Innlent

Einn greindist með kórónu­veiruna í gær

Atli Ísleifsson skrifar
12.888 eru nú fullbólusettir hér á landi og er bólusetning hafin hjá 21.283 til viðbótar.
12.888 eru nú fullbólusettir hér á landi og er bólusetning hafin hjá 21.283 til viðbótar. Vísir/Vilhelm

Einn greindist með kórónu­veiruna í gær. Sá sem greindist var í sóttkví. Þá greindust þrír á landamærunum, allir í seinni landamæraskimun.

Þetta kemur fram í uppfærðum tölum á síðunni covid.is. Þrjátíu eru nú í einangrun, en voru 27 í gær. 24 eru nú í sóttkví, en voru 52 í gær. 830 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 2,2, en var 1,9 í gær. Nýgengi landamærasmita er nú 6,3 líkt og í gær.

Þórólfur Guðnason sóttvarnalæknir segir í samtali við fréttastofu að sá sem greindist í gær tengist hópsmitinu sem upp kom um síðustu helgi.

6.087 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

12.888 eru nú fullbólusettir hér á landi og er bólusetning hafin hjá 21.283 til viðbótar.

Alls voru tekin 735 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 128 sýni tekin á landamærunum eða í seinni landamæraskimun. 31 sýni var tekið í svokallaðri sóttkvíar- og handahófsskimun.

Fréttin hefur verið uppfærð.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið