Innlent

Fangi dæmdur fyrir brot í nánu sam­bandi

Atli Ísleifsson skrifar
Maðurinn setti sig í tíu skipti í samband við konuna með því að hringja í hana úr fangelsinu á Hólmsheiði, þar sem hann sætti gæsluvarðhaldi og afplánaði dóma vegna brota.
Maðurinn setti sig í tíu skipti í samband við konuna með því að hringja í hana úr fangelsinu á Hólmsheiði, þar sem hann sætti gæsluvarðhaldi og afplánaði dóma vegna brota. Vísir/Vilhelm

Héraðsdómur Reykjaness hefur dæmt mann, sem afplánar fyrri dóm, í þriggja mánaða fangelsi fyrir brot í nánu sambandi með því að hafa ítrekað hringt í konu og endurtekið ógnað lífi, heilsu og velferð hennar á alvarlegan hátt.

Fram kemur að maðurinn hafi í tíu skipti sett sig í samband við konuna með því að hringja í hana úr fangelsinu á Hólmsheiði, þar sem hann sætti gæsluvarðhaldi og afplánaði dóma vegna brota.

Í ákæru segir maðurinn hafi í símtölunum beitt hana andlegu ofbeldi, hótunum og viðhaft stórfelldar ærumeiðingar í hennar garð – auk þess að hafa móðgað, smánað og vanvirt hana og aðila henni nákominni. Brotin framdi maðurinn á um sex vikna tímabili í júlí og til loka ágúst síðastliðinn.

Maðurinn játaði afdráttarlaust sök í málinu. Hann var síðasta sumar dæmdur í sex mánaða fangelsi fyrir brot gegn nálgunarbanni og svo tveggja ára fangelsi fyrir ofbeldisbrot í nóvember.

Dómari þótti hæfileg refsing nú vera þriggja mánaða fangelsi og er um hegningarauka að ræða. Þá var manninum gert að greiða málsvarnarlaun skipaðs verjanda, samtals um 750 þúsund krónur.

Dómsmál Fangelsismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið