Hestur Kára einn sá elsti sem hefur keppt á Landsmóti Telma Tómasson skrifar 5. júlí 2022 13:01 Kári Stefánsson klappar hér hinum 26 vetra Stakki frá Halldórsstöðum. Vísir/Telma „Mér þykir mjög vænt um þennan hest en var hræddur um að hann hefði ekki nægan kraft. Guði sé lof að ég hafði rangt fyrir mér. Ég var mjög stressaður,“ sagði Kári Stefánsson, forstjóri Íslenskrar erfðagreiningar og hrossaræktandi, eftir óvenjulega sýningu Stakks frá Halldórsstöðum, hests í hans eigu, og knapa hans Sigurbjörns Bárðarsonar í sérstakri forkeppni í A-flokki á Landsmóti hestamanna á Hellu í gær. Stakkur er 26 vetra sem er óvenju hár aldur fyrir hest á keppnisvellinum, ekki síst í keppni á hæsta stigi eins og á Landsmóti. Stakkur var í fremstu röð í fyrri tíð en hefur ekki sést á keppnisvellinum í átta ár. Sýningin í gær heppnaðist vel utan að hesturinn tók skeiðið heldur seint. En líklega var þetta þó hans svanasöngur á keppnisvellinum. „Það má leiða að því rök að við urðum fórnarlömb nostalgíunnar og langaði svolítið í gamla tíma en hér er hann Stakkur, stóð sig vel og var mjög flottur og kraftmikill. Öllum til sóma og sérstaklega sjálfum sér. Aldur hestsins var ekki vandamál,“ sagði Kári. Hesturinn er eins og lyftingamaður Knapinn var sammála. „Stakkur er alveg ótrúlegur, blés varla úr nös og þoldi þetta vel. Það vaknaði í honum gamla villidýrið að vera tilbúinn, en hesturinn er eins og lyftingamaður hann setur sig í ham. Þegar hann bíður eftir skeiðspretti byrjar hann að krafsa og setur hausinn í áttina til mín og byrjar að glefsa til mín, herðir sig upp og prjónar jafnvel, alveg til í að starta bara og ég á fullt í fangi með að halda honum. Ég hélt að þetta væri farið, en aldeilis ekki, Stakkur fór í gamla gírinn sinn við brautarendann. Þetta var ekki einfalt því ég var þriðji í röðinni að taka skeiðsprett og hann lét mig vita af öllum sínum gömlu töktum meðan við þurftum að bíða eftir að hinir tveir kláruðu sínar,“ sagði Sigurbjörn eftir sýninguna, sem skráist að líkindum í sögubækurnar. Kári segir að Stakkur og Sigurbjörn passi svo vel saman að sá möguleiki sé fyrir hendi að þeir séu eineggja tvíburar.Vísir/Telma „Þeir eru mjög líkir“ Mikilvægt er að gott og nákvæmt samband sé milli knapa og hests, ekki síst þegar árangri þarf að ná í keppni og segir Kári að þeir Stakkur og Sigurbjörn passi vel saman. „Því hefur verið fleygt að sá möguleiki sé fyrir hendi að þeir séu eineggja tvíburar,“ sagði Kári og hló. En fé er jafnan fóstra líkt og Stakkur er sagður sérlundaður líkt og eigandinn, Kári Stefáns. „Jú, þeir eru mjög líkir,“ samþykkir Sigurbjörn. „Það getur snúist allt þvert í honum. Til dæmis við upphaf skeiðspretts getur Stakkur orðið alveg trompaður. Og gefur mér puttann. Þá er það eina sem ég get gert er að láta hann bara fara. Svo þegar hann er búinn að pústa mesta ofsanum þá getur maður spurt: „ertu til?“. Þetta er svo líkt með Kára og honum.“ Lagði Kári álög á Sigurbjörn 2008? Tæplega 100 hestar voru skráðir til leiks í sérstakri forkeppni í A-flokki alhliða gæðinga á Landsmótinu í ár en aðeins 30 komust áfram í milliriðil sem fram fer á morgun. Þar ræðst síðan hvaða 15 hestar komast áfram í A- og B-úrslit sem verða riðin í vikulokin. Úrslitin hafa í gegnum tíðina oft verið þyrnum stráð en ýmislegt getur farið úrskeiðis þegar kappið er mest. Þrálát saga er um dramatíska atburði á Gaddstaðaflötum á Landsmóti hestamanna 2008, en þá hafði Sigurbjörn úr tveimur hestum að velja í úrslitum, Stakki og Kolskeggi frá Oddhóli. Kolskeggur var tekinn framyfir Stakk og segir sagan að Kári hafi setið í brekkunni þungur á brún og lagt álög á Sigurbjörn um að hestur hans myndi ekki klára keppnina og þar með kæmu honum hin eftirsóttu verðlaun, sigur í A-flokki í hlut annars hests og knapa. Kári vill ekki kannast við söguna. „Ég trúi ekki á galdra og hef aldrei gert það. Nei, nei, ég lagði ekki á hann álög, en muldraði eitthvað uppi í brekkunni í einhverju geðvonskukasti og sá eftir því um leið.“ Það flaug nú samt skeifa undan hesti Sigurbjörns í úrslitunum og náði hann ekki að klára keppni. Niðurstaðan varð sú að A-flokkinn það árið vann Aris frá Oddhóli með knapa sínum Árna Birni Pálssyni með 8,86 í einkunn en Kolskeggur frá Oddhóli og Sigurbjörn þurftu að sætta sig við neðsta úrslitasætið með 7,87. Sigurbjörn hefur á sínum langa og farsæla ferli í hestamennsku unnið allar greinar sem hægt er í hestaíþróttum, enda eini knapinn sem hefur öðlast þann heiður að vera valinn íþróttamaður ársins. Gulli í A-flokki á Landsmóti hefur honum þó ekki enn tekist að landa. „Ætli mér auðnist það nokkuð úr þessu,“ segir hinn öflugi sjötugi knapi og landsliðsþjálfari, sem er þó eins og áratugum yngri maður og er hvergi nærri hættur. Beinar útsendingar og dagleg samantekt á Vísi Landsmót hestamanna stendur yfir á Gaddstaðaflötum á Hellu dagana 3. til 10. júlí. Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir er í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísis og áhorfendur Stöðvar 2 Vísis geta því fengið innsýn í Landsmót hestamanna, en útsendingu frá allri dagskrá má síðan nálgast með áskrift á alendis.is. Hér fyrir neðan má sjá samantektarmyndbönd frá keppni gærdagsins. Klippa: Forkeppni í A-flokki - Landsmót hestamanna Klippa: Forkeppni í ungmennaflokki - Landsmót hestamanna Klippa: Forkeppni í B-flokki - Landsmót hestamanna Landsmót hestamanna Hestar Rangárþing ytra Tengdar fréttir Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01 Mest lesið Leik lokið: Keflavík - Stjarnan 81-76 | Háspennuleikur og Keflavík komið í úrslit Körfubolti Rooney sakar meidda leikmenn United um að vilja ekki spila Enski boltinn Liverpool henti frá sér sigrinum í síðasta útileik Klopp Enski boltinn Foss á Old Trafford leikvanginum í gær Enski boltinn Saka Casemiro um leti: „Hreyfðu fæturna á þér“ Enski boltinn Segir að staðan hjá United sé miklu verri en hún var hjá Moyes Enski boltinn Reyndi að líma fótinn sinn fastan í stúkunni Sport „Vonandi gerir hann aftur eitthvað svona heimskulegt“ Körfubolti „Ekki nógu illa gefinn til að átta mig ekki á því“ Körfubolti Sjáðu rauðu spjöld KR-inga, mark beint úr horni og öll hin mörkin í gær Íslenski boltinn Fleiri fréttir Liverpool henti frá sér sigrinum í síðasta útileik Klopp Leik lokið: Keflavík - Stjarnan 81-76 | Háspennuleikur og Keflavík komið í úrslit Hefur hjálpað Haas með glæfralegum akstri Segja Real renna hýru auga til miðjumanns Leverkusen Guðrún og stöllur enn með fullt hús stiga Kröfðu Bayern um 100 milljónir fyrir þjálfarann Einar hættir með kvennalið Fram Sú markahæsta í sögu ensku deildarinnar yfirgefur Arsenal og fer væntanlega til City Reyndi að líma fótinn sinn fastan í stúkunni Foss á Old Trafford leikvanginum í gær Stuðningsmenn PSG bauluðu á Mbappé í síðasta heimaleiknum Saka Casemiro um leti: „Hreyfðu fæturna á þér“ Keflavíkurkonur hafa aldrei tapað oddaleik á heimavelli Líkir Havertz við Liverpool-hetju NFL lið samdi við eineggja tvíbura sem spila sömu stöðu Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Segir að staðan hjá United sé miklu verri en hún var hjá Moyes Sungu nafn Arnórs hástöfum Sara upp um tíu sæti á heimslistanum en tvær íslenskar fyrir ofan hana Sjáðu rauðu spjöld KR-inga, mark beint úr horni og öll hin mörkin í gær Murray með ótrúlega flautukörfu fyrir aftan miðju er Denver jafnaði Havertz: „Verð mesti stuðningsmaður Tottenham í sögunni“ ÍR-ingar stoppuðu stutt alveg eins og KR: Komnir upp í Subway Rooney sakar meidda leikmenn United um að vilja ekki spila Atlanta Hawks fá fyrsta valrétt í nýliðavalinu Dagskráin í dag: Oddaleikur og fleira „Höfum ekki haft neitt svigrúm til að gera mistök“ Sjá meira
Stakkur er 26 vetra sem er óvenju hár aldur fyrir hest á keppnisvellinum, ekki síst í keppni á hæsta stigi eins og á Landsmóti. Stakkur var í fremstu röð í fyrri tíð en hefur ekki sést á keppnisvellinum í átta ár. Sýningin í gær heppnaðist vel utan að hesturinn tók skeiðið heldur seint. En líklega var þetta þó hans svanasöngur á keppnisvellinum. „Það má leiða að því rök að við urðum fórnarlömb nostalgíunnar og langaði svolítið í gamla tíma en hér er hann Stakkur, stóð sig vel og var mjög flottur og kraftmikill. Öllum til sóma og sérstaklega sjálfum sér. Aldur hestsins var ekki vandamál,“ sagði Kári. Hesturinn er eins og lyftingamaður Knapinn var sammála. „Stakkur er alveg ótrúlegur, blés varla úr nös og þoldi þetta vel. Það vaknaði í honum gamla villidýrið að vera tilbúinn, en hesturinn er eins og lyftingamaður hann setur sig í ham. Þegar hann bíður eftir skeiðspretti byrjar hann að krafsa og setur hausinn í áttina til mín og byrjar að glefsa til mín, herðir sig upp og prjónar jafnvel, alveg til í að starta bara og ég á fullt í fangi með að halda honum. Ég hélt að þetta væri farið, en aldeilis ekki, Stakkur fór í gamla gírinn sinn við brautarendann. Þetta var ekki einfalt því ég var þriðji í röðinni að taka skeiðsprett og hann lét mig vita af öllum sínum gömlu töktum meðan við þurftum að bíða eftir að hinir tveir kláruðu sínar,“ sagði Sigurbjörn eftir sýninguna, sem skráist að líkindum í sögubækurnar. Kári segir að Stakkur og Sigurbjörn passi svo vel saman að sá möguleiki sé fyrir hendi að þeir séu eineggja tvíburar.Vísir/Telma „Þeir eru mjög líkir“ Mikilvægt er að gott og nákvæmt samband sé milli knapa og hests, ekki síst þegar árangri þarf að ná í keppni og segir Kári að þeir Stakkur og Sigurbjörn passi vel saman. „Því hefur verið fleygt að sá möguleiki sé fyrir hendi að þeir séu eineggja tvíburar,“ sagði Kári og hló. En fé er jafnan fóstra líkt og Stakkur er sagður sérlundaður líkt og eigandinn, Kári Stefáns. „Jú, þeir eru mjög líkir,“ samþykkir Sigurbjörn. „Það getur snúist allt þvert í honum. Til dæmis við upphaf skeiðspretts getur Stakkur orðið alveg trompaður. Og gefur mér puttann. Þá er það eina sem ég get gert er að láta hann bara fara. Svo þegar hann er búinn að pústa mesta ofsanum þá getur maður spurt: „ertu til?“. Þetta er svo líkt með Kára og honum.“ Lagði Kári álög á Sigurbjörn 2008? Tæplega 100 hestar voru skráðir til leiks í sérstakri forkeppni í A-flokki alhliða gæðinga á Landsmótinu í ár en aðeins 30 komust áfram í milliriðil sem fram fer á morgun. Þar ræðst síðan hvaða 15 hestar komast áfram í A- og B-úrslit sem verða riðin í vikulokin. Úrslitin hafa í gegnum tíðina oft verið þyrnum stráð en ýmislegt getur farið úrskeiðis þegar kappið er mest. Þrálát saga er um dramatíska atburði á Gaddstaðaflötum á Landsmóti hestamanna 2008, en þá hafði Sigurbjörn úr tveimur hestum að velja í úrslitum, Stakki og Kolskeggi frá Oddhóli. Kolskeggur var tekinn framyfir Stakk og segir sagan að Kári hafi setið í brekkunni þungur á brún og lagt álög á Sigurbjörn um að hestur hans myndi ekki klára keppnina og þar með kæmu honum hin eftirsóttu verðlaun, sigur í A-flokki í hlut annars hests og knapa. Kári vill ekki kannast við söguna. „Ég trúi ekki á galdra og hef aldrei gert það. Nei, nei, ég lagði ekki á hann álög, en muldraði eitthvað uppi í brekkunni í einhverju geðvonskukasti og sá eftir því um leið.“ Það flaug nú samt skeifa undan hesti Sigurbjörns í úrslitunum og náði hann ekki að klára keppni. Niðurstaðan varð sú að A-flokkinn það árið vann Aris frá Oddhóli með knapa sínum Árna Birni Pálssyni með 8,86 í einkunn en Kolskeggur frá Oddhóli og Sigurbjörn þurftu að sætta sig við neðsta úrslitasætið með 7,87. Sigurbjörn hefur á sínum langa og farsæla ferli í hestamennsku unnið allar greinar sem hægt er í hestaíþróttum, enda eini knapinn sem hefur öðlast þann heiður að vera valinn íþróttamaður ársins. Gulli í A-flokki á Landsmóti hefur honum þó ekki enn tekist að landa. „Ætli mér auðnist það nokkuð úr þessu,“ segir hinn öflugi sjötugi knapi og landsliðsþjálfari, sem er þó eins og áratugum yngri maður og er hvergi nærri hættur. Beinar útsendingar og dagleg samantekt á Vísi Landsmót hestamanna stendur yfir á Gaddstaðaflötum á Hellu dagana 3. til 10. júlí. Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir er í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísis og áhorfendur Stöðvar 2 Vísis geta því fengið innsýn í Landsmót hestamanna, en útsendingu frá allri dagskrá má síðan nálgast með áskrift á alendis.is. Hér fyrir neðan má sjá samantektarmyndbönd frá keppni gærdagsins. Klippa: Forkeppni í A-flokki - Landsmót hestamanna Klippa: Forkeppni í ungmennaflokki - Landsmót hestamanna Klippa: Forkeppni í B-flokki - Landsmót hestamanna
Landsmót hestamanna Hestar Rangárþing ytra Tengdar fréttir Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01 Mest lesið Leik lokið: Keflavík - Stjarnan 81-76 | Háspennuleikur og Keflavík komið í úrslit Körfubolti Rooney sakar meidda leikmenn United um að vilja ekki spila Enski boltinn Liverpool henti frá sér sigrinum í síðasta útileik Klopp Enski boltinn Foss á Old Trafford leikvanginum í gær Enski boltinn Saka Casemiro um leti: „Hreyfðu fæturna á þér“ Enski boltinn Segir að staðan hjá United sé miklu verri en hún var hjá Moyes Enski boltinn Reyndi að líma fótinn sinn fastan í stúkunni Sport „Vonandi gerir hann aftur eitthvað svona heimskulegt“ Körfubolti „Ekki nógu illa gefinn til að átta mig ekki á því“ Körfubolti Sjáðu rauðu spjöld KR-inga, mark beint úr horni og öll hin mörkin í gær Íslenski boltinn Fleiri fréttir Liverpool henti frá sér sigrinum í síðasta útileik Klopp Leik lokið: Keflavík - Stjarnan 81-76 | Háspennuleikur og Keflavík komið í úrslit Hefur hjálpað Haas með glæfralegum akstri Segja Real renna hýru auga til miðjumanns Leverkusen Guðrún og stöllur enn með fullt hús stiga Kröfðu Bayern um 100 milljónir fyrir þjálfarann Einar hættir með kvennalið Fram Sú markahæsta í sögu ensku deildarinnar yfirgefur Arsenal og fer væntanlega til City Reyndi að líma fótinn sinn fastan í stúkunni Foss á Old Trafford leikvanginum í gær Stuðningsmenn PSG bauluðu á Mbappé í síðasta heimaleiknum Saka Casemiro um leti: „Hreyfðu fæturna á þér“ Keflavíkurkonur hafa aldrei tapað oddaleik á heimavelli Líkir Havertz við Liverpool-hetju NFL lið samdi við eineggja tvíbura sem spila sömu stöðu Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Segir að staðan hjá United sé miklu verri en hún var hjá Moyes Sungu nafn Arnórs hástöfum Sara upp um tíu sæti á heimslistanum en tvær íslenskar fyrir ofan hana Sjáðu rauðu spjöld KR-inga, mark beint úr horni og öll hin mörkin í gær Murray með ótrúlega flautukörfu fyrir aftan miðju er Denver jafnaði Havertz: „Verð mesti stuðningsmaður Tottenham í sögunni“ ÍR-ingar stoppuðu stutt alveg eins og KR: Komnir upp í Subway Rooney sakar meidda leikmenn United um að vilja ekki spila Atlanta Hawks fá fyrsta valrétt í nýliðavalinu Dagskráin í dag: Oddaleikur og fleira „Höfum ekki haft neitt svigrúm til að gera mistök“ Sjá meira
Gera ráð fyrir átta til tíu þúsund mótsgestum Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. 4. júlí 2022 11:01