Meintur kynferðisbrotamaður í farbanni til þriðjudags

Kolbeinn Tumi Daðason skrifar 21. janúar 2016 13:09

Hótelið Room with a view er staðsett á Laugavegi 18. Vísir/Anton Brink

Erlendur ferðamaður sem sætir rannsókn lögreglunnar á höfuðborgarsvæðinu vegna gruns um kynferðisbrot gagnvart íslenskri konu aðfaranótt sunnudags er laus úr gæsluvarðhaldi. Hann hefur hins vegar verið úrskurðaður í farbann til þriðjudags.

Eins og fram hefur komið í fréttum Vísis, sem sjá má hér að neðan, var maðurinn hluti af fjölmennum hópi sem kom hingað til lands tl að steggja sameiginlega vin. Gistu þeir á hótelinu Room with a view á Laugavegi en var vísað af hótelinu eftir að lögregla handtók manninn og samferðamenn hans voru teknir til skýrslutöku.

Konan lagði fram kæru á hendur manninum sem er sem fyrr segir laus úr haldi en má ekki yfirgefa landið fyrr en á þriðjudag. Árni Þór Sigmundsson, yfirmaður kynferðisbrotadeildar lögreglu, segir að rannsókn miði vel og stefnt sé á að ljúka henni innan tíðar. Hann vill ekki gefa uppi hvert kynferðisbrotið sé sem maðurinn er grunaður um.

Ferðamennska á Íslandi

Tengdar fréttir

Úr steggjapartýi í gæsluvarðhald: Fylgdarliði mannsins vísað af hótelinu

Erlendur ferðamaður hefur verið úrskurðaður í gæsluvarðhald til fimmtudags vegna gruns um kynferðisbrot gegn íslenskri konu.

18. janúar 2016 16:15

Í haldi vegna gruns um kynferðisbrot á hótelherbergi

Kona lagði fram kæru vegna kynferðisbrots á hóteli á Laugavegi aðfaranótt sunnudags.

18. janúar 2016 09:47

Í gæsluvarðhald vegna gruns um kynferðisbrot á hóteli

Engar upplýsingar fást um það hvort hinn grunaði og sú sem kærði séu ferðamenn eða ekki.

18. janúar 2016 14:35

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.