Sólveig Anna aftur kjörin formaður Eflingar Eiður Þór Árnason og Árni Sæberg skrifa 15. febrúar 2022 22:55 Sólveig Anna Jónsdóttir og Viðar Þorsteinsson, fyrrverandi framkvæmdastjóri Eflingar, voru sigurreif á Bryggjunni Brugghúsi í kvöld. Vísir/Tumi Sólveig Anna Jónsdóttir og Baráttulistinn bar sigur úr býtum í stjórnarkjöri Eflingar sem lauk í kvöld með yfir helmingi atkvæða. Tekur hún því við formannsstól verkalýðsfélagsins í annað sinn en hún sagði af sér í október síðastliðnum í kjölfar vantraustsyfirlýsingar frá starfsfólki Eflingar. Þrír listar voru í framboði: A-listi uppstillinganefndar með Ólöfu Helgu Adolfsdóttur sem formannsefni, B-listi með Sólveigu Önnu Jónsdóttur í forsvari og C-listi Guðmundar Jónatans Baldurssonar. Tekur Sólveig Anna við Agnieszku Ewa Ziółkowska, settum formanni, á aðalfundi félagsins. A-listi hlaut 37 prósent atkvæða, B-listi 52 prósent atkvæða og C-listi hlaut 8 prósent atkvæða. Tvö prósent tóku ekki afstöðu. Á kjörskrá voru 25.842 en atkvæði greiddu 3.900. Kjörsókn var því 15,09 prósent. Að sögn Baráttulistans var kjörsókn talsvert meiri en í stjórnar- og formannskosningum árið 2018, sem voru fyrstu slíku kosningarnar í Eflingu. 45% fleiri hafi nú tekið þátt í kosningunum. Svekkt en virðir niðurstöðuna Ólöf Helga segist í samtali við Vísi vera vonsvikin yfir úrslitum kvöldsins en að hún virði að sjálfsögðu vilja félagsmanna. Hún telur að draga megi lærdóm af átökum síðustu vikna innan Eflingar. Þá segir hún mikilvægt að félagsmenn veiti stjórn Eflingar meira aðhald nú en áður. Á listanum með Sólveigu Önnu voru Innocentia F. Friðgeirsson, matráður á Landspítala, Ísak Jónsson tæknimaður, Guðbjörg María Jósepsdóttir leikskólaleiðbeinandi, Kolbrún Valvesdóttir, starfsmaður heimaþjónustu hjá borginni, Michael Bragi Whalley leikskólaleiðbeinandi, Olga Leonsdóttir, starfsmaður á hjúkrunarheimili og Sæþór Benjamín Randalsson, starfsmaður á barnavistheimili. Öll taka þau sæti í stjórn Eflingar. Skoðunarmenn reikninga verða Barbara Sawka og Magnús Freyr Magnússon. Valtýr Björn Thors verður varamaður. Hatrömm kosningabarátta Í sigurræðu sinni í kvöld sagði Sólveig Anna að hún hafi aldrei orðið vitni af jafn hatrammri kosningabaráttu, og vísaði þá til andstæðinga sinna. „En okkur tókst þetta og við erum búin að vinna sigur í þessum kosningum. Ég vil að við tökum smá tíma til að meðtaka það að eftir allt sem á hefur gengið, allan þann trylling sem á hefur gengið, þá tókst okkur að fá samþykki félagsfólks Eflingar fyrir því að við á Baráttulistanum eigum að fá að stýra efnahagslegri réttlætisbaráttu verka- og láglaunafólks á höfuðborgarsvæðinu,“ sagði hún við mikinn fögnuð. Ólöf Helga (önnur frá vinstri) og meðlimir A-listans áður en úrslit voru kynnt. Engir fulltrúar frá öðrum listum mættu á skrifstofu Eflingar.Vísir/Árni Fram kemur í tilkynningu frá Baráttulistanum að kosningabaráttunnar verði minnst fyrir það „hve hún einkenndist af hálfu andstæðinga Baráttulistans af grófum árásum á persónu Sólveigar Önnu Jónsdóttur og samstarfsfólks hennar þar sem nafnlausum róg og ósannindum var ítrekað lekið í fjölmiðla.“ „Einnig verður kosningabaráttunnar minnst fyrir ítrekaðar tilraunir starfsfólks verkalýðshreyfingarinnar, bæði Eflingar og aðildarfélaga Alþýðusambandsins, til að hafa áhrif á niðurstöður kosninganna.“ Þá segir að Baráttulistinn hafi lagt áherslu á fjölda, samstöðu og sýnileika Eflingarfélaga. Þá hafi skortur á aðhaldi og lýðræði í lífeyrissjóðakerfinu verið gagnrýndur, sjónum beint að endurvakningu SALEK og lagt til að gaumgæfa mikil útgjöld Eflingar til Alþýðusambandsins. „Eflingarfélagar hafa með þessum kosningum staðfest stuðning sinn við stefnumál Baráttulistans og lýst yfir trausti til Sólveigar Önnu Jónsdóttur sem leiðtoga í íslenskri verkalýðsbaráttu. Þeir hafa jafnframt hafnað tilraunum andstæðinga verka- og láglaunafólks til að afvegaleiða endurreisn verkalýðshreyfingarinnar. Sú endurreisn hefur fengið ómetanlegan byr í seglin,“ segir í yfirlýsingu Baráttulistans. Fréttin hefur verið uppfærð.
Þrír listar voru í framboði: A-listi uppstillinganefndar með Ólöfu Helgu Adolfsdóttur sem formannsefni, B-listi með Sólveigu Önnu Jónsdóttur í forsvari og C-listi Guðmundar Jónatans Baldurssonar. Tekur Sólveig Anna við Agnieszku Ewa Ziółkowska, settum formanni, á aðalfundi félagsins. A-listi hlaut 37 prósent atkvæða, B-listi 52 prósent atkvæða og C-listi hlaut 8 prósent atkvæða. Tvö prósent tóku ekki afstöðu. Á kjörskrá voru 25.842 en atkvæði greiddu 3.900. Kjörsókn var því 15,09 prósent. Að sögn Baráttulistans var kjörsókn talsvert meiri en í stjórnar- og formannskosningum árið 2018, sem voru fyrstu slíku kosningarnar í Eflingu. 45% fleiri hafi nú tekið þátt í kosningunum. Svekkt en virðir niðurstöðuna Ólöf Helga segist í samtali við Vísi vera vonsvikin yfir úrslitum kvöldsins en að hún virði að sjálfsögðu vilja félagsmanna. Hún telur að draga megi lærdóm af átökum síðustu vikna innan Eflingar. Þá segir hún mikilvægt að félagsmenn veiti stjórn Eflingar meira aðhald nú en áður. Á listanum með Sólveigu Önnu voru Innocentia F. Friðgeirsson, matráður á Landspítala, Ísak Jónsson tæknimaður, Guðbjörg María Jósepsdóttir leikskólaleiðbeinandi, Kolbrún Valvesdóttir, starfsmaður heimaþjónustu hjá borginni, Michael Bragi Whalley leikskólaleiðbeinandi, Olga Leonsdóttir, starfsmaður á hjúkrunarheimili og Sæþór Benjamín Randalsson, starfsmaður á barnavistheimili. Öll taka þau sæti í stjórn Eflingar. Skoðunarmenn reikninga verða Barbara Sawka og Magnús Freyr Magnússon. Valtýr Björn Thors verður varamaður. Hatrömm kosningabarátta Í sigurræðu sinni í kvöld sagði Sólveig Anna að hún hafi aldrei orðið vitni af jafn hatrammri kosningabaráttu, og vísaði þá til andstæðinga sinna. „En okkur tókst þetta og við erum búin að vinna sigur í þessum kosningum. Ég vil að við tökum smá tíma til að meðtaka það að eftir allt sem á hefur gengið, allan þann trylling sem á hefur gengið, þá tókst okkur að fá samþykki félagsfólks Eflingar fyrir því að við á Baráttulistanum eigum að fá að stýra efnahagslegri réttlætisbaráttu verka- og láglaunafólks á höfuðborgarsvæðinu,“ sagði hún við mikinn fögnuð. Ólöf Helga (önnur frá vinstri) og meðlimir A-listans áður en úrslit voru kynnt. Engir fulltrúar frá öðrum listum mættu á skrifstofu Eflingar.Vísir/Árni Fram kemur í tilkynningu frá Baráttulistanum að kosningabaráttunnar verði minnst fyrir það „hve hún einkenndist af hálfu andstæðinga Baráttulistans af grófum árásum á persónu Sólveigar Önnu Jónsdóttur og samstarfsfólks hennar þar sem nafnlausum róg og ósannindum var ítrekað lekið í fjölmiðla.“ „Einnig verður kosningabaráttunnar minnst fyrir ítrekaðar tilraunir starfsfólks verkalýðshreyfingarinnar, bæði Eflingar og aðildarfélaga Alþýðusambandsins, til að hafa áhrif á niðurstöður kosninganna.“ Þá segir að Baráttulistinn hafi lagt áherslu á fjölda, samstöðu og sýnileika Eflingarfélaga. Þá hafi skortur á aðhaldi og lýðræði í lífeyrissjóðakerfinu verið gagnrýndur, sjónum beint að endurvakningu SALEK og lagt til að gaumgæfa mikil útgjöld Eflingar til Alþýðusambandsins. „Eflingarfélagar hafa með þessum kosningum staðfest stuðning sinn við stefnumál Baráttulistans og lýst yfir trausti til Sólveigar Önnu Jónsdóttur sem leiðtoga í íslenskri verkalýðsbaráttu. Þeir hafa jafnframt hafnað tilraunum andstæðinga verka- og láglaunafólks til að afvegaleiða endurreisn verkalýðshreyfingarinnar. Sú endurreisn hefur fengið ómetanlegan byr í seglin,“ segir í yfirlýsingu Baráttulistans. Fréttin hefur verið uppfærð.
Ólga innan Eflingar Vinnumarkaður Stéttarfélög Tengdar fréttir Sólveig Anna segir af sér vegna vantraustsyfirlýsingar Sólveig Anna Jónsdóttir hefur tilkynnt stjórn Eflingar um afsögn sína sem formaður félagsins. Afsögnin kemur í kjölfar vantraustsyfirlýsingar sem starfsfólk Eflingar sendi Sólveigu Önnu, félaginu og fjölmiðlum á föstudag. 31. október 2021 23:56 Ólöf Helga fremst á lista Eflingar Ólöf Helga Adolfsdóttir, varaformaður Eflingar og fyrrverandi hlaðmaður hjá Icelandair, er formaður á lista sem uppstillinganefnd Eflingar lagði fram í dag og stjórn félagsins samþykkti á fundi sínum. 13. janúar 2022 17:56 Sólveig Anna býður sig fram til formanns Eflingar Sólveig Anna Jónsdóttir, fyrrverandi formaður Eflingar, býður sig fram til formanns að nýju. Sólveig mun fara fyrir framboðslistanum Baráttulistinn, sem tilkynntur hefur verið til kjörstjórnar Eflingar. 28. janúar 2022 08:02 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Beðnir um að senda börnin sín með net vegna flugnafaraldurs Innlent Hundrað milljarða fjárfesting í uppnámi Innlent Halla þótti standa sig best Innlent „Köld vatnsgusa“ framan í skólasamfélagið í Laugardal Innlent Forsetavaktin 2024: Hver verður sjöundi forseti lýðveldisins? Innlent Vann fimmtíu milljónir króna Innlent Fékk ekki að kveðja eiginmanninn fyrir flugið til Nígeríu Innlent „Nú verður þú bara að spyrja Bjarna“ Innlent Forsetaframbjóðendur mæta í kappræður á Stöð 2 og Vísi Innlent „Heill vinnustaður er dreginn sundur og saman í háði“ Innlent Fleiri fréttir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Sat saklaus í unglingafangelsi í tvö ár Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Munu lappa upp á vatnspóstinn í Aðalstræti 300 kröfur um húsleit og 294 um símahlustun síðustu fimm ár Tvö innbrot á heimili og líkamsárás með kylfu og piparúða Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Sjá meira
Sólveig Anna segir af sér vegna vantraustsyfirlýsingar Sólveig Anna Jónsdóttir hefur tilkynnt stjórn Eflingar um afsögn sína sem formaður félagsins. Afsögnin kemur í kjölfar vantraustsyfirlýsingar sem starfsfólk Eflingar sendi Sólveigu Önnu, félaginu og fjölmiðlum á föstudag. 31. október 2021 23:56
Ólöf Helga fremst á lista Eflingar Ólöf Helga Adolfsdóttir, varaformaður Eflingar og fyrrverandi hlaðmaður hjá Icelandair, er formaður á lista sem uppstillinganefnd Eflingar lagði fram í dag og stjórn félagsins samþykkti á fundi sínum. 13. janúar 2022 17:56
Sólveig Anna býður sig fram til formanns Eflingar Sólveig Anna Jónsdóttir, fyrrverandi formaður Eflingar, býður sig fram til formanns að nýju. Sólveig mun fara fyrir framboðslistanum Baráttulistinn, sem tilkynntur hefur verið til kjörstjórnar Eflingar. 28. janúar 2022 08:02