Klopp segir Man Utd og West Brom spila svipaðan fótbolta

Jürgen Klopp, knattspyrnustjóri Liverpool, skaut létt á Manchester United á blaðamannafundi í gær.

Liverpool fær West Brom í heimsókn á morgun og Klopp segir að leikmenn Bítlaborgarliðsins séu vel undirbúnir fyrir loftárásir gestanna eftir leikinn gegn Man Utd á mánudaginn.

United-menn beittu löngum sendingum til að sigrast á hápressu Liverpool og Klopp býst við að West Brom beiti sömu aðferð í leiknum á morgun.

„Við viljum spila fótbolta en Man Utd voru líkamlega sterkari við með sína mörgu hávöxnu leikmenn,“ sagði Klopp.

„Við gerðum vel og mér fannst þeir ekki hafa yfirhöndina í leiknum. Við þurfum að vera undirbúnir fyrir svipaðan leik á móti West Brom,“ bætti Þjóðverjinn við.

Liverpool er í 4. sæti ensku úrvalsdeildarinnar með 17 stig eftir átta umferðir.