Innlent

Funda með fé­lags­mönnum fyrir upp­haf at­kvæða­greiðslu

Atli Ísleifsson skrifar
Sigríður Margrét Oddsdóttir, framkvæmdastjóri SA.
Sigríður Margrét Oddsdóttir, framkvæmdastjóri SA. Vísir/Vilhelm

Fulltrúar Samtaka atvinnulífsins munu funda með fulltrúum aðildarfyrirtækja þess klukkan 11 í dag. Atkvæðagreiðsla um Stöðugleikasamninginn svokallaða hefst svo í framhaldi af fundinum.

Í tilkynningu frá SA til aðildarfélaganna segir að rafrænn upplýsingafundur um Stöðugleikasamninginn verði haldinn núna klukkan 11 þar sem sérfræðingar Samtaka atvinnulífsins fari yfir helstu atriði samningsins og svara spurningum. 

Fundurinn er einungis ætlaður félagsmönnum og fer fram á Zoom. Atkvæðagreiðsla um samninginn hefst í beinu framhaldi, eða klukkan 12.

Skrifað var undir Stöðugleikasamninginn svokallaða 7. mars síðastliðinn. Var um að ræða kjarasamning milli fulltrúa Starfsgreinasambandsins, Eflingar og Samiðnar og Samtaka atvinnulífsins og nær hann til fjögurra ára. Samningarnir hafa þótt merkilegir vegna hóflegra launahækkana og óvenju langs gildistíma.

Samkvæmt samningunum hækka laun árlega að lágmarki um 23.750 krónur og í hlutfalli við það upp launflokka. Almenn launahækkun er 3,25 prósent á þessu ári en 3,5 prósent á næstu þremur árum þar á eftir. Samningarnir eru afturvirkir frá 1. febrúar og aðrar hækkanir koma 1. janúar hvert ár.

Atvinnurekendur Kjaraviðræður 2023-24 Kjaramál Vinnumarkaður

Tengdar fréttir

Þetta eru lykilatriðin í nýjum kjarasamningi

Nú klukkan fimm hefst undirskrift fulltrúa Starfsgreinasambandsins, Eflingar og Samiðnar við Samtök atvinnulífsins á tímamótasamningi til fjögurra ára. Samningarnir eru merkilegir vegna hóflegra launahækkana og óvenju langs gildistíma sem er fjögur ár.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið