munur á milli landshluta en meirihluti svarenda í öllum kjördæmum eru andvígir því að leyfa bjór og léttvín í verslunum að Norðvesturkjördæmi undanskildu. Töluverður munur er á afstöðu kjósenda stjórnarflokkanna en kjósendur Sjálfstæðisflokksins eru hlynntastir því að leyfa bjór og léttvín í matvöruverslunum. Þá er 61 prósent kjósenda Sjálfstæðisflokksins hlynnt málinu en 39 prósent andvíg. Stuðningsmenn Framsóknarflokksins eru heldur mótfallnari, en 30 prósent þeirra eru fylgjandi og 70 prósent andvíg. Ekki er heldur samstaða um málið meðal kjósenda stjórnarandstöðuflokkanna. Kjósendur Vinstri grænna eru andvígastir því að leyfa bjór og léttvín í matvöruverslunum en 25 prósent þeirra eru því hlynnt og 75 prósent andvíg. Alls eru 30 prósent kjósenda Samfylkingarinnar hlynnt málinu og 70 prósent andvíg. Meðal kjósenda Bjartrar framtíðar er hnífjafn stuðningur og andstaða við málið og á meðal kjósenda Pírata eru 54 prósent hlynnt og 46 prósent andvíg.Áfengisfrumvarpið á enn eftir að komast á dagskrá þingsinsFréttablaðið/PjeturVilhjálmur Árnason, þingmaður Sjálfstæðisflokksins og aðalflutningsmaður frumvarps um að gefa áfengisverslun frjálsa, segir að niðurstöðurnar komi sér ekki á óvart. „Þetta er auðvitað grundvallarbreyting sem mun alltaf verða umdeild. Umræðurnar á þinginu eru ekki fullkláraðar og ekki hafa allar staðreyndir málsins komið fram,“ segir Vilhjálmur. „Þetta er í raun jákvæðari niðurstaða en áður og það er eðlilegt að hún þróist í þá átt,“ segir hann.Vilhjálmur er að berjast fyrir því að áfengisfrumvarpið fái brautargengi á næstunni en hann mun reyna að koma því að um leið og pláss opnast í dagskrá þingsins. Þá er hann að þrýsta á að fá hagfræðilega úttekt á frumvarpinu til að varpa ljósi á efnahagslegar afleiðingar þess. „Ef að við fáum hagfræðilega úttekt í hús er hægt að meta ávinninginn af frumvarpinu. Munu til dæmis losna fimm milljarðar sem við munum geta nýtt í aðra hluti eins og að greiða niður opinberar skuldir eða til að setja í lýðheilsumál?“spyr Vilhjálmur. Könnunin var gerð dagana 10. og 11. mars. Hringt var í 1.024 manns, þar til 800 svör fengust. Svarhlutfallið er því 78,1 prósent. Mest lesið María Sigrún látin fara úr Kveik Innlent Svona var stemmningin á lokaspretti forsetaefnanna í Hörpu Innlent Ætlar í aðra undirskriftasöfnun Innlent Svona var Pallborðið með Arnari Þór, Ásdísi Rán og Ástþóri Innlent Dregur framboðið til baka Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent „Ísdrottningin myndi bráðna ef hér kæmi kjarnorkusprengja“ Innlent „Þessi ákvörðun var ekki tekin í Valhöll“ Innlent Viktor stal senunni: Hefði ekki haft tíma til að safna ef hann væri í vinnu Innlent Ákvörðun áfrýjunardómstólsins áfall og stórt skref aftur á bak Erlent Fleiri fréttir Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri „Ef ég get flogið þremur gerðum af þyrlum þá get ég tekið ákvörðun fyrir þjóðina“ Rekin vinalega á brott en vonast til að fá að vera áfram „Þessi ákvörðun var ekki tekin í Valhöll“ „Óskiljanlegt að menn skuli leggjast svona lágt“ Dregur framboðið til baka Niðri fyrir vegna Útlaganna Svona var stemmningin á lokaspretti forsetaefnanna í Hörpu Kínverjar vara Bandaríkjamenn við að stíga á „rauðu strikin“ Samtök hernaðarandstæðinga fordæma „kúvendingu“ á afstöðu Íslands Sjá meira
Stjórnmál Meirihluti landsmanna er á móti sölu á bjór og léttvíni í matvöruverslunum, samkvæmt niðurstöðum skoðanakönnunar Fréttablaðsins. Alls voru 55 prósent þeirra sem tóku afstöðu til spurningarinnar á móti því að leyfa bjór og léttvín í matvöruverslunum og 45 prósent voru því hlynnt. Karlar eru líklegri en konur til að vilja leyfa bjór og léttvín í matvöruverslunum en jafnt hlutfall karla er því hlynnt og andvígt. Konur eru meira efins þegar kemur að því að leyfa bjór og léttvín en 39 prósent þeirra eru því hlynntar en 61 prósent andvígar. Yngri kynslóðin er hlynntari málinu. 56 prósent einstaklinga á aldursbilinu 18 til 49 ára eru því hlynnt en 44 prósent andvíg. Alls eru 32 prósent þeirra sem eru 50 ára og eldri málinu hlynnt en 68 prósent því andvíg. Einnig er munur á milli landshluta en meirihluti svarenda í öllum kjördæmum eru andvígir því að leyfa bjór og léttvín í verslunum að Norðvesturkjördæmi undanskildu. Töluverður munur er á afstöðu kjósenda stjórnarflokkanna en kjósendur Sjálfstæðisflokksins eru hlynntastir því að leyfa bjór og léttvín í matvöruverslunum. Þá er 61 prósent kjósenda Sjálfstæðisflokksins hlynnt málinu en 39 prósent andvíg. Stuðningsmenn Framsóknarflokksins eru heldur mótfallnari, en 30 prósent þeirra eru fylgjandi og 70 prósent andvíg. Ekki er heldur samstaða um málið meðal kjósenda stjórnarandstöðuflokkanna. Kjósendur Vinstri grænna eru andvígastir því að leyfa bjór og léttvín í matvöruverslunum en 25 prósent þeirra eru því hlynnt og 75 prósent andvíg. Alls eru 30 prósent kjósenda Samfylkingarinnar hlynnt málinu og 70 prósent andvíg. Meðal kjósenda Bjartrar framtíðar er hnífjafn stuðningur og andstaða við málið og á meðal kjósenda Pírata eru 54 prósent hlynnt og 46 prósent andvíg.Áfengisfrumvarpið á enn eftir að komast á dagskrá þingsinsFréttablaðið/PjeturVilhjálmur Árnason, þingmaður Sjálfstæðisflokksins og aðalflutningsmaður frumvarps um að gefa áfengisverslun frjálsa, segir að niðurstöðurnar komi sér ekki á óvart. „Þetta er auðvitað grundvallarbreyting sem mun alltaf verða umdeild. Umræðurnar á þinginu eru ekki fullkláraðar og ekki hafa allar staðreyndir málsins komið fram,“ segir Vilhjálmur. „Þetta er í raun jákvæðari niðurstaða en áður og það er eðlilegt að hún þróist í þá átt,“ segir hann.Vilhjálmur er að berjast fyrir því að áfengisfrumvarpið fái brautargengi á næstunni en hann mun reyna að koma því að um leið og pláss opnast í dagskrá þingsins. Þá er hann að þrýsta á að fá hagfræðilega úttekt á frumvarpinu til að varpa ljósi á efnahagslegar afleiðingar þess. „Ef að við fáum hagfræðilega úttekt í hús er hægt að meta ávinninginn af frumvarpinu. Munu til dæmis losna fimm milljarðar sem við munum geta nýtt í aðra hluti eins og að greiða niður opinberar skuldir eða til að setja í lýðheilsumál?“spyr Vilhjálmur. Könnunin var gerð dagana 10. og 11. mars. Hringt var í 1.024 manns, þar til 800 svör fengust. Svarhlutfallið er því 78,1 prósent.
Mest lesið María Sigrún látin fara úr Kveik Innlent Svona var stemmningin á lokaspretti forsetaefnanna í Hörpu Innlent Ætlar í aðra undirskriftasöfnun Innlent Svona var Pallborðið með Arnari Þór, Ásdísi Rán og Ástþóri Innlent Dregur framboðið til baka Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent „Ísdrottningin myndi bráðna ef hér kæmi kjarnorkusprengja“ Innlent „Þessi ákvörðun var ekki tekin í Valhöll“ Innlent Viktor stal senunni: Hefði ekki haft tíma til að safna ef hann væri í vinnu Innlent Ákvörðun áfrýjunardómstólsins áfall og stórt skref aftur á bak Erlent Fleiri fréttir Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri „Ef ég get flogið þremur gerðum af þyrlum þá get ég tekið ákvörðun fyrir þjóðina“ Rekin vinalega á brott en vonast til að fá að vera áfram „Þessi ákvörðun var ekki tekin í Valhöll“ „Óskiljanlegt að menn skuli leggjast svona lágt“ Dregur framboðið til baka Niðri fyrir vegna Útlaganna Svona var stemmningin á lokaspretti forsetaefnanna í Hörpu Kínverjar vara Bandaríkjamenn við að stíga á „rauðu strikin“ Samtök hernaðarandstæðinga fordæma „kúvendingu“ á afstöðu Íslands Sjá meira