Utan vallar: Þetta einstaka eina prósent Ingvi Þór Sæmundsson skrifar 5. janúar 2024 10:02 Gísli Þorgeir Kristjánsson fagnar eftir að Magdeburg vann Kielce í úrslitaleik Meistaradeildar Evrópu. getty/Frederic Scheidemann Með allar líkur sér í óhag og eftir að hafa fengið mótlætisstorm í fangið vann Gísli Þorgeir Kristjánsson eitt magnaðasta íþróttaafrek Íslandssögunnar. Þess vegna er hann verðskuldaður Íþróttamaður ársins 2023. Það eru fjórar mínútur eftir af undanúrslitaleik Magdeburg og Barcelona í Meistaradeild Evrópu í handbolta. Staðan er 29-30, Börsungum í vil. Gísli keyrir inn í vörn Barcelona en rekst utan í brasilíska heljarmennið Thiago Pietrus. Hann fær þungt högg á öxlina, liggur óvígur eftir og kemur ekki meira við sögu í leiknum sem Magdeburg vinnur í vítakeppni. Gísli fagnar sigrinum með félögum sínum með höndina í fatla. Eftir leikinn greindi Bennet Wiegert, þjálfari Magdeburg, frá því að Gísli hefði farið úr axlarlið, ekki í fyrsta og ekki í annað sinn á ferlinum. Hafnfirðingurinn sést því væntanlega ekkert aftur á handboltavellinum fyrr en eftir nokkra mánuði. Það hefði verið niðurstaðan fyrir 99 prósent allra íþróttamanna. En Gísli er hluti af þessu einstaka eina prósenti. Svona eintök koma ekki í hverju goti. Eftir rúmar tuttugu mínútur skokkar Gísli inn á völlinn í úrslitaleiknum gegn Kielce, daginn eftir að hafa farið úr axlarlið. Um er að ræða einhverja rosalegustu upprisu frá því Lasarus vaknaði til lífsins fyrir margt löngu. Það er sennilega lygasaga og endurkoma Gísla hefði ekki átt að vera möguleg. En hún var það samt. Úrslitaleikurinn var æsispennandi og úrslitin réðust í framlengingu. Þar spilaði Gísli fullkomnar tíu mínútur og átti þátt í öllum mörkum Magdeburg sem vann leikinn, 30-29. Gísli skoraði alls sex mörk í leiknum, átti þátt í fjölda annarra og var valinn mikilvægasti leikmaður úrslitahelgarinnar. Og svo það sé endurtekið. Degi fyrir úrslitaleikinn fór Gísli úr axlarlið. Það er ekki eins og að brjóta nögl. Það á ekki vera hægt að spila jafn vel og Gísli gerði eftir að hafa orðið fyrir meiðslum af þessu tagi, hvað þá eftir að hafa farið nokkrum sinnum áður úr axlarlið. Þetta var einfaldlega goðsagnastöff hjá Gísla. Drengurinn er með hærri sársaukaþröskuld en innbrotsþjófarnir í Home Alone og sýndi fádæma keppnishörku og ósérhlífni í afar erfiðum aðstæðum. Gísli sýndi líka einstakt hugrekki. Þrátt fyrir að allar axlarófarirnar, og sérstaklega frá deginum áður, hafi eflaust verið bakvið eyrað réðist hann ítrekað á varnarmenn Kielce, plataði þá upp úr skónum, skoraði sjálfur eða lagði á borð fyrir samherja sína. Gísli fagnar Meistaradeildartitlinum á ráðhústorginu í Magdeburg.getty/Ronny Hartmann Það má heldur ekki gleyma því að Gísli var nýkominn aftur á völlinn fyrir úrslitahelgina eftir að hafa, jú fótbrotnað (!) nokkrum vikum áður. Hann braut bein í ökkla í Meistaradeildarleik gegn Wisla Plock 10. maí. Allir bjuggust við því að tímabilinu væri lokið og Magdeburg lýsti því meðal annars yfir. En mánuði síðar sneri hann aftur á völlinn. Vonin var um að spila úrslitahelgi Meistaradeildarinnar var afar veik en hún var til staðar og hélt honum gangandi eins og hann sagði í viðtali við undirritaðan í byrjun júní. „Það var algjör gulrót og markmiðið sem ég var alltaf með í hausnum. Það var eitthvað sem ég vildi ekki missa. Jafnvel þótt það væri ekki nema eitt prósent líkur til að ná því ætlaði ég að gera allt til þess. Ég var alveg hundrað prósent viss um að ég myndi aldrei sjá eftir vinnunni sem ég myndi leggja í það. Ég gæti alltaf sagt við sjálfan mig að ég hefði reynt allt til að láta þetta ganga,“ sagði Gísli. Eitt prósent von var nóg von til að keyra þennan einstaka íþróttamann áfram. Hann var svo aftur kýldur kaldur gegn Barcelona en stóð aftur upp og storkaði íþróttalögmálunum daginn eftir. Sly sjálfur hefði varla getað skrifað betra handrit að íþróttaendurkomu. Þótt Gísli myndi ekki gera neitt í viðbót á ferlinum væri hans arfleið í íslenskri íþróttasögu tryggð. En íþróttamenn sem tilheyra þessu einstaka eina prósenti eru aldrei saddir. Það eru fleiri afrek sem þarf að vinna og þau munu vinnast. Gísli mun halda áfram að skrifa goðsöguna um sjálfan sig. Landslið karla í handbolta Meistaradeild Evrópu í handbolta karla Þýski handboltinn Utan vallar Íþróttamaður ársins Mest lesið Kaupstefna Brighton ástæðan fyrir brotthvarfi De Zerbi Enski boltinn „Spilum eins og það sé enginn morgundagur“ Körfubolti Völdu Albert í lið ársins Fótbolti Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti „Eins og Svali segir: Móðir allra íþrótta“ Körfubolti Tuchel daðrar við Man United og Chelsea Enski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn Tel að ég geti hjálpað liðinu að ná í fleiri sigra Íslenski boltinn „Okkar langar rosalega að klífa upp töfluna“ Íslenski boltinn Klopp: Ulla konan mín mun segja mér hvað við erum að fara að gera Enski boltinn Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira
Það eru fjórar mínútur eftir af undanúrslitaleik Magdeburg og Barcelona í Meistaradeild Evrópu í handbolta. Staðan er 29-30, Börsungum í vil. Gísli keyrir inn í vörn Barcelona en rekst utan í brasilíska heljarmennið Thiago Pietrus. Hann fær þungt högg á öxlina, liggur óvígur eftir og kemur ekki meira við sögu í leiknum sem Magdeburg vinnur í vítakeppni. Gísli fagnar sigrinum með félögum sínum með höndina í fatla. Eftir leikinn greindi Bennet Wiegert, þjálfari Magdeburg, frá því að Gísli hefði farið úr axlarlið, ekki í fyrsta og ekki í annað sinn á ferlinum. Hafnfirðingurinn sést því væntanlega ekkert aftur á handboltavellinum fyrr en eftir nokkra mánuði. Það hefði verið niðurstaðan fyrir 99 prósent allra íþróttamanna. En Gísli er hluti af þessu einstaka eina prósenti. Svona eintök koma ekki í hverju goti. Eftir rúmar tuttugu mínútur skokkar Gísli inn á völlinn í úrslitaleiknum gegn Kielce, daginn eftir að hafa farið úr axlarlið. Um er að ræða einhverja rosalegustu upprisu frá því Lasarus vaknaði til lífsins fyrir margt löngu. Það er sennilega lygasaga og endurkoma Gísla hefði ekki átt að vera möguleg. En hún var það samt. Úrslitaleikurinn var æsispennandi og úrslitin réðust í framlengingu. Þar spilaði Gísli fullkomnar tíu mínútur og átti þátt í öllum mörkum Magdeburg sem vann leikinn, 30-29. Gísli skoraði alls sex mörk í leiknum, átti þátt í fjölda annarra og var valinn mikilvægasti leikmaður úrslitahelgarinnar. Og svo það sé endurtekið. Degi fyrir úrslitaleikinn fór Gísli úr axlarlið. Það er ekki eins og að brjóta nögl. Það á ekki vera hægt að spila jafn vel og Gísli gerði eftir að hafa orðið fyrir meiðslum af þessu tagi, hvað þá eftir að hafa farið nokkrum sinnum áður úr axlarlið. Þetta var einfaldlega goðsagnastöff hjá Gísla. Drengurinn er með hærri sársaukaþröskuld en innbrotsþjófarnir í Home Alone og sýndi fádæma keppnishörku og ósérhlífni í afar erfiðum aðstæðum. Gísli sýndi líka einstakt hugrekki. Þrátt fyrir að allar axlarófarirnar, og sérstaklega frá deginum áður, hafi eflaust verið bakvið eyrað réðist hann ítrekað á varnarmenn Kielce, plataði þá upp úr skónum, skoraði sjálfur eða lagði á borð fyrir samherja sína. Gísli fagnar Meistaradeildartitlinum á ráðhústorginu í Magdeburg.getty/Ronny Hartmann Það má heldur ekki gleyma því að Gísli var nýkominn aftur á völlinn fyrir úrslitahelgina eftir að hafa, jú fótbrotnað (!) nokkrum vikum áður. Hann braut bein í ökkla í Meistaradeildarleik gegn Wisla Plock 10. maí. Allir bjuggust við því að tímabilinu væri lokið og Magdeburg lýsti því meðal annars yfir. En mánuði síðar sneri hann aftur á völlinn. Vonin var um að spila úrslitahelgi Meistaradeildarinnar var afar veik en hún var til staðar og hélt honum gangandi eins og hann sagði í viðtali við undirritaðan í byrjun júní. „Það var algjör gulrót og markmiðið sem ég var alltaf með í hausnum. Það var eitthvað sem ég vildi ekki missa. Jafnvel þótt það væri ekki nema eitt prósent líkur til að ná því ætlaði ég að gera allt til þess. Ég var alveg hundrað prósent viss um að ég myndi aldrei sjá eftir vinnunni sem ég myndi leggja í það. Ég gæti alltaf sagt við sjálfan mig að ég hefði reynt allt til að láta þetta ganga,“ sagði Gísli. Eitt prósent von var nóg von til að keyra þennan einstaka íþróttamann áfram. Hann var svo aftur kýldur kaldur gegn Barcelona en stóð aftur upp og storkaði íþróttalögmálunum daginn eftir. Sly sjálfur hefði varla getað skrifað betra handrit að íþróttaendurkomu. Þótt Gísli myndi ekki gera neitt í viðbót á ferlinum væri hans arfleið í íslenskri íþróttasögu tryggð. En íþróttamenn sem tilheyra þessu einstaka eina prósenti eru aldrei saddir. Það eru fleiri afrek sem þarf að vinna og þau munu vinnast. Gísli mun halda áfram að skrifa goðsöguna um sjálfan sig.
Landslið karla í handbolta Meistaradeild Evrópu í handbolta karla Þýski handboltinn Utan vallar Íþróttamaður ársins Mest lesið Kaupstefna Brighton ástæðan fyrir brotthvarfi De Zerbi Enski boltinn „Spilum eins og það sé enginn morgundagur“ Körfubolti Völdu Albert í lið ársins Fótbolti Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti „Eins og Svali segir: Móðir allra íþrótta“ Körfubolti Tuchel daðrar við Man United og Chelsea Enski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn Tel að ég geti hjálpað liðinu að ná í fleiri sigra Íslenski boltinn „Okkar langar rosalega að klífa upp töfluna“ Íslenski boltinn Klopp: Ulla konan mín mun segja mér hvað við erum að fara að gera Enski boltinn Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn