Tork gaur: „Það er eitthvað svona frískandi við að vera hérna inni“

Máni Snær Þorláksson skrifar 9. maí 2023 09:30

Tork gaurinn tekur fyrir Renault Megane e-tech í þætti dagsins. Vísir/James Einar

Bílaþættirnir Tork gaur halda áfram á Vísi í dag. Í níunda þætti annarrar þáttaraðar er Renault Megane E-tech tekinn fyrir.

James Einar Becker er stjórnandi þáttanna, Tork gaurinn sjálfur. Í upphafi þáttarins bendir hann á að í dag sé ekki hægt að kaupa Renault Megane með dísel- eða bensínvél. „Núna er hann eingöngu rafmagnaður,“ segir hann.

Þegar rætt er um rafmagnsbíla er við því að búast að minnast á drægnina. Uppgefin drægni þessa bíls eru 470 kílómetrar. James segir þá drægni vera svipaða og við má búast af bíl af þessari stærð.

James segir þennan bíl koma til með að keppa við bíla eins og Volkswagen ID.3 eða nýja Smart #1 bílinn. Hann segist þó ekki getað borið þá saman þar sem hann hefur ekki keyrt hina bílana. „Þannig ég get bara sagt ykkur hvernig þessi bíll er,“ segir hann.

„Fyrir mitt leyti þá finnst mér þetta asskoti nettur bíll. Sterkasti sölupunktur þessa bíls að mínu mati er hérna inni í ökumannsklefanum. Það er eitthvað svona frískandi við að vera hérna inni.“

Hér fyrir neðan má sjá þáttinn í heild sinni.

Klippa: Tork gaur - Renault Megane E-tech

Tork gaur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.