Innlent

Kvöldfréttir Stöðvar 2

Vésteinn Örn Pétursson skrifar
Kvöldfréttir eru á sínum stað klukkan 18:30.
Kvöldfréttir eru á sínum stað klukkan 18:30.

Óvenju sterkar vindhviður mældust í aftakaveðrinu sem gekk yfir í nótt. Þær slógu hátt í sjötíu metra á sekúndu á hálendinu sem er með því mesta sem sést hefur. Víðtækar samgöngu- og rafmagnstruflanir urðu, þök rifnuðu af húsum og uppblásið íþróttahús í Hveragerði gjöreyðilagðist.

Fjallað verður nánar um málið í kvöldfréttum Stöðvar 2 og farið yfir veðurhorfurnar fram undan í beinni útsendingu.

Vestræn ríki hafa nú þegar gripið til refsiaðgerða gegn Rússum eftir viðurkenningu þeirra á sjálfstæði tveggja héraða í austurhluta Úkraínu og komu rússneskra hersveita þangað. Forsætisráðherra hefur áhyggjur af stöðunni og segir að Íslendingar muni taka þátt í refsiaðgerðum gegn Rússum. Fjallað verður ítarlega um málið í kvöldfréttum.

Við verðum einnig í beinni frá miðbænum þar sem bareigendur eru farnir að búa sig undir mikil skemmtanahöld um helgina, heyrum í bæjarstjóra Fjarðabyggðar um ákall í jarðgangnagerð á Austfjörðum og hittum prest sem nýtti skemmtilegu dagsetninguna 22.02.22 í brúðkaupsmaraþon.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið