Blýblandað bensín heyrir sögunni til Heimsljós 1. september 2021 12:12 Frá Tjad UN News/Daniel Dickinson Umhverfisstofnun Sameinuðu þjóðanna (UNEP) hefur verið í forystu í baráttunni fyrir blýlausu bensíni. „Sögu blýs í bensíni er lokið. Þökk sé samvinnu ríkisstjórna í þróunarríkjum, þúsunda fyrirtækja og milljóna óbreyttra borgara,“ segir António Guterres aðalframkvæmdastjóri Sameinuðu þjóðanna. Í frétt frá Upplýsingaskrifstofu samtakanna (UNRIC) segir að tuttugu ára herferð til að útrýma blýi í bensíni sé lokið með frábærum árangri. Umhverfisstofnun Sameinuðu þjóðanna (UNEP) hefur verið í forystu í baráttunni fyrir blýlausu bensíni. „Talið er að 2,45 trilljónir Bandaríkjadala hafi sparast við að losna við blýið úr bensíninu,“ segir í frétt UNRIC en áhrifin á heilsu fólks skipti þó mestu máli. „Að binda enda á blýnotkun í bensíni mun koma í veg fyrir eina milljón snemmbærra dauðsfalla á ári vegna hjartasjúkdóma, heilablóðfalla og krabbameins,“ er haft eftir Guterres. Inger Andersen forstjóri UNEP tekur í sama streng. „Í heila öld átti blýið sök á dauðsföllum og veikindum. Þetta hefur haft áhrif á hundruð miilljóna manna og skaðað umhverfið um heim allan.“ Sögu blýsins lauk í Alsír „Síðasta bensínstöð sem bauð upp á blýauðgað bensín var í Alsír og hún hætti sölu þess í júlí. Bifreiðar höfðu verið knúðar með blýríku bensíni frá því 1922. Þá var farið að blanda tetraetýlblýi í bensín til að auka vélarafl. Þegar leið fram á áttunda áratug síðustu aldar innihélt næstum allt bensín í heiminum blý. Flest auðug ríki höfðu bannað blý-bensín þegar leið á níunda áratuginn. Langflest meðal- eða lágtekjuríki notuðu það hins vegar enn árið 2002. Það ár hóf UNEP ásamt samstarfsaðilum sínum í opinbera- og einkageiranum herferð til að binda enda á blýnotkun,“ segir í frétt UNRIC. „Það er stórkostleg staðreynd að bandalagi ríkisstjórna, fyrirtækja og borgaralegs samfélags með Sameinuðu þjóðirnar að bakhjarli hafi tekist að losa heiminn við eitrað eldsneyti. Þetta er til marks um að hægt er að lyfta grettistaki með fjölþjóða samstarfi í þágu hreinni og grænni framtíðar,“ segir Inger Andersen. Nánar á vef UNEP Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Alsír Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent
„Sögu blýs í bensíni er lokið. Þökk sé samvinnu ríkisstjórna í þróunarríkjum, þúsunda fyrirtækja og milljóna óbreyttra borgara,“ segir António Guterres aðalframkvæmdastjóri Sameinuðu þjóðanna. Í frétt frá Upplýsingaskrifstofu samtakanna (UNRIC) segir að tuttugu ára herferð til að útrýma blýi í bensíni sé lokið með frábærum árangri. Umhverfisstofnun Sameinuðu þjóðanna (UNEP) hefur verið í forystu í baráttunni fyrir blýlausu bensíni. „Talið er að 2,45 trilljónir Bandaríkjadala hafi sparast við að losna við blýið úr bensíninu,“ segir í frétt UNRIC en áhrifin á heilsu fólks skipti þó mestu máli. „Að binda enda á blýnotkun í bensíni mun koma í veg fyrir eina milljón snemmbærra dauðsfalla á ári vegna hjartasjúkdóma, heilablóðfalla og krabbameins,“ er haft eftir Guterres. Inger Andersen forstjóri UNEP tekur í sama streng. „Í heila öld átti blýið sök á dauðsföllum og veikindum. Þetta hefur haft áhrif á hundruð miilljóna manna og skaðað umhverfið um heim allan.“ Sögu blýsins lauk í Alsír „Síðasta bensínstöð sem bauð upp á blýauðgað bensín var í Alsír og hún hætti sölu þess í júlí. Bifreiðar höfðu verið knúðar með blýríku bensíni frá því 1922. Þá var farið að blanda tetraetýlblýi í bensín til að auka vélarafl. Þegar leið fram á áttunda áratug síðustu aldar innihélt næstum allt bensín í heiminum blý. Flest auðug ríki höfðu bannað blý-bensín þegar leið á níunda áratuginn. Langflest meðal- eða lágtekjuríki notuðu það hins vegar enn árið 2002. Það ár hóf UNEP ásamt samstarfsaðilum sínum í opinbera- og einkageiranum herferð til að binda enda á blýnotkun,“ segir í frétt UNRIC. „Það er stórkostleg staðreynd að bandalagi ríkisstjórna, fyrirtækja og borgaralegs samfélags með Sameinuðu þjóðirnar að bakhjarli hafi tekist að losa heiminn við eitrað eldsneyti. Þetta er til marks um að hægt er að lyfta grettistaki með fjölþjóða samstarfi í þágu hreinni og grænni framtíðar,“ segir Inger Andersen. Nánar á vef UNEP Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Alsír Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent