Innlent

Gómuðu norskt línuskip á bannsvæði

Samúel Karl Ólason skrifar
Frá stjórnstöð Landhelgisgæslunnar.
Frá stjórnstöð Landhelgisgæslunnar. Landhelgisgæslan

Varðstjórar í stjórnstöð Landhelgisgæslunnar gómuðu norskt línuskip við veiðar á bannsvæði í fiskveiðilögsögunni í fyrrinótt. Áhöfn skipsins var gert að sigla því til hafnar í Reykjavík en þangað kom það í nótt.

Í tilkynningu frá Landhelgisgæslunni segir að skipið hafi sést á fjareftirlitskerfi stofnunarinnar. Samband hafi verið haft við áhöfn skipsins og vakthafandi skipstjórnarmaður hafi viðurkennt að skipið væri á veiðum. Honum hafi í kjölfarið verið tilkynnt að þeir væru á bannsvæði.

Skipið kom til hafnar í Reykjavík síðustu nótt og fóru liðsmenn séraðgerðasveitar LHG, lögreglumenn og fulltrúar Fiskistofu um borð. Þar var rætt við áhöfn og farið yfir afladagbók og veiðarfæri. Skipin var svo siglt á brott í kjölfarið.

í áðurnefndri tilkynningu segir að lögreglan fari með rannsókn málsins í samvinnu við Landhelgisgæsluna.

Sjávarútvegur Landhelgisgæslan Noregur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið