Viðskipti innlent

Falið að stýra lána­sviði Fossa

Atli Ísleifsson skrifar
Guðmundur Björnsson.
Guðmundur Björnsson. Fossar

Guðmundur Björnsson hefur verið ráðinn forstöðumaður lánasviðs Fossa fjárfestingarbanka.

Í tilkynningu segir að ráðning Guðmundar sé liður í að efla lánastarfsemi bankans og leggja áherslu á sveigjanleika og meiri fjölbreytni í verkefnum lánasviðs.

„Guðmundur hefur langa reynslu af störfum á fjármálamarkaði. Áður en hann tók við lánasviði Fossa fjárfestingarbanka árið 2024 starfaði hann sem framkvæmdastjóri Glyms eignastýringar. Áður en Guðmundur stofnaði Glym eignastýringu í félagi við Fossa í maí 2021, starfaði hann sem áhættustjóri Kviku eignastýringar hf. frá 2020.

Á árunum 2008 til 2020 var hann framkvæmdastjóri rekstrarsviðs og áhættustýringar hjá GAMMA Capital Management. Frá 2002 til 2008 starfaði hann í afleiðuviðskiptum, fyrst hjá Búnaðarbankanum og seinna Kaupþingi, í byrjun sem sérfræðingur og frá 2006 sem forstöðumaður afleiðuviðskipta Kaupþings.

Guðmundur er með B.Sc gráðu í véla- og iðnaðarverkfræði frá Háskóla Íslands og hefur einnig lokið námi í verðbréfaviðskiptum,“ segir í tilkynningunni.

Fjármálafyrirtæki Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið