Framkvæmdastjóri segir umbætur tryggðar en Einar vill stjórnina út Sólrún Dögg Jósefsdóttir og Hallgerður Kolbrún E. Jónsdóttir skrifa 10. desember 2023 17:58 Einar segir fjölskylduna ekki hafa fengið afsökunarbeiðni frá stjórn SFL fyrr en hann hafði sjálfur samband. Aðsend/Vísir/Arnar Framkvæmdastjóri Styrktarfélags lamaðra og fatlaðra segir hið leiðinlegasta mál að verið sé að hvetja til sniðgöngu Kærleikskúlunnar í ár. Hún segir starfsfólk Reykjadals þegar hafa gert það sem í þeirra valdi stendur til þess að fyrirbyggja að upp komi annað kynferðisbrotamál. Í skoðanagrein sem birtist á Vísi í morgun hvetur Einar Örn Jónsson, faðir stúlku sem varð fyrir kynferðisofbeldi í sumarbúðunum í Reykjadal, til sniðgöngu Kærleikskúlunnar í ljósi þess að ágóði hennar renni til sumarbúðanna í Reykjadal. Hann segir alvarlegan misbrest hafa verið á viðbrögðum starfsmanna og stjórnenda Reykjadals í kjölfar kynferðisbrotsins sem dóttir hans varð fyrir og verkferla hafi skort. Bergljót Borg tók við stöðu framkvæmdastjóra SFL í maí á þessu ári. Bergljót hafði litlu við málið að bæta þegar fréttastofa náði tali af henni. Hún sagði að um hið leiðinlegasta mál væri að ræða en vísaði í skýrslu Gæða- og eftirlitsstofnunar velferðamála þar sem komi fram að Styrktarfélagið hafi brugðist við öllum athugasemdum og allt mögulegt gert til að fyrirbyggja að slík mál kæmu upp aftur. Í niðurstöðum skýrslunnar kemur fram að starfsmannafjöldi sumarbúðanna taki nú mið af umönnunarþyngd gesta og að skýrir verkferlar séu nú til staðar, meðal annars um fyrstu viðbrögð, sem starfsfólki beri að beita þegar grunur leikur á að kynferðisofbeldi hafi átt sér stað. Vill moka stjórninni út Fréttamaður náði tali af Einari fyrr í dag. Hann var á öðru máli og sagði að á meðan stjórn SFL sé sú sama og þegar dóttir hans varð fyrir ofbeldinu geti hann ekki borið traust til styrktarfélagsins. Því hvetji hann til sniðgöngu Kærleikskúlunnar. „Okkur var misboðið að sjá að Styrktarfélag lamaðra og fatlaðra sé að leggja í einhvern fjölmiðlasirkús til að bæta ímynd sína og fegra hana á þessum tíma þegar það er ekki búið að gera almennilega hreint fyrir sínum dyrum varðandi þetta Reykjadalsmál,“ segir Einar. Að sjá umfjöllunina um Reykjadal í fjölmiðlum síðustu daga er að hans sögn eins og högg í magann. Einar segir málið enn á ákærusviði lögreglu og því langt frá því að vera útkljáð. „Svo er líka megnið af því fólki sem bar höfuðábyrgð á starfseminni á sínum tíma ennþá þarna við störf og í stjórn.“ Engum í stjórn sagt upp Einar segir Vilmund Gíslason þáverandi framkvæmdastjóra sem bar ábyrgð á öryggismálum hafa hætt í kjölfarið vegna aldurs, eftir því sem hann best veit. „En að okkar mati hefði náttúrlega bara átt að reka manninn með skömmum sama dag og þetta kom upp, en það var ekki gert,“ segir Einar. „Líka hefði ég viljað að forstjóri Reykjadals hefði verið rekinn með skömmum sama dag, það var ekki gert.“ Þá segir Einar að formaður stjórnar SLF hafi haldið málinu leyndu fyrir öðrum stjórnarmeðlimum og að aðeins örfáir í stjórninni hefðu vitað af því. „Við teljum að þeim hafi borið skylda til að upplýsa alla stjórnarmenn og líka alla foreldra barna sem voru í þessum sumarbúðum um hvað hafði gerst,“ segir Einar, og að stjórnin hefði ekki greint frá málinu fyrr en hann hefði sjálfur farið með málið í fjölmiðla. „Ef þetta hefði ekki komið fyrir mína dóttur heldur eitthvert annað barn og mín dóttir hefði sloppið við þetta, þá hefði ég samt viljað fá upplýsingar um þetta eins fljótt og mögulegt væri,“ segir Einar. Ekki beðin afsökunar strax Þá segist Einar ekki bera traust til starfsmanna og félagsins á meðan það fólk sem var í stjórn þess þegar málið kom upp sitji þar enn. Hann segir fjölskylduna ekki hafa fengið afsökunarbeiðni frá stjórn Reykjadals að fyrra bragði. „Við settum okkur í samband við stjórnina þegar við vissum að það væri von á skýrslu frá Gæða- og eftirlitsstofnun, bara til þess að ganga úr skuggum að þau myndu fá skýrsluna, ekki framkvæmdarstjórinn. Og við settum okkur í samband við þau í tölvupósti og þá fyrst fengum við einhverja ámátlega afsökunarbeiðni. Að öðru leyti ekki neitt.“ Bendir á Stígamót Aðspurður segir Einar tvíbent að ágóði kærleikskúlunnar renni til Reykjadals. Vissulega hafi margt gott gerst í Reykjadal en umrætt kynferðisbrotamál hafi verið í algjörum ólestri. Hvorki hafi viðbragðsáætlun við kynferðisbrotum né verkferlar um hvernig skyldi tekið á þeim verið til staðar. Þess vegna treysti þau ekki stjórnarmeðlimum SLF til þess að gegna því hlutverki áfram. „Við treystum ekki brennivörgunum til að sjá um slökkvistarfið. Það er bara einfaldlega þannig,“ segir Einar. Einar segist ekki hafa skoðun á því hvert ágóði kærleikskúlunnar ætti annars að renna. „Ég hef hvatt fólk sem hefur íhugað að kaupa kærleikskúluna að styrkja frekar Stígamót. Stígamót hafa reynst okkur vel í þessu máli og reynst fleira fólki vel í kynferðisbrotamálum,“ segir Einar. „Ég hvet líka félagsmenn í Styrktarfélagi lamaðra og fatlaðra til að moka út þessari stjórn og koma inn almennilegu fólki sem er hæft til að reka þessa starfsemi. Fara bara út með ruslið og gera hreint fyrir jólin.“ Málefni fatlaðs fólks Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Líkir Katrínu við „stalínista“ og skýtur á Vilhjálm Birgisson Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira
Í skoðanagrein sem birtist á Vísi í morgun hvetur Einar Örn Jónsson, faðir stúlku sem varð fyrir kynferðisofbeldi í sumarbúðunum í Reykjadal, til sniðgöngu Kærleikskúlunnar í ljósi þess að ágóði hennar renni til sumarbúðanna í Reykjadal. Hann segir alvarlegan misbrest hafa verið á viðbrögðum starfsmanna og stjórnenda Reykjadals í kjölfar kynferðisbrotsins sem dóttir hans varð fyrir og verkferla hafi skort. Bergljót Borg tók við stöðu framkvæmdastjóra SFL í maí á þessu ári. Bergljót hafði litlu við málið að bæta þegar fréttastofa náði tali af henni. Hún sagði að um hið leiðinlegasta mál væri að ræða en vísaði í skýrslu Gæða- og eftirlitsstofnunar velferðamála þar sem komi fram að Styrktarfélagið hafi brugðist við öllum athugasemdum og allt mögulegt gert til að fyrirbyggja að slík mál kæmu upp aftur. Í niðurstöðum skýrslunnar kemur fram að starfsmannafjöldi sumarbúðanna taki nú mið af umönnunarþyngd gesta og að skýrir verkferlar séu nú til staðar, meðal annars um fyrstu viðbrögð, sem starfsfólki beri að beita þegar grunur leikur á að kynferðisofbeldi hafi átt sér stað. Vill moka stjórninni út Fréttamaður náði tali af Einari fyrr í dag. Hann var á öðru máli og sagði að á meðan stjórn SFL sé sú sama og þegar dóttir hans varð fyrir ofbeldinu geti hann ekki borið traust til styrktarfélagsins. Því hvetji hann til sniðgöngu Kærleikskúlunnar. „Okkur var misboðið að sjá að Styrktarfélag lamaðra og fatlaðra sé að leggja í einhvern fjölmiðlasirkús til að bæta ímynd sína og fegra hana á þessum tíma þegar það er ekki búið að gera almennilega hreint fyrir sínum dyrum varðandi þetta Reykjadalsmál,“ segir Einar. Að sjá umfjöllunina um Reykjadal í fjölmiðlum síðustu daga er að hans sögn eins og högg í magann. Einar segir málið enn á ákærusviði lögreglu og því langt frá því að vera útkljáð. „Svo er líka megnið af því fólki sem bar höfuðábyrgð á starfseminni á sínum tíma ennþá þarna við störf og í stjórn.“ Engum í stjórn sagt upp Einar segir Vilmund Gíslason þáverandi framkvæmdastjóra sem bar ábyrgð á öryggismálum hafa hætt í kjölfarið vegna aldurs, eftir því sem hann best veit. „En að okkar mati hefði náttúrlega bara átt að reka manninn með skömmum sama dag og þetta kom upp, en það var ekki gert,“ segir Einar. „Líka hefði ég viljað að forstjóri Reykjadals hefði verið rekinn með skömmum sama dag, það var ekki gert.“ Þá segir Einar að formaður stjórnar SLF hafi haldið málinu leyndu fyrir öðrum stjórnarmeðlimum og að aðeins örfáir í stjórninni hefðu vitað af því. „Við teljum að þeim hafi borið skylda til að upplýsa alla stjórnarmenn og líka alla foreldra barna sem voru í þessum sumarbúðum um hvað hafði gerst,“ segir Einar, og að stjórnin hefði ekki greint frá málinu fyrr en hann hefði sjálfur farið með málið í fjölmiðla. „Ef þetta hefði ekki komið fyrir mína dóttur heldur eitthvert annað barn og mín dóttir hefði sloppið við þetta, þá hefði ég samt viljað fá upplýsingar um þetta eins fljótt og mögulegt væri,“ segir Einar. Ekki beðin afsökunar strax Þá segist Einar ekki bera traust til starfsmanna og félagsins á meðan það fólk sem var í stjórn þess þegar málið kom upp sitji þar enn. Hann segir fjölskylduna ekki hafa fengið afsökunarbeiðni frá stjórn Reykjadals að fyrra bragði. „Við settum okkur í samband við stjórnina þegar við vissum að það væri von á skýrslu frá Gæða- og eftirlitsstofnun, bara til þess að ganga úr skuggum að þau myndu fá skýrsluna, ekki framkvæmdarstjórinn. Og við settum okkur í samband við þau í tölvupósti og þá fyrst fengum við einhverja ámátlega afsökunarbeiðni. Að öðru leyti ekki neitt.“ Bendir á Stígamót Aðspurður segir Einar tvíbent að ágóði kærleikskúlunnar renni til Reykjadals. Vissulega hafi margt gott gerst í Reykjadal en umrætt kynferðisbrotamál hafi verið í algjörum ólestri. Hvorki hafi viðbragðsáætlun við kynferðisbrotum né verkferlar um hvernig skyldi tekið á þeim verið til staðar. Þess vegna treysti þau ekki stjórnarmeðlimum SLF til þess að gegna því hlutverki áfram. „Við treystum ekki brennivörgunum til að sjá um slökkvistarfið. Það er bara einfaldlega þannig,“ segir Einar. Einar segist ekki hafa skoðun á því hvert ágóði kærleikskúlunnar ætti annars að renna. „Ég hef hvatt fólk sem hefur íhugað að kaupa kærleikskúluna að styrkja frekar Stígamót. Stígamót hafa reynst okkur vel í þessu máli og reynst fleira fólki vel í kynferðisbrotamálum,“ segir Einar. „Ég hvet líka félagsmenn í Styrktarfélagi lamaðra og fatlaðra til að moka út þessari stjórn og koma inn almennilegu fólki sem er hæft til að reka þessa starfsemi. Fara bara út með ruslið og gera hreint fyrir jólin.“
Málefni fatlaðs fólks Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Átök á aðalfundi og lögregla kölluð til Innlent Líkir Katrínu við „stalínista“ og skýtur á Vilhjálm Birgisson Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent De Niro kallaði Trump skrímsli fyrir utan dómshúsið Erlent „Er búinn að blokka 237 manneskjur á tíu dögum“ Innlent „Fyrirvarinn var í rauninni enginn“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Um 200 bíða þess að vera flutt af landi í þvinguðum brottflutningi Líkir Katrínu við „stalínista“ og skýtur á Vilhjálm Birgisson Öllu tjaldað til við opnun nýrra undirganga Segir samstarfsfólk Katrínar hafa hvatt sig til að draga sig úr leik Átök á aðalfundi og lögregla kölluð til Undir yfirborði kosningabaráttunnar kraumi svæsinn slagur Bíða krufningar til að varpa ljósi á atburðarásina „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Sjá meira