Erlent

Tólf slasaðir eftir að rútu var ekið inn í skóla í Osló

Hólmfríður Gísladóttir skrifar
Osló er höfuðborg Noregs.
Osló er höfuðborg Noregs. Getty

Tólf eru slasaðir, þar af tveir í lífshættu, eftir að rútu var ekið inn í skóla í Osló í gærkvöldi. Samkvæmt miðlum í Noregi verður ökumaðurinn, sem er sagður maður á sjötugsaldri, ákærður fyrir gáleysislegan akstur.

Lögreglu barst tilkynning um atvikið um klukkan 22 í gærkvöldi og var greint frá því að rútu hefði verið ekið út af vegi og inn í eina byggingu Vahl-barnaskólans.

Lögregla sagði í gær að ekkert benti til annars en að um slys væri að ræða.

Ellefu hinna slösuðu voru farþegar í rútunni en einn var fyrir utan hana. Tveir eru sagðir í lífshættu og einn alvarlega slasaður. Sjö sjúkrabifreiðar voru sendar á vettvang.

Yfirvöld hafa slysið nú til rannsóknar en það mun hvorki hafa áhrif á skólahald né starfsemi knattspyrnufélagsins Sterling, sem heldur æfingar í byggingunni sem um ræðir.

Noregur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið