FÍSTUDAGUR 20. JAN┌AR NŢJAST 07:18

Erill hjß l÷greglu li­na nˇtt

FR╔TTIR

Hßskˇlinn leggur sitt af m÷rkum Ý umrŠ­unni

 
Innlent
07:00 11. JAN┌AR 2016
Jˇn Atli Benediktsson, rektor Hßskˇla ═slands, segir Hßskˇlann vilja leggja sitt af m÷rkum til a­ treysta umrŠ­una um mßlefni flˇttamanna.
Jˇn Atli Benediktsson, rektor Hßskˇla ═slands, segir Hßskˇlann vilja leggja sitt af m÷rkum til a­ treysta umrŠ­una um mßlefni flˇttamanna. V═SIR/PJETUR

Háskóli Íslands boðar til fundar í dag um sýrlenska flóttamenn í Evrópu. Fundurinn er sá þriðji í fundaröð Háskólans sem nefnist Fræði og fjölmenning. Að þessu sinni er fundurinn haldinn í samstarfi við utanríkisráðuneytið og velferðarráðuneytið sem flytja inn fulltrúa frá frjálsu félagasamtökunum Norwegian Refugee Council (NRC).

„Stóraukinn straumur flóttafólks frá stríðshrjáðum svæðum, sérstaklega frá Sýrlandi, til Evrópu hefur blásið nýju lífi í umræður um fjölmenningarsamfélagið,“ segir í fundarboði Háskólans en sýrlenskir ríkisborgarar á flótta eru nú um fjórar og hálf milljón og hafa hundruð þúsunda sótt um hæli í Evrópu.

Jón Atli Benediktsson, rektor Háskólans, kemur til með að setja fundinn klukkan 12. Hann segir mikinn vilja innan Háskólans, bæði meðal fræðasviða og stúdenta, til að ræða málin. „Við viljum leggja það af mörkum hvað Háskólinn hefur fram að færa til að treysta umræðuna,“ segir Jón Atli.

„Við höfum verið með tvo fundi hingað til og er ráðstefna fyrirhuguð sjötta febrúar um málefnið. Þá verða nokkrar málstofur um mismunandi málefni. Fyrsti fundurinn okkar var í lok nóvember og var hann um fjölmenningu, fjölmiðla og stjórnmál. Þá var annar fundurinn um fjölmenningu og menntun. Í framhaldi af þessari fundaröð viljum við taka fyrir á þessum málstofum ýmislegt sem tengist fjölmenningu,“ segir Jón Atli og bendir á að vel hafi gengið hingað til, alltaf hafi verið fullur salur. Þá segir Jón Atli stefnt að því að halda fundi einu sinni í mánuði í kjölfarið.

Í kjölfar fundarsetningar mun Eygló Harðardóttir velferðarráðherra greina frá viðbrögðum íslenskra stjórnvalda við stríðinu í Sýrlandi og áskorunum vegna aukins straums flóttamanna til Evrópu. Þá mun Auðbjörg Halldórsdóttir, forsvarsmaður Íslensku friðargæslunnar, fjalla um framlag Íslands til mannúðarmála sem tengjast ástandinu í Sýrlandi.

Auk þeirra munu tveir liðsmenn NRC flytja erindi. Martin Hartberg, sérfræðingur í málefnum Mið-Austurlanda hjá NRC, mun fjalla um stöðu mála í Sýrlandi, áhrifum átakanna í Evrópu og starfsemi NRC í tengslum við þau. Þá mun Arvinn E. Gadgil, yfirmaður samstarfs- og stefnumáladeildar hjá NRC taka til máls.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir og ummŠli ■eirra sem tjß sig ekki undir eigin nafni.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Hßskˇlinn leggur sitt af m÷rkum Ý umrŠ­unni
Fara efst