Innlent

Rúta og þrír fólks­bílar festust í ám og lækjum vegna vatna­vaxta

Hólmfríður Gísladóttir skrifar
Landmannalaugar.
Landmannalaugar. Getty/Ratnakorn Piyasirisorost

Björgunarsveitir á Suðurlandi höfðu í nógu að snúast í gær vegna vatnavaxta, sem nú eiga sér stað í ám og lækjum. Sextán var bjargað úr rútu sem festist í Hellisá á leið inn að Laka en ekki tókst að ná rútunni upp úr ánni.

Þrjár bifreiðar aðrar festust í gær og á laugardag; ein á vaðinu í Landmannalaugum, önnur í Helliskvísl á Dómadalsleið og þriðja í Steinholtsá á leið inn í Þórsmörk.

Þrjú umferðarslys urðu á Suðurlandi urðu um helgina en þrír voru fluttir á Heilbrigðisstofnun Suðurlands á Selfossi eftir að ökumaður velti bifreið sinni á Suðurlandsvegi hinum gamla, skammt frá Kotströnd. Meðsl farþega voru talin minniháttar.

Þá velti ökumaður bifreið á Laugarvatnsvegi og hlaut minniháttar meiðsl.

Vísir hafði þegar greint frá því að ökumaður lenti út í á eftir að hafa ekið á enda brúarhandriðs á Markarfljótsbrú. Tókst ökumanninum að halda í bifreiðina þar til aðstoð barst og var fluttur með þyrlu á slysadeild Landspítala. Vitað er að ökumaðurinn ofkældist.

Í Facebook-færslu minnir lögreglan á Suðurlandi á að framundan séu stórar umferðarhelgar í umdæminu og eru allir hvattir til að gera allt sem í þeirra valdi stendur til að stuðla að slysalausu sumri.

Lögreglumál Rangárþing eystra Ölfus Bláskógabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið