Innlent

Mögu­leg snjó­flóða­hætta á Vest­fjörðum

Jón Þór Stefánsson skrifar
Mynd af Flateyri úr safni.
Mynd af Flateyri úr safni. Vísir/Arnar

Veðurstofa Íslands hefur lýst yfir óvissustigi vegna hugsanlegrar snjóflóðahættu á norðanverðum Vestfjörðum. Óvissustigið tekur gildi klukkan tíu í fyrramálið á morgun.

Í tilkynningu frá lögreglunni á Vestfjörðum vegna málsins segir að ástæðan sé gul veðurviðvörun sem tekur gildi víða um land á morgun.

„Veðurspá gerir nú ráð fyrir versnandi veðri í nótt með hvassviðri og snjókomu sem færast muni í aukana og vara fram á mánudagskvöld,“ segir í tilkynningunni.

Sérstaklega verður fylgst með stöðunni á Súðavíkurhlíð, Flateyrarvegi og Raknadalshlíð í Patreksfirði vegna mögulegrar snjóflóðahættu gangi spáin eftir.

Snjóflóð á Íslandi Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið