Innlent

2.415 greindust smitaðir innanlands í gær

Tryggvi Páll Tryggvason skrifar
Um helmingur þeirra sem fer í sýnatöku greinist jákvæður þessa dagana.
Um helmingur þeirra sem fer í sýnatöku greinist jákvæður þessa dagana. Vísir/Vilhelm

2.415 greindust smitaðir af kórónuveirunni innanlands í gær.

Þetta kemur fram á Covid.is.

4.711 sýni voru tekin til greiningar innanlands í gær og var því hlutfall jákvæðra sýna því um 50 prósent. 719 sýni voru tekin á landamærunum og greindust þar 98 smitaðir.

Alls eru nú 12.325 í einangrun með virkt smit, og fækkar þeim um nokkur hundruð milli daga. Nýgengi smita innanlands er nú 8.473 og á landamærunum er nýgengið nú 287.

Inniliggjandi á spítala eru nú 52 manns, þar af 42 á Landspítala. Tveir eru á gjörgæslu.

Alls hafa nú 112.094 greinst smitaðir af veirunni frá því að fyrsta tilfellið greindist þann 28. febrúar 2020.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið