Langflestir telja að niðurstöðurnar muni gagnast stjórnlagaþingi

7. nóvember 2010 11:28

Níutíu og þrjú prósent þátttakenda á Þjóðfundi telja að niðurstöður fundarins muni gagnast stjórnlagaþingi sem kemur saman í febrúar á næsta ári.

Þjóðfundur um stjórnarskrá tókst afar vel að mati þátttakenda, en 950 manns sátu fundinn. Í fundarlok voru þátttakendur allir inntir álits á framkvæmd og áhrifum fundarins. 93% þeirra telja að niðurstöður fundarins muni gagnast stjórnlagaþingi við vinnu þess að nýrri stjórnarskrá, að því er fram kemur í fréttatilkynningu.

Framkvæmd og form fundarins fengu einnig góð meðmæli, en 97% þátttakenda fannst fundarformið gott , 95% fannst fundurinn ganga vel og 75% töldu framkvæmd fundarins til fyrirmyndar.

50 manna hópur svæðisstjóra og svonefndra lóðsa ásamt stjórnlaganefnd og starfsfólki stjórnlagaþings hóf að vinna úr niðurstöðum fundarins strax að honum loknum og er þeirri vinnu fram haldið í dag. Stjórnlaganefnd kynnir meginniðurstöður Þjóðfundarins á blaðamannafundi klukkan 16 í dag.

Tengdar fréttir

Þjóðfundur hafinn

Um eitt þúsund manns komu saman til Þjóðfundar klukkan níu í morgun en fundurinn er haldinn í Laugardagshöllinni. Markmið hans er að kalla fram viðhorf þjóðarinnar til stjórnarskrárinnar og móta hugmyndir fyrir væntanlegt stjórnlagaþing. Fundað verður eftir samskonar fyrirkomulagi og á þjófundinum sem grasrótarhreyfingin Mauraþúfan stóð fyrir í fyrra en frumniðurstöður hans verða svo kynntar á blaðamannafundi á morgun.

6. nóvember 2010 10:00

Hemmi á Þjóðfundi: Förum að haga okkur eins og fólk

„Ég held að allir komi með fínum ásetningi um að leggja sitt á vogskálarnar,“ segir dagskrárgerðarmaðurinn Hermann Gunnarsson, betur þekktur sem Hemmi Gunn. Hann er einn þjóðfundargesta. „Þetta er þverskurður af þjóðinni.“

6. nóvember 2010 12:58

Þjóðfundurinn gengur „glimrandi vel“

„Langfelstir sem ég hef rætt við í kaffipásum telja að þessi fundur muni gagnast stjórnalagaþinginu þegar það kemur saman í febrúar,“ segir Berghildur Erla Bernharðsdóttir, upplýsingafulltrúi Þjóðfundar, sem nú fer fram í Laugardagshöll þar sem um þúsund þátttakendur af landinu öllu eru mættir til að tjá hugmyndir sínar og skoðanir um stjórnskipan landsins og stjórnarskrá. Berghildur segir fundinn ganga glimrandi vel.

6. nóvember 2010 11:32

Góð stemning á Þjóðfundi | Myndir

Tæplega þúsund Íslendingar sem valdir voru með slembiúrtaki komu saman í Laugardalshöll í morgun til Þjóðfundar. Viðmælendur fréttastofu segja gott andrúmsloft vera á fundinum. Pjetur Sigurðsson, ljósmyndari Fréttablaðsins og Vísis, var á staðnum fyrr í dag og myndaði fundinn.

6. nóvember 2010 14:00

Nýbökuð móðir með brjóstabarn á Þjóðfundi

Þjóðfundur um stjórnarskrá Íslands verður haldinn næstkomandi laugardag 6. nóvember í Laugardalshöll. Um 1000 þáttakendur eru skráðir á fundinn en þeir voru valdir með slembiúrtaki úr þjóðskrá. Hlutverk þeirra er að tjá hugmyndir sínar og skoðanir um stjórnskipan landsins og stjórnarskrá og endurskoðun á henni.

3. nóvember 2010 15:37

Mest lesið

Fleiri fréttir