Fylgist með þessum í ítalska boltanum Ingvi Þór Sæmundsson skrifar 12. febrúar 2022 11:00 Margir spennandi leikmenn spila í ítölsku úrvalsdeildinni. vísir/getty Í tilefni af því að ítalski boltinn er kominn heim, á Stöð 2 Sport, fer Vísir yfir tíu leikmenn sem fótboltaáhugafólk ætti að fylgjast með í ítölsku úrvalsdeildinni. Dusan Vlahovic, framherji Juventus Dusan Vlahovic spilar í treyju númer sjö hjá Juventus, sem Cristiano Ronaldo var síðast í.getty/Daniele Badolato Juventus vann kapphlaupið um einn eftirsóttasta framherja heims, Dusan Vlahovic, í síðasta mánuði. Gamla frúin greiddi Fiorentina sjötíu milljónir evra fyrir Serbann sem skrifaði undir fjögurra og hálfs árs samning við Juventus á 22 ára afmælisdaginn sinn. Vlahovic var fjórði markahæsti leikmaður ítölsku úrvalsdeildarinnar á síðasta tímabili með 21 mark. Hann hefur haldið uppteknum hætti í vetur, skoraði sautján mörk fyrir Fiorentina og var að sjálfsögðu á skotskónum í fyrsta leik sínum fyrir Juventus, 2-0 sigri á Hellas Verona. Mörkin eiga eftir að verða mun fleiri, hæfileikarnir eru slíkir. Juventus hefur líka góða reynslu af leikmönnum frá Fiorentina, meðal annars Roberto Baggio og Federico Chiesa. Rafael Leao Rafael Leao lék sína fyrstu landsleiki fyrir Portúgal síðasta haust.getty/Sportinfoto Rafael Leao er ekki þekktasti framherjinn í leikmannahópi AC Milan en hann er búinn að vera sá besti í vetur. Portúgalinn kom til Milan frá Lille sumarið 2019 fyrir aðeins 23 milljónir evra og hefur orðið betri með hverju tímabilinu í Mílanó-borg. Hann skoraði sex deildarmörk tímabilin 2019-20 og 2020-21 og er þegar búinn að jafna þann markafjölda í vetur. Auk þess hefur Leao lagt upp þrjú mörk. Afar beinskeyttur, snöggur og síógnandi leikmaður. Með aðeins meiri stöðugleika getur hann komist í fremstu röð. Giacomo Raspadori Giacomo Raspadori var valinn besti leikmaður janúar-mánaðar í ítölsku úrvalsdeildinni.getty/Emmanuele Ciancaglini Giacomo Raspadori var yngsti leikmaðurinn í Evrópumeistaraliði Ítalíu og kom við sögu í einum leik á mótinu. Það virðist hafa gefið honum vítamínssprautu. Raspadori skoraði sex deildarmörk á síðasta tímabili og þegar búinn að toppa það í vetur. Auk markanna sjö hefur hann gefið fjórar stoðsendingar. Einn mest spennandi leikmaður ítölsku deildarinnar og er í lykilhlutverki í stórskemmtilegu liði Sassuolo. Líður best fyrir aftan fremsta mann og minnir um margt á Antonio Cassano og Sebastian Giovinco. Giovanni Simeone, framherji Verona Giovanni Simeone er þriðji markahæstur í ítölsku úrvalsdeildinni á tímabilinu.getty/Alessandro Sabattini Greyið Giovanni Simeone má varla stíga inn á völlinn án þess að faðir hans, Diego, sé nefndur í sömu andrá. Giovanni þarf að gefa verulega í ef hann á að vera jafn góður og pabbinn en hann er hörkuleikmaður og þetta tímabil er hans langbesta á ferlinum. Simeone náði sér ekki á strik með Cagliari á síðasta tímabili og var lánaður til Hellas Verona í sumar. Og hann hefur blómstrað í borg þeirra Rómeos og Júlíu. Simeone er þriðji markahæstur í ítölsku úrvalsdeildinni með tólf mörk og þarf aðeins tvö mörk til viðbótar til að jafna mesta markafjölda sinn á tímabili í ítölsku úrvalsdeildinni. El Cholito hefur ekki leikið með argentínska landsliðinu síðan 2018 en hlýtur að gera tilkall í HM-hóp Argentínu. Joao Pedro, framherji Cagliari Joao Pedro er fyrirliði Cagliari.getty/Luigi Canu Fáir leikmenn í ítölsku úrvalsdeildinni eru mikilvægari fyrir sitt lið en Joao Pedro fyrir Cagliari. Sardiníuliðið hefur skorað 24 deildarmörk á tímabilinu og Joao Pedro hefur komið með beinum hætti að fjórtán þeirra, skorað tíu og lagt upp fjögur. Án framlags hans væri Cagliari í sannkölluðum skítamálum. Joao Pedro hefur leikið með Cagliari frá 2014 og er fjórði markahæstur í sögu félagsins. Undanfarin þrjú tímabil hefur Joao Pedro skorað samtals 44 mörk í ítölsku úrvalsdeildinni. Hann var valinn í ítalska landsliðið í síðasta mánuði. Joao Pedro er Brasilíumaður en fékk ítalskan ríkisborgararétt 2017. Lorenzo Pellegrini Lorenzo Pellegrini hefur tvisvar sinnum skorað mark mánaðarins í ítölsku úrvalsdeildinni.getty/Paolo Bruno Lorenzo Pellegrini er Rómverji í húð og hár. Hann er uppalinn hjá Roma en var seldur til Sassuolo 2015. Roma setti þó endursöluákvæði í samning Pellegrinis og nýtti sér það tveimur árum seinna. José Mourinho gerði Pellegrini að fyrirliða Roma og það virðist hafa valdeflt hann. Hann hefur verið besti leikmaður liðsins á tímabilinu og er búinn að skora níu mörk í öllum keppnum. Pellegrini missti af Evrópumótinu vegna meiðsla en sneri aftur í ítalska landsliðið í haust. Hefur leikið tuttugu landsleiki og skorað þrjú mörk. Pellegrini var með óreglulegan hjartslátt á sínum yngri árum en það hefur ekki háð honum á fullorðinsárum. Alessandro Bastoni Alessandro Bastoni býr yfir mikilli reynslu þrátt fyrir að vera aðeins 22 ára.getty/Giuseppe Bellini Alessandro Bastoni er frá Langbarðalandi og er einn fjölmargra góðra leikmanna sem hafa komið úr unglingastarfi Atalanta. Inter keypti hann 2017 en lánaði hann strax aftur til Atalanta og svo til Parma. Undanfarin þrjú tímabil hefur Bastoni verið í stóru hlutverki hjá Inter og varð ítalskur meistari með liðinu í fyrra. Ítalir framleiða ekki jafn marga góða varnarmenn og áður en Bastoni sver sig í ætt við varnarhetjur liðinna ára. Ofan á það er hann afar vel spilandi og með frábæran vinstri fót. Bastoni spilar jafnan vinstra megin í þriggja manna vörn Inter. Hefur leikið níu landsleiki og var í Evrópumeistaraliði Ítala í fyrra. Gianluca Scamacca Gianluca Scamacca er engin smásmíði og telur 1,95 metra.getty/Francesco Scaccianoce Tveir af bestu ungu framherjum Ítalíu leika með Sassuolo, áðurnefndur Raspadori og Gianluca Scamacca. Sá síðarnefndi er uppalinn hjá Lazio og Roma en fór ungur til PSV Eindhoven í Hollandi. Sassuolo keypti Scamacca 2017 og lánaði hann víða næstu árin. Á síðasta tímabili lék hann vel með Genoa og skoraði átta mörk í ítölsku deildinni. Scamacca fékk svo loks tækifæri með Sassuolo í vetur og hefur nýtt það stórvel. Þessi stóri og stæðilegi framherji og er kominn með níu deildarmörk þrátt fyrir að hafa aðeins þrettán sinnum verið í byrjunarliði Sassuolo. Scamacca, sem er fæddur á nýársdag 1999, lék sína fyrstu landsleiki síðasta haust. Helsta fyrirmynd Scamaccas er Zlatan og hann hefur verið kallaður hinn ítalski Ibrahimovic. Theo Hernández Theo Hernandez og félagar í AC Milan eru í harðri baráttu um ítalska meistaratitilinn.getty/fabrizio carabelli Theo Hernandez er einn af lykilmönnunum í upprisu AC Milan undanfarin ár. Milan keypti hann frá Real Madrid sumarið 2019 fyrir aðeins tuttugu milljónir evra. Sú fjárfesting hefur borgað sig. Undanfarin þrjú tímabil hefur Hernandez skilað tölum sem hvaða miðjumaður væri stoltur af. Samtals hefur hann skorað sautján mörk og gefið þrettán stoðsendingar í 83 deildarleikjum fyrir Milan. Hernandez kemur úr mikilli fótboltafjölskyldu. Faðir hans, Jean-Francois, lék í Frakklandi og á Spáni og eldri bróðir hans, Lucas, leikur með Bayern München og franska landsliðinu. Hernandez þurfti að bíða nokkuð lengi eftir að fá tækifæri með franska landsliðinu en fékk það loks síðasta haust. Hann skoraði meðal annars sigurmark Frakka í 3-2 sigri á Belgum í undanúrslitum Þjóðadeildarinnar. Ítalski boltinn Mest lesið Sjáðu mörkin þegar Real tryggði sér Evrópubikarinn Fótbolti Fimmtíu og þrír handteknir á Wembley í tengslum við úrslitaleikinn Fótbolti Dagskráin í dag: Kópavogsslagur í Bestu deildinni Sport Markavélin spennt fyrir skiptum til Arsenal Enski boltinn Slakur árangur og samskiptaleysi ástæðan fyrir brottvikningu Brynjars Björns Fótbolti „Við erum allavega ekki að fara að sofa“ Fótbolti „Menn þurfa að gera sér grein fyrir að við erum í botnbaráttu, engu öðru“ Fótbolti Tekur við Napoli og verður sá launahæsti í sögunni Fótbolti Ronaldinho mætti með stæl á úrslitaleikinn Fótbolti „Besta kvöld lífs míns“ Fótbolti Fleiri fréttir Fimmtíu og þrír handteknir á Wembley í tengslum við úrslitaleikinn „Við erum allavega ekki að fara að sofa“ Slakur árangur og samskiptaleysi ástæðan fyrir brottvikningu Brynjars Björns Sjáðu mörkin þegar Real tryggði sér Evrópubikarinn „Besta kvöld lífs míns“ Real Madrid Evrópumeistari í fimmtánda sinn Markavélin spennt fyrir skiptum til Arsenal „Menn þurfa að gera sér grein fyrir að við erum í botnbaráttu, engu öðru“ Tekur við Napoli og verður sá launahæsti í sögunni „Erum á ákveðinni vegferð” Jafntefli í báðum leikjunum í Lengjudeildinni Uppgjörið: KA - ÍA 2-3 | Skagamenn sóttu sigur norður Ronaldinho mætti með stæl á úrslitaleikinn Allt í skrúfunni hjá liði Arnórs Ingva og Gísli lagði upp fyrir Halmstad Pablo fékk útkall frá landsliðsþjálfara El Salvador Kolbeinn fagnaði í Íslendingaslag í Gautaborg Afi skenkti leikmönnum Dortmund bjór KA-menn hafa geta treyst á stigin í Skagaleikjunum síðustu ár Harður stuðingsmaður Real Madrid: „Við elskum þessa keppni“ Fan Zone á hinum mikilvæga leik stelpnanna okkar á þriðjudaginn Ráku Brynjar Björn strax eftir leik Cristiano Ronaldo grét eftir tap í gær Ekkert verður af kaupunum á Everton Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH Freyr þakklátari fyrir ótrúlegustu hluti: „Búið að vera erfitt“ Courtois byrjar úrslitaleikinn „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Sjá meira
