„Með BMW áhuga eiginlega síðan ég kom úr legi móður minnar“

Máni Snær Þorláksson skrifar 4. apríl 2023 07:00

James Einar er mikill BMW aðdáandi. Vísir/James

Bílaþættirnir Tork gaur halda áfram á Vísi í dag. Í fjórða þætti annarrar þáttaraðar er BMW i4 eDrive 40 tekinn fyrir. Um er að ræða afturhjóladrifinn BMW bíl sem er einungis knúinn af rafmagni.

James Einar Becker er stjórnandi þáttanna, Tork gaurinn sjálfur. Hann er mikill BMW aðdáandi, raunar svo mikill að hann segir áhugann hafa kviknað um leið og hann fæddist. „Ég hef verið brennimerktur með BMW áhuga eiginlega síðan ég kom úr legi móður minnar,“ segir hann.

„Viðskiptavinir og aðdáendur BMW er mjög dyggur hópur. Þess vegna getur verið vandasamt fyrir bílaframleiðendur eins og BMW að framleiða rafmagnsbíla sem kitla sömu taugar og bensínbílarnir hafa gert fyrir þennan aðdáendahóp.“

James Einar segir að þessi bíll þurfi því að sanna sig fyrir umræddum aðdáendahóp.

Hægt er að sjá þáttinn í heild sinni í spilaranum hér fyrir neðan.

Klippa: Tork gaur - BMW i4 eDrive 40

Á meðal þess sem James Einar talar um í þættinum er grillið á bílnum en það svipar til þeirra sem hafa verið á BMW-bílum síðustu ára. Hann segist fíla grillið og biðlar til fólks að hætta að væla að það sé „ekki eins og í gamla daga.“

„Nenniði svo að gera mér greiða og hætta að nöldra yfir grillinu á þessum nýju BMW-um,“ segir James Einar. „Get over it. Hlutirnir, þeir þróast. Hlutirnir verða oft betri. Vissulega tekur það stundum tíma að venjast því en fyrir mitt leyti þá er þetta grill búið að venjast virkilega vel. Mér finnst það nett.“

Tork gaur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.