Neyðarástand ríkir á Haítí Heimsljós 20. ágúst 2021 15:56 UNICEF/Rouzier Að mati UNICEF hefur hálf milljón haítískra barna lítinn sem engan aðgang að húsaskjóli, læknisaðstoð, vatni eða næringu. Barnahjálp Sameinuðu þjóðanna, UNICEF, áætlar að rúmlega ein milljón íbúa Haítí glími nú við afleiðingar mannskæðs jarðskjálfta sem reið yfir landið fyrir skemmstu. Á annað þúsund manns lét lífið í skjálftanum sem olli miklu tjóni á heimilum og innviðum í landinu. Að mati UNICEF hefur hálf milljón haítískra barna lítinn sem engan aðgang að húsaskjóli, læknisaðstoð, vatni eða næringu. „UNICEF er á staðnum og vinnur með stjórnvöldum og samstarfsaðilum að því að meta aðstæður og skipuleggja hjálparstarf. Búið er að koma neyðarbirgðum til þeirra svæða sem urðu verst úti og meiri hjálpargögn eru á leiðinni til þeirra fjölmörgu barna og fjölskyldna sem þurfa nú lífsnauðsynlega aðstoð, til að mynda öruggt skjól, hreint vatn, mat og læknisaðstoð,“ segir í nýútgefinni fréttatilkynningu frá UNICEF á Íslandi. Landið stendur enn í uppbyggingu eftir jarðskjálfta af svipaðri stærð sem varð fyrir 11 árum, en stjórnmálaólga, viðvarandi fátækt, ofbeldi og útbreiðsla Covid-19 faraldursins hafa bætt gráu ofan á svart. Þá kom hitabeltislægðin Grace í kjölfar jarðskjálftans og hefur illviðrið torveldað hjálparstarf og þannig gert illt verra. António Guterres, framkvæmdastjóri Sameinuðu þjóðanna hefur lýst yfir samstöðu með haítísku þjóðinni og hvatt til brýnna aðgerða, en Sameinuðu þjóðirnar hafa úthlutað átta milljónum Bandaríkjadala úr neyðarsjóði sínum (UN Central Emergency Response Fund) til Haítí í kjölfar jarðskjálftans. Neyðarsjóðurinn er ein af áherslustofnunum Íslands í mannúðaraðstoð. UNICEF á Íslandi hvetur fólk að skrá sig sem heimsforeldri en það er með slíkri hjálp sem stofnunin getur brugðist hratt við þegar neyðarástand skapast líkt og á Haítí. Auk þess hafa SOS Barnaþorpin hafið neyðarsöfnun til styrktar íbúum landsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Haítí Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent „Fólk er bara að bíða“ Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent
Barnahjálp Sameinuðu þjóðanna, UNICEF, áætlar að rúmlega ein milljón íbúa Haítí glími nú við afleiðingar mannskæðs jarðskjálfta sem reið yfir landið fyrir skemmstu. Á annað þúsund manns lét lífið í skjálftanum sem olli miklu tjóni á heimilum og innviðum í landinu. Að mati UNICEF hefur hálf milljón haítískra barna lítinn sem engan aðgang að húsaskjóli, læknisaðstoð, vatni eða næringu. „UNICEF er á staðnum og vinnur með stjórnvöldum og samstarfsaðilum að því að meta aðstæður og skipuleggja hjálparstarf. Búið er að koma neyðarbirgðum til þeirra svæða sem urðu verst úti og meiri hjálpargögn eru á leiðinni til þeirra fjölmörgu barna og fjölskyldna sem þurfa nú lífsnauðsynlega aðstoð, til að mynda öruggt skjól, hreint vatn, mat og læknisaðstoð,“ segir í nýútgefinni fréttatilkynningu frá UNICEF á Íslandi. Landið stendur enn í uppbyggingu eftir jarðskjálfta af svipaðri stærð sem varð fyrir 11 árum, en stjórnmálaólga, viðvarandi fátækt, ofbeldi og útbreiðsla Covid-19 faraldursins hafa bætt gráu ofan á svart. Þá kom hitabeltislægðin Grace í kjölfar jarðskjálftans og hefur illviðrið torveldað hjálparstarf og þannig gert illt verra. António Guterres, framkvæmdastjóri Sameinuðu þjóðanna hefur lýst yfir samstöðu með haítísku þjóðinni og hvatt til brýnna aðgerða, en Sameinuðu þjóðirnar hafa úthlutað átta milljónum Bandaríkjadala úr neyðarsjóði sínum (UN Central Emergency Response Fund) til Haítí í kjölfar jarðskjálftans. Neyðarsjóðurinn er ein af áherslustofnunum Íslands í mannúðaraðstoð. UNICEF á Íslandi hvetur fólk að skrá sig sem heimsforeldri en það er með slíkri hjálp sem stofnunin getur brugðist hratt við þegar neyðarástand skapast líkt og á Haítí. Auk þess hafa SOS Barnaþorpin hafið neyðarsöfnun til styrktar íbúum landsins. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Haítí Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent „Fólk er bara að bíða“ Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent