Innlent

Þung um­ferð í gegnum Siglu­fjörð og um­ferðar­stýring um Múla­göng

Vésteinn Örn Pétursson skrifar
Bílaröð við Múlagöng síðdegis í dag.
Bílaröð við Múlagöng síðdegis í dag.

Fjöldi fólks á leið suður af Norðurlandi hefur lagt leið sína fyrir Tröllaskaga, þar sem Öxnadalsheiði er lokuð.

Þegar þetta er skrifað sýna tölur á vef Vegagerðarinnar að yfir þúsund manns hafi lagt leið sína um Héðinsfjarðargöng milli Siglufjarðar og Ólafsfjarðar frá miðnætti.

Lögreglan á Norðurlandi eystra tók um tíma upp umferðarstýringu við Múlagöng, milli Dalvíkur og Ólafsfjarðar. Göngin eru einbreið og því hafði myndast teppa vegna umferðarþungans.

Lögreglan á Norðurlandi eystra segir að þrátt fyrir aukna umferð hafi fátt annað komið inn á borð lögreglu.

Myndir sem fréttastofu hafa borist frá Siglufirði sýna þá talsverðan fjölda bíla sem ekið hefur verið í gegnum bæinn í dag, en um er að ræða stystu leiðina á suðvesturhornið meðan Öxnadalsheiði er lokuð, en hún verður ekki opnuð í dag. 

Röð bíla sem ekið var í gegnum Siglufjörð fyrr í dag.
Samgöngur Fjallabyggð Jarðgöng á Íslandi Færð á vegum Umferð Veður

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið