Óárennilegir Ítalir ekki tapað leik í tæp þrjú ár og ætla sér alla leið Ingvi Þór Sæmundsson skrifar 26. júní 2021 11:00 Ítalir fagna einu sjö marka sinna á EM. getty/Claudio Villa Eftir að hafa leikið alla sína í riðlakeppninni á EM á heimavelli verða Ítalía og Danmörk á útivelli í sextán liða úrslitunum sem hefjast í dag með tveimur leikjum. Leið Ítala og Dana í útsláttarkeppnina var ansi ólík. Ítalía vann alla þrjá leiki sína í A-riðli án þess að fá á sig mark á meðan Danmörk tapaði fyrstu tveimur leikjum sínum í B-riðli en komst áfram eftir að hafa unnið Rússland, 4-1, í lokaumferð riðlakeppninnar. Danir hafa eignast margar aðdáendur síðan EM hófst og margir vilja sjá þeim ganga vel eftir það sem kom fyrir Christian Eriksen. Danmörk mætir Wales í fyrsta leik sextán liða úrslitanna á Johan Cruyff leikvanginum í Amsterdam klukkan 16:00 í dag. Walesverjar lentu í 2. sæti A-riðils með fjögur stig. Wales gerði jafntefli við Sviss, vann Tyrkland en tapaði fyrir Ítalíu. Walesverjar komu mjög á óvart á síðasta Evrópumóti og komust þá alla leið í undanúrslit. En núna vilja aðrir en stuðningsmenn velska liðsins helst ekki sjá það fara áfram úr sextán liða úrslitunum. „Þetta verður mjög erfitt en vonandi náum við að vinna. Ég held að 99 prósent heimsins munu halda með Dönum í þessum leik,“ sagði Connor Roberts, leikmaður Wales, fyrir leikinn gegn Danmörku. Í seinni leik dagsins, klukkan 19:00, mætast Ítalía og Austurríki á Wembley í London. Austurríkismenn enduðu í 2. sæti C-riðils með sex stig. Þeir unnu Norður-Makedóníumenn og Úkraínumenn en töpuðu fyrir Hollendingum. Ítalía þykir líklegt til afreka í útsláttarkeppninni á EM og ekki að ástæðulausu. Ítalska liðið hefur unnið tíu leiki í röð án þess að fá á mark og hefur ekki tapað síðan 10. september 2018. Ítalía tapaði þá fyrir Portúgal í Þjóðadeildinni, 1-0. Frá þeirri viðureign hefur Ítalía leikið 29 leiki, unnið 24 og gert fimm jafntefli. Ítalska liðið hefur ekki bara fengið hrós fyrir frábæran árangur heldur einnig góða spilamennsku. Undir stjórn Robertos Mancini vilja Ítalir halda boltanum, pressa framarlega og taka frumkvæðið í leikjum. Ítölsku leikmennirnir taka alltaf vel undir í þjóðsöngnum.getty/Valerio Pennicino Ítalía og Austurríki mættust reglulega framan af síðustu öld en lengra hefur liðið á milli leikja liðanna undanfarna áratugi. Þau mættust síðast í vináttulandsleik í ágúst 2008 þar sem þau gerðu 2-2 jafntefli. Síðasti leikur Ítalíu og Austurríki á stórmóti var í riðlakeppninni á HM í Frakklandi 1998. Ítalir unnu 2-1 sigur með mörkum Christians Vieri og Robertos Baggio. Andreas Herzog skoraði mark Austurríkismanna. Ítalía og Austurríki mættust einnig í upphafsleik HM 1990 á Ólympíuleikvanginum í Róm. Salvatore Schillaci skoraði eina mark leiksins á 78. mínútu, fjórum mínútum eftir að hann kom inn á sem varamaður. Þetta var byrjunin á miklu ævintýri hjá Schillaci á HM. Sikileyingurinn skoraði fimm mörk til viðbótar á mótinu og var valinn besti leikmaður þess. Mancini var í HM-hópi Ítalíu 1990 en spilaði ekki mínútu á mótinu. Raunar var landsliðsferill hans frekar ómerkilegur fyrir jafn góðan leikmann og hann var. Mancini hefur hins vegar gert frábæra hluti með ítalska landsliðið síðan hann tók við því eftir það komst ekki á HM 2018. Mancini hefur stýrt Ítalíu í 35 leikjum; 26 þeirra hafa unnist, sjö endað með jafntefli og aðrir tveir tapast. Markatalan er 86-14. Mancini er ekki hættur og dreymir um að komast í hóp með Vittorio Pozzo, Ferrucio Valcareggi, Enzo Bearzot og Marcelo Lippi sem hafa stýrt Ítalíu til sigurs á stórmóti. Ítalía er miklu sigurstranglegri en Austurríki fyrir leikinn í kvöld. Ef ítalska liðið vinnur bíður þess afar svo erfiður leikur gegn Portúgal eða Belgíu í átta liða úrslitunum. Leikur Danmerkur og Wales hefst klukkan 16:00 og leikur Ítalíu og Austurríkis 19:00. Þeir verða báðir sýndir beint á Stöð 2 Sport EM. Upphitun hefst hálftíma fyrir leikina og síðan verður farið yfir þá í EM í dag sem hefst að venju klukkan 21:00. EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990. EM 2020 í fótbolta Mest lesið Hefur fest rætur á Íslandi eftir örlagaríkt símtal Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Gamli Íslandsvinurinn kraftaverkamaður í Mainz Fótbolti Klopp: Ulla konan mín mun segja mér hvað við erum að fara að gera Enski boltinn Meistararnir úr leik eftir stærstu endurkomu sögunnar Körfubolti Endurkoma í lagi hjá BKG og elleftu heimsleikarnir í röð Sport Í beinni: Vestri-Víkingur | Nýliðarnir taka á móti meisturunum Íslenski boltinn Guardiola um framtíðina: Nær því að hætta en vera áfram Enski boltinn Kvaddi stuðningsmennina og kenndi þeim lag um nýja stjórann Fótbolti Mark Quansah fyrir Liverpool bætti markametið Enski boltinn Fleiri fréttir Dagný framlengir samning sinn við West Ham Hildur, María og Lára urðu að sætta sig við silfur í bikarúrslitaleiknum Fékk rautt spjald fyrir brot á Sveindísi sem fór meidd af velli Draumainnkoma Sævars Atla breytti leiknum Í beinni: Vestri-Víkingur | Nýliðarnir taka á móti meisturunum Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Besiktas segist vera að ræða við Mourinho „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Hefur fest rætur á Íslandi eftir örlagaríkt símtal „Við erum búnir að skrifa okkur í sögubækurnar“ Kristján Guðmundsson: Aldrei brot og mjög slök frammistaða hjá dómurum leiksins Hákon skoraði en Lille er á leið í umspil Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Manchester City Englandsmeistari fjórða árið í röð United skemmdi kveðjupartý De Zerbi Skytturnar gerðu sitt en horfa samt á eftir titlinum Klopp kvaddi með sigri Ísak lagði upp mark í fyrsta byrjunarliðsleiknum Missti af rauðvínsglasi með Sir Alex Sjá meira
Leið Ítala og Dana í útsláttarkeppnina var ansi ólík. Ítalía vann alla þrjá leiki sína í A-riðli án þess að fá á sig mark á meðan Danmörk tapaði fyrstu tveimur leikjum sínum í B-riðli en komst áfram eftir að hafa unnið Rússland, 4-1, í lokaumferð riðlakeppninnar. Danir hafa eignast margar aðdáendur síðan EM hófst og margir vilja sjá þeim ganga vel eftir það sem kom fyrir Christian Eriksen. Danmörk mætir Wales í fyrsta leik sextán liða úrslitanna á Johan Cruyff leikvanginum í Amsterdam klukkan 16:00 í dag. Walesverjar lentu í 2. sæti A-riðils með fjögur stig. Wales gerði jafntefli við Sviss, vann Tyrkland en tapaði fyrir Ítalíu. Walesverjar komu mjög á óvart á síðasta Evrópumóti og komust þá alla leið í undanúrslit. En núna vilja aðrir en stuðningsmenn velska liðsins helst ekki sjá það fara áfram úr sextán liða úrslitunum. „Þetta verður mjög erfitt en vonandi náum við að vinna. Ég held að 99 prósent heimsins munu halda með Dönum í þessum leik,“ sagði Connor Roberts, leikmaður Wales, fyrir leikinn gegn Danmörku. Í seinni leik dagsins, klukkan 19:00, mætast Ítalía og Austurríki á Wembley í London. Austurríkismenn enduðu í 2. sæti C-riðils með sex stig. Þeir unnu Norður-Makedóníumenn og Úkraínumenn en töpuðu fyrir Hollendingum. Ítalía þykir líklegt til afreka í útsláttarkeppninni á EM og ekki að ástæðulausu. Ítalska liðið hefur unnið tíu leiki í röð án þess að fá á mark og hefur ekki tapað síðan 10. september 2018. Ítalía tapaði þá fyrir Portúgal í Þjóðadeildinni, 1-0. Frá þeirri viðureign hefur Ítalía leikið 29 leiki, unnið 24 og gert fimm jafntefli. Ítalska liðið hefur ekki bara fengið hrós fyrir frábæran árangur heldur einnig góða spilamennsku. Undir stjórn Robertos Mancini vilja Ítalir halda boltanum, pressa framarlega og taka frumkvæðið í leikjum. Ítölsku leikmennirnir taka alltaf vel undir í þjóðsöngnum.getty/Valerio Pennicino Ítalía og Austurríki mættust reglulega framan af síðustu öld en lengra hefur liðið á milli leikja liðanna undanfarna áratugi. Þau mættust síðast í vináttulandsleik í ágúst 2008 þar sem þau gerðu 2-2 jafntefli. Síðasti leikur Ítalíu og Austurríki á stórmóti var í riðlakeppninni á HM í Frakklandi 1998. Ítalir unnu 2-1 sigur með mörkum Christians Vieri og Robertos Baggio. Andreas Herzog skoraði mark Austurríkismanna. Ítalía og Austurríki mættust einnig í upphafsleik HM 1990 á Ólympíuleikvanginum í Róm. Salvatore Schillaci skoraði eina mark leiksins á 78. mínútu, fjórum mínútum eftir að hann kom inn á sem varamaður. Þetta var byrjunin á miklu ævintýri hjá Schillaci á HM. Sikileyingurinn skoraði fimm mörk til viðbótar á mótinu og var valinn besti leikmaður þess. Mancini var í HM-hópi Ítalíu 1990 en spilaði ekki mínútu á mótinu. Raunar var landsliðsferill hans frekar ómerkilegur fyrir jafn góðan leikmann og hann var. Mancini hefur hins vegar gert frábæra hluti með ítalska landsliðið síðan hann tók við því eftir það komst ekki á HM 2018. Mancini hefur stýrt Ítalíu í 35 leikjum; 26 þeirra hafa unnist, sjö endað með jafntefli og aðrir tveir tapast. Markatalan er 86-14. Mancini er ekki hættur og dreymir um að komast í hóp með Vittorio Pozzo, Ferrucio Valcareggi, Enzo Bearzot og Marcelo Lippi sem hafa stýrt Ítalíu til sigurs á stórmóti. Ítalía er miklu sigurstranglegri en Austurríki fyrir leikinn í kvöld. Ef ítalska liðið vinnur bíður þess afar svo erfiður leikur gegn Portúgal eða Belgíu í átta liða úrslitunum. Leikur Danmerkur og Wales hefst klukkan 16:00 og leikur Ítalíu og Austurríkis 19:00. Þeir verða báðir sýndir beint á Stöð 2 Sport EM. Upphitun hefst hálftíma fyrir leikina og síðan verður farið yfir þá í EM í dag sem hefst að venju klukkan 21:00. EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990.
EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 er einnig hægt að kaupa stakt á lækkuðu verði frá og með 24. júní á kr. 3.990.
EM 2020 í fótbolta Mest lesið Hefur fest rætur á Íslandi eftir örlagaríkt símtal Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Gamli Íslandsvinurinn kraftaverkamaður í Mainz Fótbolti Klopp: Ulla konan mín mun segja mér hvað við erum að fara að gera Enski boltinn Meistararnir úr leik eftir stærstu endurkomu sögunnar Körfubolti Endurkoma í lagi hjá BKG og elleftu heimsleikarnir í röð Sport Í beinni: Vestri-Víkingur | Nýliðarnir taka á móti meisturunum Íslenski boltinn Guardiola um framtíðina: Nær því að hætta en vera áfram Enski boltinn Kvaddi stuðningsmennina og kenndi þeim lag um nýja stjórann Fótbolti Mark Quansah fyrir Liverpool bætti markametið Enski boltinn Fleiri fréttir Dagný framlengir samning sinn við West Ham Hildur, María og Lára urðu að sætta sig við silfur í bikarúrslitaleiknum Fékk rautt spjald fyrir brot á Sveindísi sem fór meidd af velli Draumainnkoma Sævars Atla breytti leiknum Í beinni: Vestri-Víkingur | Nýliðarnir taka á móti meisturunum Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Besiktas segist vera að ræða við Mourinho „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Hefur fest rætur á Íslandi eftir örlagaríkt símtal „Við erum búnir að skrifa okkur í sögubækurnar“ Kristján Guðmundsson: Aldrei brot og mjög slök frammistaða hjá dómurum leiksins Hákon skoraði en Lille er á leið í umspil Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Manchester City Englandsmeistari fjórða árið í röð United skemmdi kveðjupartý De Zerbi Skytturnar gerðu sitt en horfa samt á eftir titlinum Klopp kvaddi með sigri Ísak lagði upp mark í fyrsta byrjunarliðsleiknum Missti af rauðvínsglasi með Sir Alex Sjá meira