Innlent

Sparkaði af krafti í brjóstkassa sambýliskonu sinnar

Kolbeinn Tumi Daðason skrifar
Dómur var kveðinn upp í Landsrétti í dag.
Dómur var kveðinn upp í Landsrétti í dag. Vísir/Vilhelm

Karlmaður hefur verið dæmdur í átta mánaða skilorðsbundið fangelsi fyrir að hafa veist að fyrrverandi sambýliskonu sinni og sparkað af afli í brjóstkassa hennar. Landsréttur þyngdi dóminn yfir manninum í héraði hvar hann hlaut þriggja mánaða dóm fyrir sparkið.

Karlmaðurinn var hins vegar sýknaður í héraði af því að hafa slegið konuna með þeim afleiðingum að konan hlaut brot á fingri, opið sár á hné og á fingri. Ákæruvaldið felldi sig við þá sýknu.

Árásin átti sér stað í janúar 2017 eftir að parið þáverandi hafði verið úti að skemmta sér með vinnufélögum. Þegar heim var komið hafi hann hrint henni. Um leið hafi hún fundið fyrir verk í rassinum hægra megin. Hafi hún staðið upp og síðan fengið högg á sig.

Því er lýst þannig í læknisvottorði sérfræðings í slysa- og bráðalækningum að karlmaðurinn hafi sparkað fast í brjóstkassa hennar. Var fylgst með henni á bráðadeild í fjórtán klukkustundir.

Landsréttur horfði til trúverðugs framburðar konunnar sem fengi stoð í myndskeiðum og læknisvottorðs. Var karlmaðurinn sakfelldur fyrir að hafa sparkað í brjóstkassa konunnar og brotið í henni bringubein.

Þá var hann dæmdur til að greiða konunni 900 þúsund krónur í miskabætur.

Dómur Landsréttar.

Dómsmál Heimilisofbeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið