Erlent

Fyrr­verandi kærasta Woods þarf að virða þagnar­sam­komu­lag

Hólmfríður Gísladóttir skrifar
Herman og Woods voru saman í fimm ár.
Herman og Woods voru saman í fimm ár. Getty/Jamie Squire

Dómari í Flórída hefur komist að þeirri niðurstöðu að fyrrverandi kærastu Tiger Woods beri að virða þagnarsamning sem hún undirritaði en hefur freistað að fá felldan úr gildi.

Erica Herman hélt því fram að samingurinn væri ógildur sökum alríkislaga sem sett voru árið 2022 og kveða á um ógildingu þagnarsamninga þegar um er að ræða kynferðislega áreitni eða misnotkun.

Dómarinn sagði Herman hins vegar ekki hafa sýnt fram á að hún hefði verið áreitt eða misnotuð.

Umleitan Herman tengist öðru máli sem hún hefur höfðað á hendur golfstjörnunni, þar sem hún fer fram á að hann greiði henni 30 milljónir dala. Segir hún að hann hafi læst hana úti og meinað henni aðgang að heimili þeirra, eftir að hafa verið plötuð til að pakka í tösku fyrir ferðalag.

Herman segir Woods hafa lofað henni því að hún mætti búa á heimilinu í ellefu ár. Upphæðin sem hún gerir kröfu um jafngildir kostnaðinum við að leigja áþekkt heimili í sex ár.

Herman starfaði áður á veitingastað í eigu Woods en talið er að þau hafi byrjað saman árið 2017 og hætt saman einhvern tímann í fyrra.

Golf Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið