Erlent

Allt að fjögur hundruð þúsund plastagnir í vatnsflöskum

Samúel Karl Ólason skrifar
Í fimm flöskum frá þremur fyrirtækjum fundust frá 110 þúsund til fjögur hundruð þúsund agnir, að meðaltali um 240 þúsund.
Í fimm flöskum frá þremur fyrirtækjum fundust frá 110 þúsund til fjögur hundruð þúsund agnir, að meðaltali um 240 þúsund. AP/Luca Bruno

Vatnsflaska úr plasti inniheldur gífurlegt magn örsmárra agna úr plasti sem fólk drekkur. Bandarískir vísindamenn fundu allt að fjögur hundruð þúsund slíkar agnir í lítraflösku en stór hluti þeirra endar inn í mannfólki sem drekkur vatnið.

Umræddir vísindamenn tóku fimm flöskur frá þremur fyrirtækjum sem setja vatn í plastflöskur og selja og notuðu tækni sem þeir þróuðu, þar sem notast er við smásjár og leysigeisla, til að greina plastagnir í vatninu. Agnirnar eru innan við míkron í þvermál, sem er einn milljónasti úr metra. Þvermál hárs er um 83 míkron.

Í flöskunum fimm fundust frá 110 þúsund til fjögur hundruð þúsund agnir, að meðaltali um 240 þúsund, samkvæmt frétt AP fréttaveitunnar. Fréttaveitan segir að sambærilegar rannsóknir hafi skoðað mun stærri plastagnir og þær hafi verið töluvert minni.

Vitnað er í forsvarsmann rannsóknarinnar, Naixin Qian, sem segir útlit fyrir að mest af plastinu komi úr flöskunum sjálfum og frá síu sem ætlað er að halda efnum úr vatninu.

Vísindamenn hafa ekki sagt til um hvort þessar smáu plastagnir ógni heilsu fólks. Einn viðmælandi AP sagði það til rannsóknar en vitað væri að þær skiluðu sér inn í vefi dýra og manna. Núverandi rannsóknir snerust margar um það að finna svör við því hafa áhrif þessar agnir hafa á frumur í líkömum dýra og manna.

Í svari frá alþjóðlegum samtökum vatnsflöskufyrirtækja við fyrirspurn AP segir að á meðan spurningum um áhrif þessara agna á heilsufar fólks sé ósvarað, sé rannsóknum eins og þeirri sem um ræðir, eingöngu ætlað að hræða fólk.

Vísindamenn segja vísbendingar um að plastagnir í frumum fólks geti valdið skaða og meðal annars krabbameini.

Bandaríkin Heilsa

Tengdar fréttir

Plastmengun vaxandi vandamál á norðurslóðum

Plastagnir finnast nú nær alls staðar í hafinu á norðurslóðum en frekari rannsóknir skortir til að rekja uppruna þeirra. Framleiðsla á plasti hefur aukist gífurlega á síðustu áratugum og útlit er fyrir að hún margfaldist fyrir miðja þessa öld.

Bann við ein­­nota plasti er ekki lofts­lags­­mál

Bann við ein­nota plast­vörum er ekki hugsað til að sporna gegn losun gróður­húsa­loft­tegunda heldur að­eins til að minnka þann plast­úr­gang sem endar í sjónum. Sér­fræðingur hjá Umhverfisstofnun segir að það sé sjálf­stætt um­hverfis­vanda­mál að plast og plast­eindir endi í dýrum og berist jafn­vel úr þeim í menn þó lausnir við því geti vissu­lega haldist í hendur við það að draga úr losun gróður­húsa­loft­tegunda.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið