Oddvitaáskorunin: Pantar sér oft pizzu í blindni Samúel Karl Ólason skrifar 25. apríl 2022 18:01 Haraldur á ferðinni. Hann segist með ólæknandi bátadellu. Vísir stendur fyrir Oddvitaáskoruninni 2022 þar sem skorað er á oddvita allra flokka í sveitarfélögum um land allt að taka þátt. Áskorunin felur í sér stutta kynningu og að svara nokkrum léttum spurningum. Ég heiti Haraldur Rafn Ingvason og er fæddur á Patreksfirði í mars 1969. Tíu daga gamall fór ég í mína fyrstu sjóferð þegar við mamma vorum flutt yfir Vatnsfjörðinn heim að Fossá á Barðaströnd, en þangað var á þessum tíma ekkert vegasamband yfir hörðustu vetrarmánuðina. Ég er s.s. sveitastrákur í grunninn og flest mín áhugamál tengjast útivist og umhverfismálum, s.s. köfun á yngri árum, fjallgöngur og skútusiglingar, enda með ólæknandi bátadellu. Ég var smábátasjómaður á sumrin frá 13 ára til þrítugs sem skilar sér t.d. í því að öll námslán eru löngu, löngu uppgreidd. Ég er því eindreginn stuðningsmaður strandveiða! Ég er stúdent af málabraut en fór svo í háskólanám í líffræði. Það bendir mögulega til að ég hafi tilhneigingu til að fara eigin leiðir frekar en að fylgja hefðbundnum ferlum sem annað fólk hefur ákveðið að séu þeir réttu. Ég hef starfað sem líffræðingur frá 2002, lengst af á Náttúrufræðistofu Kópavogs, og unnið að margskonar rannsóknarverkefnum á sviði vatnalíffræði. Þá hef ég gripið lítilsháttar í kennslu. Áhugi á samfélagsmálum hefur sennilega alltaf blundað í mér en það var ekki fyrr en með tilkomu Pírata sem þessi áhugi fann sér einhvern pólitískan farveg. Lengst af hélt ég mig í baklandi flokksins, en svo upphófst röð atvika sem gerði það að verkum að nú er ég staddur í stöðu oddvita Pírata í Hafnarfirði. Mín aðal áherslumál eru umhverfismál í víðu samhengi enda mikilvægasti málaflokkur samtímans. Í nærumhverfinu kallar þessi málaflokkur m.a. á orkuskipti og öflugar almenningssamgöngur ásamt betri nýtingu auðlinda og innleiðingu hringrásarhagkerfis. Klippa: Oddvitaáskorun - Haraldur R. Ingvason Hver er fallegasti staðurinn á Íslandi? Sauðeyjar á Breiðafirði. Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað? Kaflinn á varlagöngustígnum/ekkihjólastígnum frá Álftanesvegi meðfram Reykjavíkurveginum að nýja stígnum á mót við Glitvang. Gjörsamlega óþolandi að þetta skuli vera skilið eftir með þessa fínu stíga sitthvoru megin. Táknmynd smákóngamennskunar! Hvert er þitt uppáhalds áhugamál sem gæti þótt skrítið? Á of mörg áhugamál til að eiga uppáhaldsáhugamál. Sumu fólki þykir áhugi minn á að taka ljósmyndir af pöddum skrítinn, öðru gæti þótt það undarlegt að kjósa að flækjast helst einn um fjöll og firnindi… Haraldur hefuer starfað sem sem líffræðingur frá 2002. Hver eru þín minnistæðustu samskipti við lögregluna? Búsáhaldabyltingin! Hvað færðu þér á pizzu? Allskonar. Panta stundum blindpizzu t.d. þá áttundu á listanum. Afgreiðslufólkinu þykir það yfirleitt frekar undarlegt… Hvaða lag peppar þig mest? Veit ekki, en þegar ég þarf að einbeita mér set ég gjarna Daft Punk, Skálmöld eða Rammstein upp undir sársaukamörk. Hvað getur þú tekið margar armbeygjur? Hef ekki tekið armbeygjur árum saman þannig að ég hef ekki hugmynd. Göngutúr eða skokk? Göngutúr. Uppáhalds brandari? Brandari dagsins hjá fimmaurabrandarafélaginu. Hvað er þitt draumafríi? Næsta frí. Hvort fannst þér 2020 eða 2021 vera verra ár? 2020. Uppáhalds tónlistarmaður? Er alæta á tónlist og þar með er ógerningur að eiga uppáhalds tónlistarmann. Hvað er það skrýtnasta sem þú manst eftir að hafa gert? Mögulega þegar ég brá mér í hlutverk dýralæknis og saumaði saman stórt gat við naflastreng á kviði nýfædds hrútlambs. Hann lifði til hausts og kallaðist Saumsvartur. Stundum þarf að hvíla sig. Ef það væri gerð kvikmynd um ævi þína, hver ætti að leika þig? Má vera íslenskur eða útlenskur. Gustaf Caspar Orm Skarsgård. Hefur þú verið í verbúð? Nei, var bara heima hjá mér en hitti svo verbúðarliðið á böllunum. Áhrifamesta kvikmyndin? Veit ekki en hef fyrir reglu að horfa á Forrest Gump og Wall-E a.m.k. einu sinni á ári. Áttu eftir að sakna Nágranna? Hvaða nágranna? Ef þú yrðir að flytja úr þínu sveitarfélagi, hvert myndir þú helst vilja fara? Bara hvert sem er. Wherever I Lay My Hat That's My Home (Paul Young). Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Careless whisper (George Michael). Vísir skorar á oddvita stjórnmálaflokka út um allt land að taka þátt í Oddvitaáskoruninni til að kynna sig og sín málefni. Nánari upplýsingar er hægt að nálgast með því að senda póst á samuel@stod2.is og anitaga@stod2.is. Fyrri Oddvitaáskoranir má skoða á síðunni visir.is/p/oddvitaaskorun. Sveitarstjórnarkosningar 2022 Hafnarfjörður Píratar Oddvitaáskorunin Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira
Ég heiti Haraldur Rafn Ingvason og er fæddur á Patreksfirði í mars 1969. Tíu daga gamall fór ég í mína fyrstu sjóferð þegar við mamma vorum flutt yfir Vatnsfjörðinn heim að Fossá á Barðaströnd, en þangað var á þessum tíma ekkert vegasamband yfir hörðustu vetrarmánuðina. Ég er s.s. sveitastrákur í grunninn og flest mín áhugamál tengjast útivist og umhverfismálum, s.s. köfun á yngri árum, fjallgöngur og skútusiglingar, enda með ólæknandi bátadellu. Ég var smábátasjómaður á sumrin frá 13 ára til þrítugs sem skilar sér t.d. í því að öll námslán eru löngu, löngu uppgreidd. Ég er því eindreginn stuðningsmaður strandveiða! Ég er stúdent af málabraut en fór svo í háskólanám í líffræði. Það bendir mögulega til að ég hafi tilhneigingu til að fara eigin leiðir frekar en að fylgja hefðbundnum ferlum sem annað fólk hefur ákveðið að séu þeir réttu. Ég hef starfað sem líffræðingur frá 2002, lengst af á Náttúrufræðistofu Kópavogs, og unnið að margskonar rannsóknarverkefnum á sviði vatnalíffræði. Þá hef ég gripið lítilsháttar í kennslu. Áhugi á samfélagsmálum hefur sennilega alltaf blundað í mér en það var ekki fyrr en með tilkomu Pírata sem þessi áhugi fann sér einhvern pólitískan farveg. Lengst af hélt ég mig í baklandi flokksins, en svo upphófst röð atvika sem gerði það að verkum að nú er ég staddur í stöðu oddvita Pírata í Hafnarfirði. Mín aðal áherslumál eru umhverfismál í víðu samhengi enda mikilvægasti málaflokkur samtímans. Í nærumhverfinu kallar þessi málaflokkur m.a. á orkuskipti og öflugar almenningssamgöngur ásamt betri nýtingu auðlinda og innleiðingu hringrásarhagkerfis. Klippa: Oddvitaáskorun - Haraldur R. Ingvason Hver er fallegasti staðurinn á Íslandi? Sauðeyjar á Breiðafirði. Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað? Kaflinn á varlagöngustígnum/ekkihjólastígnum frá Álftanesvegi meðfram Reykjavíkurveginum að nýja stígnum á mót við Glitvang. Gjörsamlega óþolandi að þetta skuli vera skilið eftir með þessa fínu stíga sitthvoru megin. Táknmynd smákóngamennskunar! Hvert er þitt uppáhalds áhugamál sem gæti þótt skrítið? Á of mörg áhugamál til að eiga uppáhaldsáhugamál. Sumu fólki þykir áhugi minn á að taka ljósmyndir af pöddum skrítinn, öðru gæti þótt það undarlegt að kjósa að flækjast helst einn um fjöll og firnindi… Haraldur hefuer starfað sem sem líffræðingur frá 2002. Hver eru þín minnistæðustu samskipti við lögregluna? Búsáhaldabyltingin! Hvað færðu þér á pizzu? Allskonar. Panta stundum blindpizzu t.d. þá áttundu á listanum. Afgreiðslufólkinu þykir það yfirleitt frekar undarlegt… Hvaða lag peppar þig mest? Veit ekki, en þegar ég þarf að einbeita mér set ég gjarna Daft Punk, Skálmöld eða Rammstein upp undir sársaukamörk. Hvað getur þú tekið margar armbeygjur? Hef ekki tekið armbeygjur árum saman þannig að ég hef ekki hugmynd. Göngutúr eða skokk? Göngutúr. Uppáhalds brandari? Brandari dagsins hjá fimmaurabrandarafélaginu. Hvað er þitt draumafríi? Næsta frí. Hvort fannst þér 2020 eða 2021 vera verra ár? 2020. Uppáhalds tónlistarmaður? Er alæta á tónlist og þar með er ógerningur að eiga uppáhalds tónlistarmann. Hvað er það skrýtnasta sem þú manst eftir að hafa gert? Mögulega þegar ég brá mér í hlutverk dýralæknis og saumaði saman stórt gat við naflastreng á kviði nýfædds hrútlambs. Hann lifði til hausts og kallaðist Saumsvartur. Stundum þarf að hvíla sig. Ef það væri gerð kvikmynd um ævi þína, hver ætti að leika þig? Má vera íslenskur eða útlenskur. Gustaf Caspar Orm Skarsgård. Hefur þú verið í verbúð? Nei, var bara heima hjá mér en hitti svo verbúðarliðið á böllunum. Áhrifamesta kvikmyndin? Veit ekki en hef fyrir reglu að horfa á Forrest Gump og Wall-E a.m.k. einu sinni á ári. Áttu eftir að sakna Nágranna? Hvaða nágranna? Ef þú yrðir að flytja úr þínu sveitarfélagi, hvert myndir þú helst vilja fara? Bara hvert sem er. Wherever I Lay My Hat That's My Home (Paul Young). Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Careless whisper (George Michael). Vísir skorar á oddvita stjórnmálaflokka út um allt land að taka þátt í Oddvitaáskoruninni til að kynna sig og sín málefni. Nánari upplýsingar er hægt að nálgast með því að senda póst á samuel@stod2.is og anitaga@stod2.is. Fyrri Oddvitaáskoranir má skoða á síðunni visir.is/p/oddvitaaskorun.
Vísir skorar á oddvita stjórnmálaflokka út um allt land að taka þátt í Oddvitaáskoruninni til að kynna sig og sín málefni. Nánari upplýsingar er hægt að nálgast með því að senda póst á samuel@stod2.is og anitaga@stod2.is. Fyrri Oddvitaáskoranir má skoða á síðunni visir.is/p/oddvitaaskorun.
Sveitarstjórnarkosningar 2022 Hafnarfjörður Píratar Oddvitaáskorunin Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira