Innlent

Ráðin fram­kvæmda­stjóri Menningar­fé­lags Akur­eyrar

Atli Ísleifsson skrifar
Eva Hrund Einarsdóttir.
Eva Hrund Einarsdóttir. Aðsend

Stjórn Menningarfélags Akureyrar hefur ráðið Evu Hrund Einarsdóttur í starf framkvæmdastjóra.

Frá þessi segir í tilkynningu en Eva Hrund er menntaður viðskiptafræðingur með áherslu á fjármál og stjórnun og með MLM nám í forystu og stjórnun. 

„Hún starfaði um tíu ára skeið sem fjármála- og starfsmannastjóri hjá Lostæti ehf og hefur setið í bæjarstjórn Akureyrar frá árinu 2014.

Alls sóttu 16 manns um starfið og var umsóknarferlinu stýrt af Mögnum Ráðningum,“ segir í tilkynningunni. 

Eva Hrund tekur við starfinu af Þuríður Helgu Kristjánsdóttur sem sagði starfi sínu lausu í janúar. „Á sama tíma og stjórn Menningarfélagsins þakkar Þuríði Helgu fyrir farsælt samstarf og óskar henni velfarnaðar í nýjum ævintýrum býður stjórnin Evu Hrund innilega velkomna til starfa.“

Menningarfélag Akureyrar rekur Leikfélag Akureyrar, Sinfóníuhljómsveit Norðurlands, og Menningarhúsið Hof.

Menning Akureyri Vistaskipti Leikhús

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið