„Er það ósk allra að heilbrigðisstarfsfólk fari í gegnum svona ferli?“ Oddur Ævar Gunnarsson skrifar 30. ágúst 2023 22:55 Ásta Kristín Andrésdóttir fór að lokum með skaðabótamál sitt á hendur ríkinu fyrir Hæstarétt. Vísir/Vilhelm Ásta Kristín Andrésdóttir, meðstjórnandi Heilsuhags, vill vekja fólk til umhugsunar um það hve flókin atvik geta verið sem upp koma á spítala og að yfirleitt sé aldrei neinum einum um að kenna. Hún kallar eftir breytingum á verkferlum lögreglu í slíkum málum og vill að hlutlaus nefnd fari yfir slík mál áður en lögregla taki þau til rannsóknar. Þetta kemur fram í aðsendri grein Ástu sem birtist á Vísi í kvöld. Tilefnið eru fréttir af því að lögregla rannsaki andlát á Landspítalanum fyrr í mánuðinum. Árið 2015 var Ásta Kristín Andrésdóttir ákærð fyrir manndráp af gáleysi og fyrir brot á hjúkrunarlögum á þeim grundelli að hún hefði gleymt að tæma loft úr kraga barkaraufarrennu þegar hún tók sjúkling úr öndunarvél 3. október 2012. Ásta var sýknuð af ákærunni og fór hún fram á miskabætur vegna málsins í kjölfarið. Segist hafa endurupplifað málið Í grein sinni á Vísi segist Ásta vona að haldið sé vel utan um alla þá sem tengist andlátinu. Hún segist vona að teymið á Landspítalanum sjái að það sé ljós við enda gangsins, það sjáist ekki strax en það muni koma. „Ég fór í endurupplifun eftir þessar fréttir um atvik á skurðstofu. Það ristir dálítið djúpt vegna þess að þetta var mín starfstöð í 12 ár. Og allir sem vinna þar eru með gull af hjarta, manngæsku, eru öryggismeðvituð, einstaklega faglega fær og vinna sína vinnu af heilindum.“ Hún segir sorgina og sektartilfinninguna vegna atvika sem gerist í heilbrigðiskerfinu fylgja öllum sem komi að. Sektartilfinningin geti verið yfirþyrmandi. Kallar eftir úrbótum „Ég kalla eftir úrbótum. Ég kalla eftir gegnsærri upplýsingagjöf til aðstandenda, heilbrigðisstarfsfólks og almennings. Það eru ekki allir sammála um að svona löggjöf eigi að fara í gegn. En það er meirihluti sem er sammála og ég held að þessi löggjöf muni gagnast bæði aðstandendum og heilbrigðisstarfsfólki.“ Ásta spyr hvað sé hægt að gera öðruvísi þegar slík atvik komi upp, hvernig verði hægt að hlúa að aðstandendum og lofa þeim upplýsingum og heiðarleika og hvernig sé hægt að hlúa að viðkomandi sakborningi, sem eigi ótrúlega erfitt. Hún segist hafa viljað hverfa þegar hún hafi verið sjálf í sömu stöðu. „Hvernig geta rannsóknarlögregla, Landlæknisembættið og Háskólasjúkrahúsið betrumbætt þetta ferli, þannig að málið endi ekki með ósköpum fyrir heilbrigðisstarfsmanninn?“ Horfa má á frétt Stöðvar 2 frá árinu 2015 þegar Ásta var sýknuð hér fyrir neðan. Þróaði með sér áfallastreituröskun Ásta segist hafa þróað með sér alvarlega áfallastreituröskun sem hún muni þurfa að takast á við út lífið, enda hafi hún verið venjuleg húsmóðir í Garðabæ sem allt í einu var lent í því að vera sakborningur í sakamáli við að vinna vinnuna sína. Hún kallar eftir því að komið verði upp verklagi þar sem tekist verði á við líðan heilbrigðisstarfsmanns í slíkum aðstæðum. „Og ég hef sagt þetta áður. Ég var bara venjuleg húsmóðir í Garðabæ, sem var allt í einu lent í því að vera sakborningur í sakamáli. Og ég var bara að vinna vinnuna mína. Er það ósk allra að heilbrigðisstarfsfólk fari í gegnum svona ferli?“ Hún segir að sig hafi langað að hverfa þegar hún hafi verið í þessum sporum. Vanlíðanin hafi fylgt henni fimm árum eftir atburðina. Vill að mannlegt eðli sé viðurkennt „Mér finnst vanta verklag milli rannsóknarlögreglu, LSH og Landlæknis um hvernig sé tekið á þessum málum, þannig að það fari enginn heim með sektarkennd sem getur valdið öðru dauðsfalli. Já ég segi það opið, því ég var þar - langaði að hverfa. Og var búin að gera áætlun um það hvernig og hvenær. Ég var búin að gefa mér leyfi á ákveðnum tíma að kveðja heiminn, ef ég væri enn í þessari gríðarlegu vanlíðan sem ég var í. Og nota bene, það var 5 árum eftir sýknudóminn minn.“ Ásta segir að sér finnist það vanta að mannlegt eðli sé viðurkennt. Að fólk sem lendi í slíkum atvikum eigi mjög auðvelt með að kenna sér um. Rannsókn lögreglu ætti að vera skilvirkari, nákvæmari og lýsa aðstæðum eins og þær eru. Ásta segist vilja vekja fólk til umhugsunar um þessi mál og hve flókin þau geti verið. „Ég kalla eftir breytingum á verkferlum lögreglu í svona málum. Ég kalla eftir að lögreglan sýni fram á að hún rannsaki málin í þaula, reyni að skilja það sem er læknisfræðilega flókið. Og helst myndi ég vilja hlutlausa nefnd sem færi yfir atvikin áður en lögregla tekur til rannsóknar.“ Grein Ástu í heild sinni á Vísi. Hjúkrunarfræðingur sýknaður af ákæru um manndráp Heilbrigðismál Landspítalinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Telur kjördæmin of stór og vill jafna vægi atkvæða Innlent Þyngri dómur fyrir að nauðga barnungri mágkonu Innlent Frederiksen slegin í miðborg Kaupmannahafnar Erlent Dómar vegna manndrápsins í Hafnarfirði þyngdir Innlent „Finnum að það er upplifun einhverra íbúa að okkur sé alveg sama“ Innlent 12 þúsundasti íbúi Árborgar heiðraður Innlent Íbúar óánægðir með borgina sem kemur í veg fyrir Bónusverslun Innlent Strákarnir fengu að fylgjast með verðlaunaafhendingunni Innlent Dómur vegna skotárásar þyngdur verulega Innlent Mótmælendur höfða mál á hendur ríkinu Innlent Fleiri fréttir Telur kjördæmin of stór og vill jafna vægi atkvæða Þyngri dómur fyrir að nauðga barnungri mágkonu 12 þúsundasti íbúi Árborgar heiðraður Dómar vegna manndrápsins í Hafnarfirði þyngdir Krísufundur VG, ónýt stúka og tónleikar í beinni „Finnum að það er upplifun einhverra íbúa að okkur sé alveg sama“ Fluttur á sjúkrahús eftir árekstur nærri Hvalfjarðargöngum Land er hætt að síga í Svartsengi Vinstri græn flýta landsfundi Mótmælendur höfða mál á hendur ríkinu Strandveiðimenn mótmæltu við Alþingishúsið: „Þurfum að gera talsverðar breytingar á kerfinu“ Settu af stað umbótaáætlun sem skilaði ekki árangri Íbúar óánægðir með borgina sem kemur í veg fyrir Bónusverslun Koma upp viðbragðshóp vegna áhrifa kuldakastsins Dómur vegna skotárásar þyngdur verulega Vill upplýsingar um bótasvik öryrkja Kjartan Bjarni skipaður landsréttardómari „Ótímabært“ að segja til um hvort hún sækist eftir forystu Strákarnir fengu að fylgjast með verðlaunaafhendingunni Krefja Vinnslustöðina um 1,5 milljarða króna Þyrla Landhelgisgæslunnar sótti veikan mann í skemmtiferðaskip Óska eftir sameiningarviðræðum þrátt fyrir andstöðu meirihluta Augljóslega þurfi að aðstoða bændur Umsóknum í HA fjölgaði um tuttugu prósent á tveimur árum Stolið af Grænum skátum fyrir tvær til þrjár milljónir á mánuði Ása Laufey skipuð prestur í Háteigskirkju Bjargráð fyrir bændur og ósáttir trillukarlar Hjúkrunarfræðingar fordæma aukið aðgengi að áfengi Læknar sagðir útbýta vottorðum eins og sælgæti Hafró ráðleggur eins prósents hækkun aflamarks þorsks Sjá meira
Þetta kemur fram í aðsendri grein Ástu sem birtist á Vísi í kvöld. Tilefnið eru fréttir af því að lögregla rannsaki andlát á Landspítalanum fyrr í mánuðinum. Árið 2015 var Ásta Kristín Andrésdóttir ákærð fyrir manndráp af gáleysi og fyrir brot á hjúkrunarlögum á þeim grundelli að hún hefði gleymt að tæma loft úr kraga barkaraufarrennu þegar hún tók sjúkling úr öndunarvél 3. október 2012. Ásta var sýknuð af ákærunni og fór hún fram á miskabætur vegna málsins í kjölfarið. Segist hafa endurupplifað málið Í grein sinni á Vísi segist Ásta vona að haldið sé vel utan um alla þá sem tengist andlátinu. Hún segist vona að teymið á Landspítalanum sjái að það sé ljós við enda gangsins, það sjáist ekki strax en það muni koma. „Ég fór í endurupplifun eftir þessar fréttir um atvik á skurðstofu. Það ristir dálítið djúpt vegna þess að þetta var mín starfstöð í 12 ár. Og allir sem vinna þar eru með gull af hjarta, manngæsku, eru öryggismeðvituð, einstaklega faglega fær og vinna sína vinnu af heilindum.“ Hún segir sorgina og sektartilfinninguna vegna atvika sem gerist í heilbrigðiskerfinu fylgja öllum sem komi að. Sektartilfinningin geti verið yfirþyrmandi. Kallar eftir úrbótum „Ég kalla eftir úrbótum. Ég kalla eftir gegnsærri upplýsingagjöf til aðstandenda, heilbrigðisstarfsfólks og almennings. Það eru ekki allir sammála um að svona löggjöf eigi að fara í gegn. En það er meirihluti sem er sammála og ég held að þessi löggjöf muni gagnast bæði aðstandendum og heilbrigðisstarfsfólki.“ Ásta spyr hvað sé hægt að gera öðruvísi þegar slík atvik komi upp, hvernig verði hægt að hlúa að aðstandendum og lofa þeim upplýsingum og heiðarleika og hvernig sé hægt að hlúa að viðkomandi sakborningi, sem eigi ótrúlega erfitt. Hún segist hafa viljað hverfa þegar hún hafi verið sjálf í sömu stöðu. „Hvernig geta rannsóknarlögregla, Landlæknisembættið og Háskólasjúkrahúsið betrumbætt þetta ferli, þannig að málið endi ekki með ósköpum fyrir heilbrigðisstarfsmanninn?“ Horfa má á frétt Stöðvar 2 frá árinu 2015 þegar Ásta var sýknuð hér fyrir neðan. Þróaði með sér áfallastreituröskun Ásta segist hafa þróað með sér alvarlega áfallastreituröskun sem hún muni þurfa að takast á við út lífið, enda hafi hún verið venjuleg húsmóðir í Garðabæ sem allt í einu var lent í því að vera sakborningur í sakamáli við að vinna vinnuna sína. Hún kallar eftir því að komið verði upp verklagi þar sem tekist verði á við líðan heilbrigðisstarfsmanns í slíkum aðstæðum. „Og ég hef sagt þetta áður. Ég var bara venjuleg húsmóðir í Garðabæ, sem var allt í einu lent í því að vera sakborningur í sakamáli. Og ég var bara að vinna vinnuna mína. Er það ósk allra að heilbrigðisstarfsfólk fari í gegnum svona ferli?“ Hún segir að sig hafi langað að hverfa þegar hún hafi verið í þessum sporum. Vanlíðanin hafi fylgt henni fimm árum eftir atburðina. Vill að mannlegt eðli sé viðurkennt „Mér finnst vanta verklag milli rannsóknarlögreglu, LSH og Landlæknis um hvernig sé tekið á þessum málum, þannig að það fari enginn heim með sektarkennd sem getur valdið öðru dauðsfalli. Já ég segi það opið, því ég var þar - langaði að hverfa. Og var búin að gera áætlun um það hvernig og hvenær. Ég var búin að gefa mér leyfi á ákveðnum tíma að kveðja heiminn, ef ég væri enn í þessari gríðarlegu vanlíðan sem ég var í. Og nota bene, það var 5 árum eftir sýknudóminn minn.“ Ásta segir að sér finnist það vanta að mannlegt eðli sé viðurkennt. Að fólk sem lendi í slíkum atvikum eigi mjög auðvelt með að kenna sér um. Rannsókn lögreglu ætti að vera skilvirkari, nákvæmari og lýsa aðstæðum eins og þær eru. Ásta segist vilja vekja fólk til umhugsunar um þessi mál og hve flókin þau geti verið. „Ég kalla eftir breytingum á verkferlum lögreglu í svona málum. Ég kalla eftir að lögreglan sýni fram á að hún rannsaki málin í þaula, reyni að skilja það sem er læknisfræðilega flókið. Og helst myndi ég vilja hlutlausa nefnd sem færi yfir atvikin áður en lögregla tekur til rannsóknar.“ Grein Ástu í heild sinni á Vísi.
Hjúkrunarfræðingur sýknaður af ákæru um manndráp Heilbrigðismál Landspítalinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Telur kjördæmin of stór og vill jafna vægi atkvæða Innlent Þyngri dómur fyrir að nauðga barnungri mágkonu Innlent Frederiksen slegin í miðborg Kaupmannahafnar Erlent Dómar vegna manndrápsins í Hafnarfirði þyngdir Innlent „Finnum að það er upplifun einhverra íbúa að okkur sé alveg sama“ Innlent 12 þúsundasti íbúi Árborgar heiðraður Innlent Íbúar óánægðir með borgina sem kemur í veg fyrir Bónusverslun Innlent Strákarnir fengu að fylgjast með verðlaunaafhendingunni Innlent Dómur vegna skotárásar þyngdur verulega Innlent Mótmælendur höfða mál á hendur ríkinu Innlent Fleiri fréttir Telur kjördæmin of stór og vill jafna vægi atkvæða Þyngri dómur fyrir að nauðga barnungri mágkonu 12 þúsundasti íbúi Árborgar heiðraður Dómar vegna manndrápsins í Hafnarfirði þyngdir Krísufundur VG, ónýt stúka og tónleikar í beinni „Finnum að það er upplifun einhverra íbúa að okkur sé alveg sama“ Fluttur á sjúkrahús eftir árekstur nærri Hvalfjarðargöngum Land er hætt að síga í Svartsengi Vinstri græn flýta landsfundi Mótmælendur höfða mál á hendur ríkinu Strandveiðimenn mótmæltu við Alþingishúsið: „Þurfum að gera talsverðar breytingar á kerfinu“ Settu af stað umbótaáætlun sem skilaði ekki árangri Íbúar óánægðir með borgina sem kemur í veg fyrir Bónusverslun Koma upp viðbragðshóp vegna áhrifa kuldakastsins Dómur vegna skotárásar þyngdur verulega Vill upplýsingar um bótasvik öryrkja Kjartan Bjarni skipaður landsréttardómari „Ótímabært“ að segja til um hvort hún sækist eftir forystu Strákarnir fengu að fylgjast með verðlaunaafhendingunni Krefja Vinnslustöðina um 1,5 milljarða króna Þyrla Landhelgisgæslunnar sótti veikan mann í skemmtiferðaskip Óska eftir sameiningarviðræðum þrátt fyrir andstöðu meirihluta Augljóslega þurfi að aðstoða bændur Umsóknum í HA fjölgaði um tuttugu prósent á tveimur árum Stolið af Grænum skátum fyrir tvær til þrjár milljónir á mánuði Ása Laufey skipuð prestur í Háteigskirkju Bjargráð fyrir bændur og ósáttir trillukarlar Hjúkrunarfræðingar fordæma aukið aðgengi að áfengi Læknar sagðir útbýta vottorðum eins og sælgæti Hafró ráðleggur eins prósents hækkun aflamarks þorsks Sjá meira