Fyrsta skipti í seinni tíð sem stjórnvöld hendi fólki meðvitað á götuna Lovísa Arnardóttir og Eiður Þór Árnason skrifa 19. ágúst 2023 10:27 Sigmar Guðmundsson, þingmaður Viðreisnar segir ríkisstjórnaflokkana þurfa að finna sameiginlega niðurstöðu í málinu. Vísir/Arnar Áfram ríkir óvissa um það hver eigi að aðstoða flóttafólk sem hefur verið svipt þjónustu eftir að hafa fengið endanlega synjun um alþjóðlega vernd. Ráðherrar funduðu með fulltrúum sveitarfélaganna um stöðuna í gær en engin niðurstaða fékkst í málið. Dómsmálaráðherra og félagsmálaráðherra greinir á um hvort sveitarfélög eigi að grípa hópinn og er dómsmálaráðherra sammála sveitarfélögunum um að þeim beri ekki að veita honum aðstoð. Ráðherra félagsmála telur þó skýrt að hælisleitendur sem hafa misst þjónustu ríkisins falli undir félagsþjónustu sveitarfélaganna. „Fólk verður að hlýta íslenskum lögum og fólk verður að hlýta niðurstöðu stjórnvalda sem er í þessu tilfelli sú að fólkið fær ekki vernd hér á Íslandi. Ég ætla að vara við því að markmið þessara laga það var ekki að við gætum flutt einn kostnað frá ríki yfir á sveitarfélögin og svo aftur til ríkisins. Við verðum að leysa þetta mál þannig að viðunandi niðurstaða fáist vegna þess að við erum líka velferðarríki og ég held að Íslendingar eigi erfitt með að sætta sig við það að fólk hafi ekki húsaskjól hér,“ segir Guðrún Hafsteinsdóttir dómsmálaráðherra. Sé óljóst og villandi Í gær lýstu 23 félagasamtök yfir þungum áhyggjum af stöðu hælisleitanda og sögðu málflutning ráðamanna vera óljósan og villandi. Sigmar Guðmundsson, þingmaður Viðreisnar tekur undir þetta. „Það er auðvitað ekki hægt að segja neitt annað en að þetta sé óljóst og villandi þegar ráðherrar ríkisstjórnarinnar tala í austur og vestur og það er nú áhugavert að í þessari yfirlýsingu þá sameinast biskup Íslands og No Borders þannig þetta eru mjög ólíkir aðilar sem þarna eru að tala og það er ekkert skrítið við það,“ sagði Sigmar í kvöldfréttum Stöðvar 2. Umræddir hælisleitendur hafa verið sviptir þjónustu á borð við húsnæði og mataraðstoð á grundvelli umdeilds ákvæðis í nýjum útlendingalögum sem kveður á um að umsækjendur um alþjóðlega vernd missi alla þjónustu á vegum ríkisins þrjátíu dögum eftir endanlega synjun um hæli ef það fellst ekki á að yfirgefa landið. „Í fyrsta skipti held ég að ég geti sagt í seinni tíma sögu Íslands hefur verið tekin meðvituð ákvörðun um það að henda fólki út á götu, senda það inn í Öskjuhlíð til þess að búa í tjaldi og það er auðvitað afskaplega dapurlegt,“ segir Sigmar. Málið sé vitnisburður um það að aukin harka sé að færast í málaflokkinn og skautunin að verða meiri. Hún sé ekki síst mikil innan ríkisstjórnarinnar. Skýra þurfi hugmyndir um búsetuúrræði með takmörkunum „Ég held að í ljósi þess að við vitum að Ísland verður aldrei alveg opið og heldur alveg lokað að það sé tímabært að stjórnmálaflokkarnir tali sig saman um einhverja sameiginlega lausn í þessum málaflokki. Fólkið í tjöldunum í Öskjuhlíðinni, ofan í gjótum eða hvar sem það er á skilið að við tölum betur saman,“ segir Sigmar. Guðrún Hafsteinsdóttir dómsmálaráðherra hefur sagt að það sé til skoðunar að koma á fót búsetuúrræði með takmörkunum fyrir hælisleitendur sem hafa fengið endanlega synjun um alþjóðlega vernd en neiti að yfirgefa landið. Sigmar telur ólíklegt að sú hugmynd verði að veruleika. „Ég hef nú skilið [Vinstri græn] þannig að þau séu ekki til í að ljá máls á því og á meðan VG vill það ekki þá á ég nú erfitt með að sjá að það fari í gegn. Þess utan er margt mjög óljóst í þessari hugmynd Guðrúnar. Erum við að tala um einhvers konar miklar ferðatakmarkanir og takmarkanir á frelsi fólks? Ætlum við að taka tillit til þess að sumt af fólkinu hreinlega kemst ekki til síns heima, það hefur ekki skilríki og það er þannig með sum þriðja heims ríkin að það er ekki hægt að senda bara tölvupóst og fá skilríki um hæl. Það eru alls konar aðstæður sem þetta fólk er í og við þurfum auðvitað að taka tillit til þess.“ Margt sé óljóst og hugmyndin um sérstakt búsetuúrræði sé of skammt á veg komin til að hægt sé að ræða hana fyllilega. „En þó vitum við að VG hefur að minnsta kosti sagt þvert nei við því,“ segir Sigmar Guðmundsson, þingmaður Viðreisnar.
Dómsmálaráðherra og félagsmálaráðherra greinir á um hvort sveitarfélög eigi að grípa hópinn og er dómsmálaráðherra sammála sveitarfélögunum um að þeim beri ekki að veita honum aðstoð. Ráðherra félagsmála telur þó skýrt að hælisleitendur sem hafa misst þjónustu ríkisins falli undir félagsþjónustu sveitarfélaganna. „Fólk verður að hlýta íslenskum lögum og fólk verður að hlýta niðurstöðu stjórnvalda sem er í þessu tilfelli sú að fólkið fær ekki vernd hér á Íslandi. Ég ætla að vara við því að markmið þessara laga það var ekki að við gætum flutt einn kostnað frá ríki yfir á sveitarfélögin og svo aftur til ríkisins. Við verðum að leysa þetta mál þannig að viðunandi niðurstaða fáist vegna þess að við erum líka velferðarríki og ég held að Íslendingar eigi erfitt með að sætta sig við það að fólk hafi ekki húsaskjól hér,“ segir Guðrún Hafsteinsdóttir dómsmálaráðherra. Sé óljóst og villandi Í gær lýstu 23 félagasamtök yfir þungum áhyggjum af stöðu hælisleitanda og sögðu málflutning ráðamanna vera óljósan og villandi. Sigmar Guðmundsson, þingmaður Viðreisnar tekur undir þetta. „Það er auðvitað ekki hægt að segja neitt annað en að þetta sé óljóst og villandi þegar ráðherrar ríkisstjórnarinnar tala í austur og vestur og það er nú áhugavert að í þessari yfirlýsingu þá sameinast biskup Íslands og No Borders þannig þetta eru mjög ólíkir aðilar sem þarna eru að tala og það er ekkert skrítið við það,“ sagði Sigmar í kvöldfréttum Stöðvar 2. Umræddir hælisleitendur hafa verið sviptir þjónustu á borð við húsnæði og mataraðstoð á grundvelli umdeilds ákvæðis í nýjum útlendingalögum sem kveður á um að umsækjendur um alþjóðlega vernd missi alla þjónustu á vegum ríkisins þrjátíu dögum eftir endanlega synjun um hæli ef það fellst ekki á að yfirgefa landið. „Í fyrsta skipti held ég að ég geti sagt í seinni tíma sögu Íslands hefur verið tekin meðvituð ákvörðun um það að henda fólki út á götu, senda það inn í Öskjuhlíð til þess að búa í tjaldi og það er auðvitað afskaplega dapurlegt,“ segir Sigmar. Málið sé vitnisburður um það að aukin harka sé að færast í málaflokkinn og skautunin að verða meiri. Hún sé ekki síst mikil innan ríkisstjórnarinnar. Skýra þurfi hugmyndir um búsetuúrræði með takmörkunum „Ég held að í ljósi þess að við vitum að Ísland verður aldrei alveg opið og heldur alveg lokað að það sé tímabært að stjórnmálaflokkarnir tali sig saman um einhverja sameiginlega lausn í þessum málaflokki. Fólkið í tjöldunum í Öskjuhlíðinni, ofan í gjótum eða hvar sem það er á skilið að við tölum betur saman,“ segir Sigmar. Guðrún Hafsteinsdóttir dómsmálaráðherra hefur sagt að það sé til skoðunar að koma á fót búsetuúrræði með takmörkunum fyrir hælisleitendur sem hafa fengið endanlega synjun um alþjóðlega vernd en neiti að yfirgefa landið. Sigmar telur ólíklegt að sú hugmynd verði að veruleika. „Ég hef nú skilið [Vinstri græn] þannig að þau séu ekki til í að ljá máls á því og á meðan VG vill það ekki þá á ég nú erfitt með að sjá að það fari í gegn. Þess utan er margt mjög óljóst í þessari hugmynd Guðrúnar. Erum við að tala um einhvers konar miklar ferðatakmarkanir og takmarkanir á frelsi fólks? Ætlum við að taka tillit til þess að sumt af fólkinu hreinlega kemst ekki til síns heima, það hefur ekki skilríki og það er þannig með sum þriðja heims ríkin að það er ekki hægt að senda bara tölvupóst og fá skilríki um hæl. Það eru alls konar aðstæður sem þetta fólk er í og við þurfum auðvitað að taka tillit til þess.“ Margt sé óljóst og hugmyndin um sérstakt búsetuúrræði sé of skammt á veg komin til að hægt sé að ræða hana fyllilega. „En þó vitum við að VG hefur að minnsta kosti sagt þvert nei við því,“ segir Sigmar Guðmundsson, þingmaður Viðreisnar.
Hælisleitendur Flóttafólk á Íslandi Ríkisstjórn Katrínar Jakobsdóttur Viðreisn Tengdar fréttir Býr í tjaldi í hraungjótu Tvítugur flóttamaður býr í hraungjótu en hann hefur misst allan rétt á þjónustu og aðstoð á Íslandi eftir endanlega synjun á umsókn um alþjóðlega vernd. Hann vill ekki fara aftur heim þar sem hann segist sæta ofsóknum vegna trúarbragða. 11. ágúst 2023 21:01 „Það er neyð á götunum og það er alvarlegt mál“ Reykjavík mun ekki þjónusta flóttafólk sem svipt hefur verið þjónustu án samtals eða verklags um verkefnið. Formaður borgarráðs segir verkefnið risavaxið og að það muni aðeins vaxa. 17. ágúst 2023 20:00 „Ekki gott að horfa upp á að fólk sofi í gjótum“ Félagsmálaráðherra telur ljóst að sveitarfélögin verði að grípa umsækjendur um alþjóðlega vernd sem hafa tapað allri þjónustu eftir að hafa fengið endanlega synjun um vernd. Verkefnið núna sé að tryggja fólkinu stjórnarskrárbundna lágmarksþjónustu. 16. ágúst 2023 23:26 Mest lesið Sjö fluttir með þyrlu eftir rútuslys á Suðurlandi Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Allir um borð í rútunni Íslendingar Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Sjá meira
Býr í tjaldi í hraungjótu Tvítugur flóttamaður býr í hraungjótu en hann hefur misst allan rétt á þjónustu og aðstoð á Íslandi eftir endanlega synjun á umsókn um alþjóðlega vernd. Hann vill ekki fara aftur heim þar sem hann segist sæta ofsóknum vegna trúarbragða. 11. ágúst 2023 21:01
„Það er neyð á götunum og það er alvarlegt mál“ Reykjavík mun ekki þjónusta flóttafólk sem svipt hefur verið þjónustu án samtals eða verklags um verkefnið. Formaður borgarráðs segir verkefnið risavaxið og að það muni aðeins vaxa. 17. ágúst 2023 20:00
„Ekki gott að horfa upp á að fólk sofi í gjótum“ Félagsmálaráðherra telur ljóst að sveitarfélögin verði að grípa umsækjendur um alþjóðlega vernd sem hafa tapað allri þjónustu eftir að hafa fengið endanlega synjun um vernd. Verkefnið núna sé að tryggja fólkinu stjórnarskrárbundna lágmarksþjónustu. 16. ágúst 2023 23:26
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra