Langar að breyta senunni og koma inn með jákvæðnina Dóra Júlía Agnarsdóttir skrifar 4. mars 2024 13:38 Daníel Dagur Hermannsson skaust upp í fyrsta sæti á Spotify í síðustu viku með nýtt lag. Vísir/Vilhelm „Ég hef aldrei staðið jafn hratt upp til að segja pabba að ég væri kominn í fyrsta sæti,“ segir tónlistarmaðurinn Daníel Dagur Hermannsson, jafnan þekktur sem Danjel. Daníel er sautján ára gamall og stefnir langt í tónlistarbransanum en lagið hans SWAGGED OUT skaust á toppinn á streymisveitunni Spotify í síðustu viku. Blaðamaður tók púlsinn á Daníel. „Lagið kom út 29. febrúar og fór á toppinn 24 tímum síðar,“ segir Daníel og bætir við að síðustu dagar hafi verið mjög svo viðburðaríkir. „Ég er búin að vera að gera tónlist í fimm ár en ég myndi segja að þetta lag sé fyrsta svona alvöru dæmið. Þetta er fyrsti síngúll sem ég gef út af væntanlegri plötu sem heitir 4jórir og kemur út fyrir sumarið. Hér má hlusta á lagið SWAGGED OUT: Klippa: Danjel - SWAGGED OUT „Byrjaði að rúlla eftir að það kviknaði í Skeifunni“ Lagið vakti mikla athygli á samfélagsmiðlinum TikTok áður en það kom út. Daníel segist ekki hafa planað þetta mikið heldur meira fylgt flæðinu. „Þetta er stórt og grípandi lag en ég vissi ekki hversu hratt þetta myndi gerast. Ef ég hefði ekki verið á réttum stað á réttum tíma þá hefði þetta ekki virkað. Ég byrjaði nokkrum vikum áður að tísa laginu og það var eiginlega bara þegar það kviknaði í Skeifunni sem þetta byrjaði að rúlla. Í textanum syng ég meðal annars: Ég er með hópnum uppi í Skeifunni. Við vorum einmitt að keyra fram hjá Skeifunni þegar það kviknar í og ég tók upp myndband. Þetta var eiginlega fullkomið tækifæri sem vakti mjög fljótt athygli.“ @ekkidanjel original sound - danjel Draumur frá tólf ára aldri Tónlistin hefur lengi heillað Daníel sem langar að fara inn í bransann af fullum krafti. „Þetta hefur verið draumur hjá mér síðan að ég var tólf ára. Ég er sautján ára núna, ég veit að ég er ungur en ég er samt nú þegar búinn að vera í fimm ár í tónlistarbransanum. Mig langar líka ekki að setja fókusinn á aldurinn minn og vil ekki heyra: Þetta er gott, miðað við að hann sé sautján ára.“ Daníel tók sér pásu í eina önn úr skóla fyrir ári og ákvað að einbeita sér algjörlega að tónlistinni. „Mig langaði að vinna að því að gera góða tónlist sem virkaði. Ég sagði fyrst alltaf að markaðssetningin mín væri ekki nógu góð en aðalmálið var að ég var ekki sáttur með tónlistina sem ég var að gera. Ég er því búinn að vera mjög lengi á bak við tjöldin að æfa mig í að verða betri. Mér finnst tónlistin verða að tala sínu frekar en að markaðssetningin sé eitthvað klikkuð. Tónlistin er númer eitt, tvö og þrjú. Ég vildi alls ekki verða að einhverri TikTok stjörnu heldur vil ég bara geta notað platformið þar fyrir tónlistina mína.“ Tónlistin er númer eitt, tvö og þrjú hjá Daníel. Vísir/Vilhelm Gat ekki beðið eftir að segja pabba Aðspurður hvernig tilfinningin hafi verið að ná toppnum á Spotify svarar Daníel: „Þetta var mjög skemmtilegt. Það er búið að vera svo mikið í gangi og ég hef aldrei verið jafn upptekinn en ég var að gista með vinum mínum á fimmtudaginn og vakna svo á föstudagsmorgun við að Ólafur Jóhann, sem er mjög vinsæll á TikTok, sendir mér skilaboð og segir: Til hamingju. Ég fór beint inn á Spotify og sá að ég var kominn í fyrsta sætið. Ég hef aldrei staðið jafn hratt upp til þess að fara og segja pabba. Ég stóð upp og hljóp til hans með bros á vör og endurtók bara: Ég er í fyrsta sætið! Hann var mjög stoltur,“ segir Daníel brosandi. Daníel stefnir langt í tónlistinni.Aðsend Þykir of vænt um íslensku tunguna til að syngja á ensku Ásamt tónlistinni stundar Daníel nám á nýsköpunar-og hönnunarbraut við Tækniskólann. „Það hefur þó verið mjög erfitt að einblína á námið síðustu vikur.“ Hann stefnir langt í tónlistarheiminum og segist ætla að gera út heilmikið af lögum. „Mig langar líka að breyta senunni aðeins, koma með fjölbreytnina inn og gera þetta spennandi. Það er allt á uppleið núna í tónlistarsenunni eftir Covid og svona. Textalega séð langar mig líka að koma inn með jákvæðnina. Það er mikið af neikvæðri tónlist í gangi núna sem er góð en það vantar fjölbreytnina.“ @ekkidanjel Eru ekki allir jákvæðnir #positivevibes #swaggedout #fyrirþig SWAGGED OUT - danjel Aðspurður hvort hann sjái fyrir sér að stefna á erlendan markað svarar hann: „Það væri þá eftir að ég væri búinn að taka yfir Ísland. En ég veit ekki hvort ég hafi áhuga vegna þess að þá þyrfti ég að skipta yfir í enskuna. Mér þykir allt of vænt um tungumálið okkar til að gera það.“ Daníel þykir vænt um íslenska tungu og vill helst flytja tónlist sína á íslensku. Aðsend Hér má hlusta á Danjel á streymisveitunni Spotify. Tónlist Menning Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Aron passaði varla inn í bílinn Lífið María Sigrún leikur í einni dýrustu mynd allra tíma Bíó og sjónvarp Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Blaðamaður tók púlsinn á Daníel. „Lagið kom út 29. febrúar og fór á toppinn 24 tímum síðar,“ segir Daníel og bætir við að síðustu dagar hafi verið mjög svo viðburðaríkir. „Ég er búin að vera að gera tónlist í fimm ár en ég myndi segja að þetta lag sé fyrsta svona alvöru dæmið. Þetta er fyrsti síngúll sem ég gef út af væntanlegri plötu sem heitir 4jórir og kemur út fyrir sumarið. Hér má hlusta á lagið SWAGGED OUT: Klippa: Danjel - SWAGGED OUT „Byrjaði að rúlla eftir að það kviknaði í Skeifunni“ Lagið vakti mikla athygli á samfélagsmiðlinum TikTok áður en það kom út. Daníel segist ekki hafa planað þetta mikið heldur meira fylgt flæðinu. „Þetta er stórt og grípandi lag en ég vissi ekki hversu hratt þetta myndi gerast. Ef ég hefði ekki verið á réttum stað á réttum tíma þá hefði þetta ekki virkað. Ég byrjaði nokkrum vikum áður að tísa laginu og það var eiginlega bara þegar það kviknaði í Skeifunni sem þetta byrjaði að rúlla. Í textanum syng ég meðal annars: Ég er með hópnum uppi í Skeifunni. Við vorum einmitt að keyra fram hjá Skeifunni þegar það kviknar í og ég tók upp myndband. Þetta var eiginlega fullkomið tækifæri sem vakti mjög fljótt athygli.“ @ekkidanjel original sound - danjel Draumur frá tólf ára aldri Tónlistin hefur lengi heillað Daníel sem langar að fara inn í bransann af fullum krafti. „Þetta hefur verið draumur hjá mér síðan að ég var tólf ára. Ég er sautján ára núna, ég veit að ég er ungur en ég er samt nú þegar búinn að vera í fimm ár í tónlistarbransanum. Mig langar líka ekki að setja fókusinn á aldurinn minn og vil ekki heyra: Þetta er gott, miðað við að hann sé sautján ára.“ Daníel tók sér pásu í eina önn úr skóla fyrir ári og ákvað að einbeita sér algjörlega að tónlistinni. „Mig langaði að vinna að því að gera góða tónlist sem virkaði. Ég sagði fyrst alltaf að markaðssetningin mín væri ekki nógu góð en aðalmálið var að ég var ekki sáttur með tónlistina sem ég var að gera. Ég er því búinn að vera mjög lengi á bak við tjöldin að æfa mig í að verða betri. Mér finnst tónlistin verða að tala sínu frekar en að markaðssetningin sé eitthvað klikkuð. Tónlistin er númer eitt, tvö og þrjú. Ég vildi alls ekki verða að einhverri TikTok stjörnu heldur vil ég bara geta notað platformið þar fyrir tónlistina mína.“ Tónlistin er númer eitt, tvö og þrjú hjá Daníel. Vísir/Vilhelm Gat ekki beðið eftir að segja pabba Aðspurður hvernig tilfinningin hafi verið að ná toppnum á Spotify svarar Daníel: „Þetta var mjög skemmtilegt. Það er búið að vera svo mikið í gangi og ég hef aldrei verið jafn upptekinn en ég var að gista með vinum mínum á fimmtudaginn og vakna svo á föstudagsmorgun við að Ólafur Jóhann, sem er mjög vinsæll á TikTok, sendir mér skilaboð og segir: Til hamingju. Ég fór beint inn á Spotify og sá að ég var kominn í fyrsta sætið. Ég hef aldrei staðið jafn hratt upp til þess að fara og segja pabba. Ég stóð upp og hljóp til hans með bros á vör og endurtók bara: Ég er í fyrsta sætið! Hann var mjög stoltur,“ segir Daníel brosandi. Daníel stefnir langt í tónlistinni.Aðsend Þykir of vænt um íslensku tunguna til að syngja á ensku Ásamt tónlistinni stundar Daníel nám á nýsköpunar-og hönnunarbraut við Tækniskólann. „Það hefur þó verið mjög erfitt að einblína á námið síðustu vikur.“ Hann stefnir langt í tónlistarheiminum og segist ætla að gera út heilmikið af lögum. „Mig langar líka að breyta senunni aðeins, koma með fjölbreytnina inn og gera þetta spennandi. Það er allt á uppleið núna í tónlistarsenunni eftir Covid og svona. Textalega séð langar mig líka að koma inn með jákvæðnina. Það er mikið af neikvæðri tónlist í gangi núna sem er góð en það vantar fjölbreytnina.“ @ekkidanjel Eru ekki allir jákvæðnir #positivevibes #swaggedout #fyrirþig SWAGGED OUT - danjel Aðspurður hvort hann sjái fyrir sér að stefna á erlendan markað svarar hann: „Það væri þá eftir að ég væri búinn að taka yfir Ísland. En ég veit ekki hvort ég hafi áhuga vegna þess að þá þyrfti ég að skipta yfir í enskuna. Mér þykir allt of vænt um tungumálið okkar til að gera það.“ Daníel þykir vænt um íslenska tungu og vill helst flytja tónlist sína á íslensku. Aðsend Hér má hlusta á Danjel á streymisveitunni Spotify.
Tónlist Menning Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið Aron passaði varla inn í bílinn Lífið María Sigrún leikur í einni dýrustu mynd allra tíma Bíó og sjónvarp Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira