Erlent

Miðgarður flyst frá Nýja-Sjálandi til Bretlands

Hólmfríður Gísladóttir skrifar
Tökustaðir Hringadróttinssögu og Hobbitans á Nýja-Sjálandi eru nú vinsælir ferðamannastaðir.
Tökustaðir Hringadróttinssögu og Hobbitans á Nýja-Sjálandi eru nú vinsælir ferðamannastaðir.

Stjórnendur Amazon-kvikmyndastúdíósins hafa tilkynnt að tökur á annarri seríunni af nýjum sjónvarpsþáttum um ævintýraheim J.R. Tolkien muni fara fram á Bretlandseyjum.

Hinar gríðarvinsælu myndir Peter Jackson, sem byggja á Hringadróttinssögu og Hobbitanum, voru teknar á Nýja-Sjálandi og sömuleiðis fyrsta sería sjónvarpsþáttanna. Stjórnvöld á Nýja-Sjálandi segjast harma þessa þróun mála, enda landið orðið þekkt sem heimkynni Miðgarðs.

Ástæða flutningsins er sú að miðstöð afþreyingarefnisframleiðslu Amazon er að finna á Bretlandseyjum. Þar hefur fyrirtækið fjárfest í stórum kvikmyndaverum út um allt land.

Til stendur að framleiða fimm seríur af þáttum sem gerast í töfraheimi Tolkien en atburðir þáttanna eiga sér stað mörg þúsund árum áður en Hringadróttinssaga gerist og er lýst í The Silmarillion, Unfinished Tales og viðaukum við Hringadróttinssögu.

Bíó og sjónvarp Bretland Nýja-Sjáland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið