Erlent

Selenskíj til fundar við páfa

Kjartan Kjartansson skrifar
Töluverður viðbúnaður lögreglu er við Péturstorgið í Páfagarði vegna heimsóknar Selenskíj Úkraínuforseta.
Töluverður viðbúnaður lögreglu er við Péturstorgið í Páfagarði vegna heimsóknar Selenskíj Úkraínuforseta. AP/Gregorio Borgia

Volodýmýr Selenskíj, forseti Úkraínu, kom til Rómarborgar í morgun en hann hygst funda með Frans páfa og ítölskum ráðamönnum. Páfi heldur því fram að Páfagarður vinni að því að koma á friði í Úkraínu á bak við tjöldin.

Flugvél úkraínska forsetans lenti á herflugvelli við Róm í morgun. Antonio Tajani, utanríkisráðherra Ítalíu, tók á móti honum. Ráðherrann sagði fjölmiðlum að Ítalir stæðu þétt við bakið á Úkraínumönnum og styddu aðeins friðaráætlanir sem varðveittu sjálfstæði Úkraínu.

Auk páfa ætlar Selenskíj að funda með Giorgiu Meloni, forsætisráðherra Ítalíu, og Sergio Mattarella, forseta. Meloni hefur einarðlega stutt hernaðaraðstoð til Úkraínu þrátt fryir að tveir hægriflokkar sem eiga sæti í samsteypustjórn hennar séu hallir undir Vladímír Pútín Rússlandsforseta.

Frans páfi sagði fréttamönnum í síðasta mánuði að Páfagarður ætti aðkomu að friðarviðræðum á bak við tjöldin án þess að fara nánar út í það. Hvorki Rússar né Úkraínumenn hafa staðfest að slíkar viðræður eigi sér stað.

Talið er að Selenskíj haldi næst til Berlínar. Það yrði fyrsta heimsókn hans til Þýskalands frá því að innrás Rússa hófst í fyrra.

Úkraína Innrás Rússa í Úkraínu Páfagarður Ítalía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið