Erlent

Leikari úr þáttunum Eup­horia látinn

Kristinn Haukur Guðnason skrifar
Cloud var aðeins 25 ára gamall.
Cloud var aðeins 25 ára gamall. AP

Angus Cloud, 25 ára bandarískur leikari, er látinn. Cloud var best þekktur fyrir að leika í sjónvarpsþáttaröðinni Euphoria.

Cloud lést á fjölskylduheimili sínu í borginni Oakland í Kaliforníufylki í dag, mánudag. Dánarorsök hefur ekki verið gefin upp. Fram kemur að faðir hans hafi látist aðeins viku áður og Cloud átti mjög bágt eftir það.

„Það er með mikilli sorg að við kveðjum ótrúlega manneskju í dag,“ segir í yfirlýsingu fjölskyldunnar.

Cloud lék eiturlyfjasalann Fezco í þáttunum Euphoria sem fjalla um baráttu ungmenna í Kaliforníu við fíkn, ofbeldi, geðsjúkdóma og fleiri mein.

Einnig hafði hann leikið í tveimur útgefnum kvikmyndum og þremur sem eiga enn eftir að koma út.

Andlát Bíó og sjónvarp Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið