Innlent

Hrina skemmdar­­­verka hrjáir gesti á Akur­eyri

Eiður Þór Árnason skrifar
Margir bíleigendur sitja eftir með sárt ennið.
Margir bíleigendur sitja eftir með sárt ennið. Vísir/Vilhelm/Aðsend

Tilkynnt hefur verið um fjölda skemmdarverka á Akureyri þar sem óprúttnir aðilar hafa rispað bifreiðar að utan. Hafa tólf slík mál komið inn á borð lögreglu en talið er að öll skemmdarverkin hafi átt sér stað í gær á svipuðu svæði nálægt miðbæ Akureyrar.

Mikill fjöldi fólks er í bænum þessa dagana í tengslum við N1-mót drengja og Pollamótið en báðum fótboltamótum lýkur í dag. 

„Það eru nokkuð margar bifreiðar sem hafa verið skemmdar og málin eru í rannsókn,“ segir Inga María Warén, aðalvarðstjóri hjá lögreglunni á Akureyri, í samtali við fréttastofu.

„Á heildina litið er þetta mikið tjón en þetta eru bara skrámur á einni og einni bifreið.“

Að sögn Vikublaðsins er talið að um tíu þúsund manns séu á Akureyri í tengslum við N1-mótið og þá séu 66 lið karla og kvenna skráð til leiks á Pollamótinu. Veðrið hefur leikið við gesti og íbúa Akureyrar á þessum lokadegi mótanna og hiti náð allt að 23 gráðum.

Akureyri Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið