Í basli með að senda hlébarða til Úkraínu Samúel Karl Ólason skrifar 1. mars 2023 15:00 Þýskir hermann hafa verið að þjálfa úkraínska hermenn í notkun Leopard 2 skriðdreka og í notkun eldri Leopard 1 skriðdreka. Til þess hafa gamlir hermenn verið kallaðir úr helgum stein til að kenn á eldri skriðdrekana. EPA-EFE/FILIP SINGER Úkraínumönnum hefur verið lofað tugum vestrænna skriðdreka á næstu vikum og mánuðum. Minnst fjórir hafa þegar verið sendir til landsins og er verið að þjálfa hermenn á skriðdrekana í nokkrum löndum. Ríki Evrópu eiga þó í basli með að standa við stóru orðin og gengur erfiðlega að finna skriðdreka. Pólverjar hafa afhent minnst fjóra Leopard 2 skriðdreka og ætla sér að senda minnst tíu til viðbótar. Þeir eru einnig að senda Úkraínumönnum þrjátíu P-91 skriðdreka, sem eru í raun verulega uppfærðir T-72 skriðdrekar frá tímum Sovétríkjanna. Þá hafa Þjóðverjar heitið því að senda átján Leopard 2skriðdreka og Bretar eru einnig að þjálfa úkraínska hermenn í að nota Challenger 2 skriðdreka. Aðrir bakhjarlar Úkraínu ætla að senda færri skriðdreka af gerðinni Leopard 2. Sjá einnig: Fyrstu Hlébarðarnir komnir til Úkraínu og Selenskí heitir sigri Þar að auki hafa ráðamenn í Evrópu lofað því að senda umtalsverðan fjölda eldri skriðdreka af gerðinni Leopard 1 til Úkraínu. Til dæmis stendur til að senda 88 slíka skriðdreka frá Þýskalandi. Bandaríkjamenn hafa þar að auki heitið því að útvega Úkraínumönnum 31 M1A1 Abrams skriðdreka en það er langt í að þeir verði afhentir. Úkraínumenn eru einnig að fá mikið magn bryndreka frá Bandaríkjamönnum og Þjóðverjum. Boris Pistorius, varnarmálaráðherra Þýskalands, gagnrýndi aðra bakhjarla Úkraínu á fundi í síðasta mánuði fyrir hægagang með skriðdrekasendingar. Hann sagði að eftir mikinn þrýsting á Þjóðverja um mánaða skeið skildi hann ekki að margir af þeim sem hefðu þrýst hvað mest á Þjóðverja færu hægt. Í frétt New York Times segir að óljóst sé hvort bakhjörlum Evrópu takist að skrapa saman Leopard 2 skriðdreka fyrir tvö herfylki (e. Battalion) eða alls 62 skriðdreka. Það er þrátt fyrir að áætlað sé að um tvö þúsund Leopard 2 skriðdrekar, í mörgum útgáfum, séu í notkun í Evrópu. Skriðdrekinn er sá algengasti í heimsálfunni. Hafa vanrækt vopnabúr sín Ráðamenn í Evrópu hafa víða komist að því að skriðdrekarnir í vopnabúrum þeirra virka ekki sem skildi eða skortur sé á varahlutum fyrir skriðdrekana. Þetta er til að mynda vandi Spánverja sem eiga 108 Leopard 2A4 skriðdreka. Þeir eru sagðir þurfa umfangsmikið viðhald áður en hægt sé að senda einhverja þeirra til Úkraínu. Pedro Sanchez, forsætisráðherra, sagði á föstudaginn að tíu skriðdrekar yrðu sendir til Úkraínu en það mun líklega taka einhverjar vikur eða mánuði. Þetta basl þykir til marks um það að ríki Evrópu hafi um árabil vanrækt vopnabúr sín og herafla. Þau hafa til að mynda átt í erfiðleikum með að senda vopn og skotfæri til Úkraínu. Sjá einnig: Evrópa í basli með skotfærabirgðir og framleiðslu Viðmælendur NYT í Evrópu segja stöðuna flókna. Meðal annars er vísað til Finna sem voru meðal þeirra sem beittu Þjóðverja miklum þrýstingi. Finnar ætla ekki að senda neinn af sínum um tvö hundruð Leopard 2 skriðdrekum. Yfirvöld þar tilkynntu í síðustu viku að senda ætti þrjá skriðdreka sem byggi á Leopard 2 hönnuninni en eru þróaðir til að hreinsa jarðsprengjur. Ráðamenn í Finnlandi þora ekki að veikja varnir sínar en ríkið deilir löngum landamærum með Rússlandi og er ekki enn meðlimur í Atlantshafsbandalaginu. Bandaríkin og Bretar gerðu þó nýverið varnarsáttmála við Finna og bundu því margir vonir við að Finnar myndu senda Úkraínumönnum skriðdreka. Yfirvöld í Svíþjóð hafa boðist til að senda „allt að tíu“ skriðdreka en hafa mætt mótspyrnu meðal forsvarsmanna hersins. Embættismenn í Þýskalandi, sem ræddu við NYT, segja þetta stöðuna meðal fleiri norrænna ríkja. Ulf Kristersson, forsætisráðherra Svíþjóðar, fyrir framan skriðdreka sænska hersins. Skriðdrekinn til vinstri er af gerðinni Leopard 2.EPA/Andreas Sjoelin Einungis níu ríki ná viðmiðum NATO Bandaríkjamenn hafa um árabil þrýst á ráðamenn í Evrópu um að auka útgjöld þeirra til varnarmála en sá þrýstingur náði nýjum hæðum í forsetatíð Donalds Trumps. Hann hótaði því að draga Bandaríkin úr bandalaginu og hélt því ítrekað fram að ríki NATO skulduðu Bandaríkjunum þessa fjármuni. Viðmið NATO segja að ríki bandalagsins eigi að verja minnst tveimur prósentum af vergri landsframleiðslu til varnarmála. Eftir að Rússar hertóku Krímskaga árið 2024 samþykktu forsvarsmenn aðildarríkja að þessu viðmiði yrði náð fyrir 2024. Talið er að einungis níu af þrjátíu aðildarríkjum NATO nái þessum viðmiðum í dag. Mateusz Morawiecki, forsætisráðherra Póllands, tilkynnti í lok janúar að Pólverjar ætluðu í mikla hernaðaruppbyggingu. Hún felst meðal annars í því að kaupa skriðdreka, herþotur og stórskotaliðsvopn frá Bandaríkjunum og Suður-Kóreu. Pólverjar eru taldir verja um 2,4 prósentum af landsframleiðslu til varnarmála og er búist við því að hlutfallið gæti farið í fjögur prósent á þessu ári. NATO Innrás Rússa í Úkraínu Þýskaland Spánn Svíþjóð Úkraína Bretland Bandaríkin Hernaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Yrði stærsta lýðheilsuslys Íslandssögunnar Innlent „Þetta er bara strangheiðarleg jarðskjálftahrina“ Innlent Bjarkey kemur starfsfólki matvælaráðuneytisins til varnar Innlent Líklega síðasta veðurviðvörunin í bili Veður Segja Pútín vilja vopnahlé sem miðist við núverandi víglínur Erlent Vilja banna snjallsíma fyrir yngri en 16 ára Erlent Fleiri fréttir Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sjá meira
Pólverjar hafa afhent minnst fjóra Leopard 2 skriðdreka og ætla sér að senda minnst tíu til viðbótar. Þeir eru einnig að senda Úkraínumönnum þrjátíu P-91 skriðdreka, sem eru í raun verulega uppfærðir T-72 skriðdrekar frá tímum Sovétríkjanna. Þá hafa Þjóðverjar heitið því að senda átján Leopard 2skriðdreka og Bretar eru einnig að þjálfa úkraínska hermenn í að nota Challenger 2 skriðdreka. Aðrir bakhjarlar Úkraínu ætla að senda færri skriðdreka af gerðinni Leopard 2. Sjá einnig: Fyrstu Hlébarðarnir komnir til Úkraínu og Selenskí heitir sigri Þar að auki hafa ráðamenn í Evrópu lofað því að senda umtalsverðan fjölda eldri skriðdreka af gerðinni Leopard 1 til Úkraínu. Til dæmis stendur til að senda 88 slíka skriðdreka frá Þýskalandi. Bandaríkjamenn hafa þar að auki heitið því að útvega Úkraínumönnum 31 M1A1 Abrams skriðdreka en það er langt í að þeir verði afhentir. Úkraínumenn eru einnig að fá mikið magn bryndreka frá Bandaríkjamönnum og Þjóðverjum. Boris Pistorius, varnarmálaráðherra Þýskalands, gagnrýndi aðra bakhjarla Úkraínu á fundi í síðasta mánuði fyrir hægagang með skriðdrekasendingar. Hann sagði að eftir mikinn þrýsting á Þjóðverja um mánaða skeið skildi hann ekki að margir af þeim sem hefðu þrýst hvað mest á Þjóðverja færu hægt. Í frétt New York Times segir að óljóst sé hvort bakhjörlum Evrópu takist að skrapa saman Leopard 2 skriðdreka fyrir tvö herfylki (e. Battalion) eða alls 62 skriðdreka. Það er þrátt fyrir að áætlað sé að um tvö þúsund Leopard 2 skriðdrekar, í mörgum útgáfum, séu í notkun í Evrópu. Skriðdrekinn er sá algengasti í heimsálfunni. Hafa vanrækt vopnabúr sín Ráðamenn í Evrópu hafa víða komist að því að skriðdrekarnir í vopnabúrum þeirra virka ekki sem skildi eða skortur sé á varahlutum fyrir skriðdrekana. Þetta er til að mynda vandi Spánverja sem eiga 108 Leopard 2A4 skriðdreka. Þeir eru sagðir þurfa umfangsmikið viðhald áður en hægt sé að senda einhverja þeirra til Úkraínu. Pedro Sanchez, forsætisráðherra, sagði á föstudaginn að tíu skriðdrekar yrðu sendir til Úkraínu en það mun líklega taka einhverjar vikur eða mánuði. Þetta basl þykir til marks um það að ríki Evrópu hafi um árabil vanrækt vopnabúr sín og herafla. Þau hafa til að mynda átt í erfiðleikum með að senda vopn og skotfæri til Úkraínu. Sjá einnig: Evrópa í basli með skotfærabirgðir og framleiðslu Viðmælendur NYT í Evrópu segja stöðuna flókna. Meðal annars er vísað til Finna sem voru meðal þeirra sem beittu Þjóðverja miklum þrýstingi. Finnar ætla ekki að senda neinn af sínum um tvö hundruð Leopard 2 skriðdrekum. Yfirvöld þar tilkynntu í síðustu viku að senda ætti þrjá skriðdreka sem byggi á Leopard 2 hönnuninni en eru þróaðir til að hreinsa jarðsprengjur. Ráðamenn í Finnlandi þora ekki að veikja varnir sínar en ríkið deilir löngum landamærum með Rússlandi og er ekki enn meðlimur í Atlantshafsbandalaginu. Bandaríkin og Bretar gerðu þó nýverið varnarsáttmála við Finna og bundu því margir vonir við að Finnar myndu senda Úkraínumönnum skriðdreka. Yfirvöld í Svíþjóð hafa boðist til að senda „allt að tíu“ skriðdreka en hafa mætt mótspyrnu meðal forsvarsmanna hersins. Embættismenn í Þýskalandi, sem ræddu við NYT, segja þetta stöðuna meðal fleiri norrænna ríkja. Ulf Kristersson, forsætisráðherra Svíþjóðar, fyrir framan skriðdreka sænska hersins. Skriðdrekinn til vinstri er af gerðinni Leopard 2.EPA/Andreas Sjoelin Einungis níu ríki ná viðmiðum NATO Bandaríkjamenn hafa um árabil þrýst á ráðamenn í Evrópu um að auka útgjöld þeirra til varnarmála en sá þrýstingur náði nýjum hæðum í forsetatíð Donalds Trumps. Hann hótaði því að draga Bandaríkin úr bandalaginu og hélt því ítrekað fram að ríki NATO skulduðu Bandaríkjunum þessa fjármuni. Viðmið NATO segja að ríki bandalagsins eigi að verja minnst tveimur prósentum af vergri landsframleiðslu til varnarmála. Eftir að Rússar hertóku Krímskaga árið 2024 samþykktu forsvarsmenn aðildarríkja að þessu viðmiði yrði náð fyrir 2024. Talið er að einungis níu af þrjátíu aðildarríkjum NATO nái þessum viðmiðum í dag. Mateusz Morawiecki, forsætisráðherra Póllands, tilkynnti í lok janúar að Pólverjar ætluðu í mikla hernaðaruppbyggingu. Hún felst meðal annars í því að kaupa skriðdreka, herþotur og stórskotaliðsvopn frá Bandaríkjunum og Suður-Kóreu. Pólverjar eru taldir verja um 2,4 prósentum af landsframleiðslu til varnarmála og er búist við því að hlutfallið gæti farið í fjögur prósent á þessu ári.
NATO Innrás Rússa í Úkraínu Þýskaland Spánn Svíþjóð Úkraína Bretland Bandaríkin Hernaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Yrði stærsta lýðheilsuslys Íslandssögunnar Innlent „Þetta er bara strangheiðarleg jarðskjálftahrina“ Innlent Bjarkey kemur starfsfólki matvælaráðuneytisins til varnar Innlent Líklega síðasta veðurviðvörunin í bili Veður Segja Pútín vilja vopnahlé sem miðist við núverandi víglínur Erlent Vilja banna snjallsíma fyrir yngri en 16 ára Erlent Fleiri fréttir Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sjá meira