Dusan Vlahovic, framherji Juventus Dusan Vlahovic spilar í treyju númer sjö hjá Juventus, sem Cristiano Ronaldo var síðast í.getty/Daniele Badolato Juventus vann kapphlaupið um einn eftirsóttasta framherja heims, Dusan Vlahovic, í síðasta mánuði. Gamla frúin greiddi Fiorentina sjötíu milljónir evra fyrir Serbann sem skrifaði undir fjögurra og hálfs árs samning við Juventus á 22 ára afmælisdaginn sinn. Vlahovic var fjórði markahæsti leikmaður ítölsku úrvalsdeildarinnar á síðasta tímabili með 21 mark. Hann hefur haldið uppteknum hætti í vetur, skoraði sautján mörk fyrir Fiorentina og var að sjálfsögðu á skotskónum í fyrsta leik sínum fyrir Juventus, 2-0 sigri á Hellas Verona. Mörkin eiga eftir að verða mun fleiri, hæfileikarnir eru slíkir. Juventus hefur líka góða reynslu af leikmönnum frá Fiorentina, meðal annars Roberto Baggio og Federico Chiesa. Rafael Leao Rafael Leao lék sína fyrstu landsleiki fyrir Portúgal síðasta haust.getty/Sportinfoto Rafael Leao er ekki þekktasti framherjinn í leikmannahópi AC Milan en hann er búinn að vera sá besti í vetur. Portúgalinn kom til Milan frá Lille sumarið 2019 fyrir aðeins 23 milljónir evra og hefur orðið betri með hverju tímabilinu í Mílanó-borg. Hann skoraði sex deildarmörk tímabilin 2019-20 og 2020-21 og er þegar búinn að jafna þann markafjölda í vetur. Auk þess hefur Leao lagt upp þrjú mörk. Afar beinskeyttur, snöggur og síógnandi leikmaður. Með aðeins meiri stöðugleika getur hann komist í fremstu röð. Giacomo Raspadori Giacomo Raspadori var valinn besti leikmaður janúar-mánaðar í ítölsku úrvalsdeildinni.getty/Emmanuele Ciancaglini Giacomo Raspadori var yngsti leikmaðurinn í Evrópumeistaraliði Ítalíu og kom við sögu í einum leik á mótinu. Það virðist hafa gefið honum vítamínssprautu. Raspadori skoraði sex deildarmörk á síðasta tímabili og þegar búinn að toppa það í vetur. Auk markanna sjö hefur hann gefið fjórar stoðsendingar. Einn mest spennandi leikmaður ítölsku deildarinnar og er í lykilhlutverki í stórskemmtilegu liði Sassuolo. Líður best fyrir aftan fremsta mann og minnir um margt á Antonio Cassano og Sebastian Giovinco. Giovanni Simeone, framherji Verona Giovanni Simeone er þriðji markahæstur í ítölsku úrvalsdeildinni á tímabilinu.getty/Alessandro Sabattini Greyið Giovanni Simeone má varla stíga inn á völlinn án þess að faðir hans, Diego, sé nefndur í sömu andrá. Giovanni þarf að gefa verulega í ef hann á að vera jafn góður og pabbinn en hann er hörkuleikmaður og þetta tímabil er hans langbesta á ferlinum. Simeone náði sér ekki á strik með Cagliari á síðasta tímabili og var lánaður til Hellas Verona í sumar. Og hann hefur blómstrað í borg þeirra Rómeos og Júlíu. Simeone er þriðji markahæstur í ítölsku úrvalsdeildinni með tólf mörk og þarf aðeins tvö mörk til viðbótar til að jafna mesta markafjölda sinn á tímabili í ítölsku úrvalsdeildinni. El Cholito hefur ekki leikið með argentínska landsliðinu síðan 2018 en hlýtur að gera tilkall í HM-hóp Argentínu. Joao Pedro, framherji Cagliari Joao Pedro er fyrirliði Cagliari.getty/Luigi Canu Fáir leikmenn í ítölsku úrvalsdeildinni eru mikilvægari fyrir sitt lið en Joao Pedro fyrir Cagliari. Sardiníuliðið hefur skorað 24 deildarmörk á tímabilinu og Joao Pedro hefur komið með beinum hætti að fjórtán þeirra, skorað tíu og lagt upp fjögur. Án framlags hans væri Cagliari í sannkölluðum skítamálum. Joao Pedro hefur leikið með Cagliari frá 2014 og er fjórði markahæstur í sögu félagsins. Undanfarin þrjú tímabil hefur Joao Pedro skorað samtals 44 mörk í ítölsku úrvalsdeildinni. Hann var valinn í ítalska landsliðið í síðasta mánuði. Joao Pedro er Brasilíumaður en fékk ítalskan ríkisborgararétt 2017. Lorenzo Pellegrini Lorenzo Pellegrini hefur tvisvar sinnum skorað mark mánaðarins í ítölsku úrvalsdeildinni.getty/Paolo Bruno Lorenzo Pellegrini er Rómverji í húð og hár. Hann er uppalinn hjá Roma en var seldur til Sassuolo 2015. Roma setti þó endursöluákvæði í samning Pellegrinis og nýtti sér það tveimur árum seinna. José Mourinho gerði Pellegrini að fyrirliða Roma og það virðist hafa valdeflt hann. Hann hefur verið besti leikmaður liðsins á tímabilinu og er búinn að skora níu mörk í öllum keppnum. Pellegrini missti af Evrópumótinu vegna meiðsla en sneri aftur í ítalska landsliðið í haust. Hefur leikið tuttugu landsleiki og skorað þrjú mörk. Pellegrini var með óreglulegan hjartslátt á sínum yngri árum en það hefur ekki háð honum á fullorðinsárum. Alessandro Bastoni Alessandro Bastoni býr yfir mikilli reynslu þrátt fyrir að vera aðeins 22 ára.getty/Giuseppe Bellini Alessandro Bastoni er frá Langbarðalandi og er einn fjölmargra góðra leikmanna sem hafa komið úr unglingastarfi Atalanta. Inter keypti hann 2017 en lánaði hann strax aftur til Atalanta og svo til Parma. Undanfarin þrjú tímabil hefur Bastoni verið í stóru hlutverki hjá Inter og varð ítalskur meistari með liðinu í fyrra. Ítalir framleiða ekki jafn marga góða varnarmenn og áður en Bastoni sver sig í ætt við varnarhetjur liðinna ára. Ofan á það er hann afar vel spilandi og með frábæran vinstri fót. Bastoni spilar jafnan vinstra megin í þriggja manna vörn Inter. Hefur leikið níu landsleiki og var í Evrópumeistaraliði Ítala í fyrra. Gianluca Scamacca Gianluca Scamacca er engin smásmíði og telur 1,95 metra.getty/Francesco Scaccianoce Tveir af bestu ungu framherjum Ítalíu leika með Sassuolo, áðurnefndur Raspadori og Gianluca Scamacca. Sá síðarnefndi er uppalinn hjá Lazio og Roma en fór ungur til PSV Eindhoven í Hollandi. Sassuolo keypti Scamacca 2017 og lánaði hann víða næstu árin. Á síðasta tímabili lék hann vel með Genoa og skoraði átta mörk í ítölsku deildinni. Scamacca fékk svo loks tækifæri með Sassuolo í vetur og hefur nýtt það stórvel. Þessi stóri og stæðilegi framherji og er kominn með níu deildarmörk þrátt fyrir að hafa aðeins þrettán sinnum verið í byrjunarliði Sassuolo. Scamacca, sem er fæddur á nýársdag 1999, lék sína fyrstu landsleiki