Reykjavík - sýnishorn
Reykjavík er dramatísk kómedía um sambönd og samskipti sem gerist í samtímanum. Með helstu hlutverk fara Atli Rafn Sigurðarson, Nanna Kristín Magnúsdóttir, Guðmundur Ingi Þorvaldsson og Gríma Kristjánsdóttir. Í öðrum hlutverkum eru meðal annars Hjörtur Jóhann Jónsson, Vala Kristín Eiríksdóttir, Margrét Friðriksdóttir, Stefán Hallur Stefánsson, Laufey Elíasdóttir, Björn Thors og Lilja Nótt Þórarinsdóttir. Reykjavík er fyrsta kvikmynd Ásgríms Sverrissonar í fullri lengd. Ingvar Þórðarson og Júlíus Kemp framleiða myndina fyrir hönd Kvikmyndafélags Íslands.
