Aldrei jafn margir með sparnaðarreikning eins og á síðustu og verstu Oddur Ævar Gunnarsson skrifar 16. júní 2023 07:01 Sigríður Hrefna Hrafnkelsdóttir segir miklar breytingar hafa orðið á viðhorfum fólks til sparnaðar. Íslandsbanki Óverðtryggður sparnaðarreikningur Íslandsbanka er orðinn sá stærsti á einstaklingssviði bankans. Framkvæmdastjóri einstaklingssviðsins segir verðbólgutíð þar spila stærstan þátt. Aldrei hafi eins margir spáð í sparnað og nú. „Það er ótrúlega gleðilegt og ákveðin tímamót um leið því þessi reikningur er eingöngu stafrænn. Þú getur ekki gengið í næsta útibú og opnað þennan reikning, heldur er það bara hægt á netinu eða í appi,“ segir Sigríður Hrefna Hrafnkelsdóttir, framkvæmdastjóri einstaklingssviðs Íslandsbanka í samtali við Vísi. Um er að ræða óbundinn óverðtryggðan sparnaðarreikning sem ber nafnið Ávöxtun og býður bankinn þar upp á 8,25 prósent vexti. Hún segir gleðilegt að einstaklingar séu orðnir jafn meðvitaðir um mikilvægi sparnaðs og raun ber vitni, á þeim verðbólgutímum sem nú eru uppi. Meðvitund um mikilvægi fjármálalæsis hafi aukist. „Við erum að sjá að með tilkomu ýmissa lausna líkt og Aurbjargar er meðvitundin orðin svo mikil hjá einstaklingum. Fólk er orðið miklu fjármálalæsara en það var og orðið miklu upplýstara um valkosti og eru orðin betri viðskiptastjórar í eigin lífi. Mér finnst þetta gríðarlega jákvæð þróun.“ Ekki lengur bara einn reikningur Miklar breytingar hafi orðið á undanförnum árum og af sem áður var, þegar einstaklingar voru einungis með einn reikning. „Sem betur fer eru einstaklingar farnir að hugsa um hvar þeir fái meira fyrir sparnaðinn sinn, sem er bara ofboðslega gott. Manni finnst það gott þegar maður sér hegðun í þá veru að fólk er farið að safna og spara sér fyrir hlutunum í stað þess að taka þetta allt saman á einhverjum lánafyrirgreiðslum. Það er bara rosalega gott.“ Allir kannist við það þegar óvæntur kostnaður komi upp og nefnir Sigríður þar tannlæknakostnað eða bilun á þvottavél. „Það sem mér finnst magnaðast í þessu öllu, að áður fyrr þá upplifði fólk að það þyrfti að leggja svo mikið fyrir á hverjum mánuði til þess að spara en þegar einstaklingar brjóta þetta niður og leggja bara smá til hliðar að þá verður þetta litla smáa svo hratt svo stórt.“ Einstaklingar spara á öllum aldri Hún segir að hópur þeirra einstaklinga sem nýti sér sparnaðarreikningurinn sé skipaður fjölbreyttum einstaklingum. Þeir séu á ólíkum aldri. „Það gleður líka, því að oft var sparnaður eyrnamerktur eldra fólki, að það væri bara fullorðið fólk sem ætti efni á því að spara en nú sér maður að einstaklingar eru að breyta sinni neysluhegðun og að leggja reglulega fyrir.“ Neytendur Íslandsbanki Íslenskir bankar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf „Ég nenni ekki að standa í einhverju veseni“ Atvinnulíf Að gera ekki algeng mistök sem stjórnandi í fyrsta sinn Atvinnulíf Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Hægir á verðhækkunum matvöru „Gátum ekki setið og beðið endalaust“ Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Sjá meira
„Það er ótrúlega gleðilegt og ákveðin tímamót um leið því þessi reikningur er eingöngu stafrænn. Þú getur ekki gengið í næsta útibú og opnað þennan reikning, heldur er það bara hægt á netinu eða í appi,“ segir Sigríður Hrefna Hrafnkelsdóttir, framkvæmdastjóri einstaklingssviðs Íslandsbanka í samtali við Vísi. Um er að ræða óbundinn óverðtryggðan sparnaðarreikning sem ber nafnið Ávöxtun og býður bankinn þar upp á 8,25 prósent vexti. Hún segir gleðilegt að einstaklingar séu orðnir jafn meðvitaðir um mikilvægi sparnaðs og raun ber vitni, á þeim verðbólgutímum sem nú eru uppi. Meðvitund um mikilvægi fjármálalæsis hafi aukist. „Við erum að sjá að með tilkomu ýmissa lausna líkt og Aurbjargar er meðvitundin orðin svo mikil hjá einstaklingum. Fólk er orðið miklu fjármálalæsara en það var og orðið miklu upplýstara um valkosti og eru orðin betri viðskiptastjórar í eigin lífi. Mér finnst þetta gríðarlega jákvæð þróun.“ Ekki lengur bara einn reikningur Miklar breytingar hafi orðið á undanförnum árum og af sem áður var, þegar einstaklingar voru einungis með einn reikning. „Sem betur fer eru einstaklingar farnir að hugsa um hvar þeir fái meira fyrir sparnaðinn sinn, sem er bara ofboðslega gott. Manni finnst það gott þegar maður sér hegðun í þá veru að fólk er farið að safna og spara sér fyrir hlutunum í stað þess að taka þetta allt saman á einhverjum lánafyrirgreiðslum. Það er bara rosalega gott.“ Allir kannist við það þegar óvæntur kostnaður komi upp og nefnir Sigríður þar tannlæknakostnað eða bilun á þvottavél. „Það sem mér finnst magnaðast í þessu öllu, að áður fyrr þá upplifði fólk að það þyrfti að leggja svo mikið fyrir á hverjum mánuði til þess að spara en þegar einstaklingar brjóta þetta niður og leggja bara smá til hliðar að þá verður þetta litla smáa svo hratt svo stórt.“ Einstaklingar spara á öllum aldri Hún segir að hópur þeirra einstaklinga sem nýti sér sparnaðarreikningurinn sé skipaður fjölbreyttum einstaklingum. Þeir séu á ólíkum aldri. „Það gleður líka, því að oft var sparnaður eyrnamerktur eldra fólki, að það væri bara fullorðið fólk sem ætti efni á því að spara en nú sér maður að einstaklingar eru að breyta sinni neysluhegðun og að leggja reglulega fyrir.“
Neytendur Íslandsbanki Íslenskir bankar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent „Hann eyðileggur alltaf alla stemningu um leið og hann kemur“ Atvinnulíf „Ég nenni ekki að standa í einhverju veseni“ Atvinnulíf Að gera ekki algeng mistök sem stjórnandi í fyrsta sinn Atvinnulíf Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Hægir á verðhækkunum matvöru „Gátum ekki setið og beðið endalaust“ Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Sjá meira