síðasta haust. Helsta fyrirmynd Scamaccas er Zlatan og hann hefur verið kallaður hinn ítalski Ibrahimovic. Theo Hernández Theo Hernandez og félagar í AC Milan eru í harðri baráttu um ítalska meistaratitilinn.getty/fabrizio carabelli Theo Hernandez er einn af lykilmönnunum í upprisu AC Milan undanfarin ár. Milan keypti hann frá Real Madrid sumarið 2019 fyrir aðeins tuttugu milljónir evra. Sú fjárfesting hefur borgað sig. Undanfarin þrjú tímabil hefur Hernandez skilað tölum sem hvaða miðjumaður væri stoltur af. Samtals hefur hann skorað sautján mörk og gefið þrettán stoðsendingar í 83 deildarleikjum fyrir Milan. Hernandez kemur úr mikilli fótboltafjölskyldu. Faðir hans, Jean-Francois, lék í Frakklandi og á Spáni og eldri bróðir hans, Lucas, leikur með Bayern München og franska landsliðinu. Hernandez þurfti að bíða nokkuð lengi eftir að fá tækifæri með franska landsliðinu en fékk það loks síðasta haust. Hann skoraði meðal annars sigurmark Frakka í 3-2 sigri á Belgum í undanúrslitum Þjóðadeildarinnar.
Ítalski boltinn Mest lesið Sjáðu mörkin þegar Real tryggði sér Evrópubikarinn Fótbolti Fimmtíu og þrír handteknir á Wembley í tengslum við úrslitaleikinn Fótbolti Dagskráin í dag: Kópavogsslagur í Bestu deildinni Sport Markavélin spennt fyrir skiptum til Arsenal Enski boltinn Slakur árangur og samskiptaleysi ástæðan fyrir brottvikningu Brynjars Björns Fótbolti „Við erum allavega ekki að fara að sofa“ Fótbolti „Menn þurfa að gera sér grein fyrir að við erum í botnbaráttu, engu öðru“ Fótbolti Tekur við Napoli og verður sá launahæsti í sögunni Fótbolti Ronaldinho mætti með stæl á úrslitaleikinn Fótbolti „Besta kvöld lífs míns“ Fótbolti Fleiri fréttir Fimmtíu og þrír handteknir á Wembley í tengslum við úrslitaleikinn „Við erum allavega ekki að fara að sofa“ Slakur árangur og samskiptaleysi ástæðan fyrir brottvikningu Brynjars Björns Sjáðu mörkin þegar Real tryggði sér Evrópubikarinn „Besta kvöld lífs míns“ Real Madrid Evrópumeistari í fimmtánda sinn Markavélin spennt fyrir skiptum til Arsenal „Menn þurfa að gera sér grein fyrir að við erum í botnbaráttu, engu öðru“ Tekur við Napoli og verður sá launahæsti í sögunni „Erum á ákveðinni vegferð” Jafntefli í báðum leikjunum í Lengjudeildinni Uppgjörið: KA - ÍA 2-3 | Skagamenn sóttu sigur norður Ronaldinho mætti með stæl á úrslitaleikinn Allt í skrúfunni hjá liði Arnórs Ingva og Gísli lagði upp fyrir Halmstad Pablo fékk útkall frá landsliðsþjálfara El Salvador Kolbeinn fagnaði í Íslendingaslag í Gautaborg Afi skenkti leikmönnum Dortmund bjór KA-menn hafa geta treyst á stigin í Skagaleikjunum síðustu ár Harður stuðingsmaður Real Madrid: „Við elskum þessa keppni“ Fan Zone á hinum mikilvæga leik stelpnanna okkar á þriðjudaginn Ráku Brynjar Björn strax eftir leik Cristiano Ronaldo grét eftir tap í gær Ekkert verður af kaupunum á Everton Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH Freyr þakklátari fyrir ótrúlegustu hluti: „Búið að vera erfitt“ Courtois byrjar úrslitaleikinn „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Sjá meira