Einn handtekinn vegna árásarinnar á aðfangadag

Sólrún Dögg Jósefsdóttir skrifar 27. desember 2023 19:02

Rannsókn á skotárásinni heldur áfram. Vísir/Vilhelm

Lögreglan á höfuðborgarsvæðinu biðlar til íbúa og forráðamanna fyrirtækja í Hvaleyrarholti að athuga með myndefni í öryggis- og eftirlitsmyndavélum á svæðinu og koma því til lögreglu ef svo ber undir. Tilefnið er rannsókn á skotárás sem gerð var í Hafnarfirði á aðfangadagskvöld.

Í tilkynningu frá lögreglu segir að um sé að ræða tímabilið hálftíu til hálfellefu á aðfangadagskvöld, en í þágu rannsóknarinnar sé verið að leita upplýsinga um grunsamlegar mannaferðir.

Lögreglan á höfuðborgarsvæðinu rannsakar skotárás í Hafnarfirði á aðfangadagskvöld þegar tveir menn fóru inn í íbúð í Álfholti og hleyptu af nokkrum skotum, en mikil mildi þykir að enginn slasaðist.

Búi einhver yfir upplýsingum um málið megi koma þeim á framfæri í tölvupósti á netfangið r2a@lrh.is.

Þá segir að einn hafi verið handtekinn í dag vegna málsins og sé enn í haldi lögreglu.

Lögreglumál Hafnarfjörður

Tengdar fréttir

Byssumanna enn leitað eftir árás á aðfangadag

Tveggja manna, sem grunaðir eru um skotárás í heimahúsi í Hafnarfirði á aðfangadagskvöld, er enn leitað. Þetta staðfestir Grímur Grímsson, yfirlögregluþjónn miðlægrar rannsóknardeildar, í samtali við fréttastofu.

27. desember 2023 13:57

Lögregla leitar byssumannanna og annarra sem gætu tengst árásinni

Lögreglan á höfuðborgarsvæðinu leitar nú tveggja manna sem réðust inn í íbúð í Hafnarfirði og hleyptu af skotum á aðfangadagskvöld. Þá leitar lögregla að öðrum sem gætu tengst málinu.

26. desember 2023 12:14

Skotárás í gærkvöldi til rannsóknar hjá lögreglu

Lögregla rannsakar nú mál frá því í gærkvöldi þegar tveir menn komu inn í íbúð í Hafnarfirði og hleyptu af skotum.

25. desember 2023 10:49

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.