Kom steininum upp á fjallið með bakið upp við vegg Kolbeinn Tumi Daðason skrifar 12. mars 2021 10:22 Guðmundur Kjartansson er nýr stórmeistari í skák, sá fimmtándi í röðinni. Hann vann seiglusigur á Hjörvari Steini Grétarssyni í undanúrslitum Íslandsbikarsins í gær og tryggði sér oddaskák í dag. Vísir/Vilhelm Guðmundur Kjartansson er fimmtándi stórmeistari Íslands í skák eftir dramatískan sigur á Hjörvari Steini Grétarssyni í undanúrslitum Íslandsbikarsins í gær. Guðmundur var með bakið upp við vegg eftir tap í fyrstu skákinni. Tap hefði enn fremur þýtt að biðin eftir stórmeistaratign, sem þegar var orðin mjög löng, hefði færst aftur úr seilingarfjarlægð. Bestu skákmenn Íslands bítast um farseðilinn á heimsbikarmótið í skák. Undanúrslitin fara fram þessa dagana og oddaskák fram undan í báðum einvígum. Helgi Áss Grétarsson hristi af sér svekkjandi yfirsjón gegn Hannesi Hlífari Stefánssyni á miðvikudaginn og vann seiglusigur í húsakynnum Landsbankans í Austurstræti í gær. „Sá lærir sem lifir“ Skáksérfræðingar um allan heim hafa velt fyrir sér yfirsjón Helga Áss og um leið Hannesar Hlífars á miðvikudaginn sem fjallað var um á Vísi í gær. Báðir eru reyndir stórmeistarar sem ekki eru þekktir fyrir að gera mistök sem sumir myndu kenna við byrjendur. Hannes lék af sér og gaf Helga færi á að máta sig í tveimur leikjum. Helgi missti af tækifærinu og tapaði skákinni. Björn Þorfinnsson, alþjóðlegur meistari í skák, tjáði Vísi í gær að svefnlausir mánuðir væru væntanlega fram undan hjá Helga eftir klúðrið. „Hvað get ég sagt? Engar málsbætur hef ég. Fyrir öllum svona yfirsjónum eru rökréttar ástæður. Aðalatriðið er samt að skák er skemmtileg og sá lærir sem lifir,“ sagði Helgi Áss í ummælum í hópnum Íslenskir skákmenn í gær. Óhætt er að segja að hann hafi lært og troðið sokki upp í margan sérfræðinginn með kænsku sinni í gær. Helgi Áss virðist hafa sofið ágætlega þrátt fyrir mistökin á miðvikudaginn miðað við frammistöðu hans í gær.Vísir/Vilhelm Á heimasíðu Skáksambandsins kemur fram að Helgi hafi byrjað af krafti og komið sér í stöðu til að tryggja sér sigur. Hann hafi í tímahraki tapað góðri stöðu og skákin lengi vel stefnt í jafntefli sem hefði tryggt Hannesi sæti í úrslitum. Hannes hafi hins vegar misst þráðinn og Helgi náð að snúa á hann og tryggja sér sigur. Hannes Hlífar var með hvítt í gær og dugði jafntefli til að tryggja sér sæti í úrslitaeinvíginu. Fram undan er oddaskák gegn Helga Áss í dag.Vísir/Vilhelm Björn Þorfinnsson hafði orð á því við Vísi í gær að enginn skildi afskrifa Helga enda einstakur keppnismaður. Það kom á daginn. Nýtti sér ónákvæmni Hjörvars Steins Í hinni skákinni mættust Hjörvar Steinn, stigahæsti skákmaður Íslands um þessar mundir, og Guðmundur sem fyrir daginn í gær var sá eini þeirra sem eftir standa án stórmeistaratignar. Eitthvað sem hann hefur elst við lengi. „Guðmundur hefur nú í næstum því áratug reynt að verða stórmeistari. Hann hefur lagt sig allan í þetta,“ sagði Björn við Vísi í gær. Pressan væri mikil á Guðmundi og líklega of mikil enda vann Hjörvar sannfærandi sigur í fyrstu skákinni. Sýsífos á leið upp fjallið með steininn.Wikimedia Commons Líkti hann Guðmundi við konunginn Sísýfos í grískri goðafræði. Sá var best þekktur fyrir að hafa verið refsað af Seifi með því að vera neyddur til að rúlla risastórum steini upp hæð sem myndi svo ætíð rúlla aftur niður á byrjunarreit í hvert sinn sem steinninn væri næstum kominn á toppinn. 11. mars mun seint gleymast ef og þegar ævisaga Guðmundar verður rituð. Eftir slysalega byrjun, þar sem hann tapaði peði snemma, náði Guðmundur að nýta sér ónákvæmni Hjörvars og tryggja sér sigur. Í hönd fóru miklar pælingar innan skáksamfélagsins hvort sigurinn hefði í raun tryggt Guðmundi tignina langþráðu. Inn í spilaði óvænt jafntefli gegn lakari spilara á móti á dögunum, móti sem er ekki lokið, og nýlegir sigrar á Margeiri Péturssyni. Sömuleiðis hvort Guðmundur gæti orðið af stórmeistaratign ef hann myndi tapa þriðju skákinni gegn Hjörvari sem fram undan er í gær. Guðmundur þungt hugsi í gær. Hjörvar Steinn klórar sér í skegginu.Vísir/Vilhelm Gunnar Björnsson, formaður Skáksambandsins, tók af allan vafa í gærkvöldi og nýtti hástafina þegar hann lýsti yfir í Facebook-hópnum Íslenskir skákmenn: „GUÐMUNDUR KJARTANSSON ER FIMMTÁNDI STÓRMEISTARI ÍSLANDS“ Úrslitin ráðast síðdegis Fram undan eru úrslitaskákir í einvígunum klukkan 17 í dag. Fyrst eru tefldar tvær atskákir (25+10). Verði jafnt verða tefldar aðrar tvær atskákir en þó með styttri umhugsunartíma (10+10). Verði enn jafnt verða tefldar tvær hraðskákir (5+3). Verði enn jafnt verður tefld bráðabanaskák þar sem svörtum dugar jafntefli. Hvítur fær 5 mínútur en svartur fær 4 mínútur. Viðbótartími, 2 sekúndur bætast við eftir á hvern leik eftir 60 leiki. Úrslitaeinvígið hefst svo á morgun en þar mætast sigurvegarar í skákunum síðdegis í dag. Skák Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira
Bestu skákmenn Íslands bítast um farseðilinn á heimsbikarmótið í skák. Undanúrslitin fara fram þessa dagana og oddaskák fram undan í báðum einvígum. Helgi Áss Grétarsson hristi af sér svekkjandi yfirsjón gegn Hannesi Hlífari Stefánssyni á miðvikudaginn og vann seiglusigur í húsakynnum Landsbankans í Austurstræti í gær. „Sá lærir sem lifir“ Skáksérfræðingar um allan heim hafa velt fyrir sér yfirsjón Helga Áss og um leið Hannesar Hlífars á miðvikudaginn sem fjallað var um á Vísi í gær. Báðir eru reyndir stórmeistarar sem ekki eru þekktir fyrir að gera mistök sem sumir myndu kenna við byrjendur. Hannes lék af sér og gaf Helga færi á að máta sig í tveimur leikjum. Helgi missti af tækifærinu og tapaði skákinni. Björn Þorfinnsson, alþjóðlegur meistari í skák, tjáði Vísi í gær að svefnlausir mánuðir væru væntanlega fram undan hjá Helga eftir klúðrið. „Hvað get ég sagt? Engar málsbætur hef ég. Fyrir öllum svona yfirsjónum eru rökréttar ástæður. Aðalatriðið er samt að skák er skemmtileg og sá lærir sem lifir,“ sagði Helgi Áss í ummælum í hópnum Íslenskir skákmenn í gær. Óhætt er að segja að hann hafi lært og troðið sokki upp í margan sérfræðinginn með kænsku sinni í gær. Helgi Áss virðist hafa sofið ágætlega þrátt fyrir mistökin á miðvikudaginn miðað við frammistöðu hans í gær.Vísir/Vilhelm Á heimasíðu Skáksambandsins kemur fram að Helgi hafi byrjað af krafti og komið sér í stöðu til að tryggja sér sigur. Hann hafi í tímahraki tapað góðri stöðu og skákin lengi vel stefnt í jafntefli sem hefði tryggt Hannesi sæti í úrslitum. Hannes hafi hins vegar misst þráðinn og Helgi náð að snúa á hann og tryggja sér sigur. Hannes Hlífar var með hvítt í gær og dugði jafntefli til að tryggja sér sæti í úrslitaeinvíginu. Fram undan er oddaskák gegn Helga Áss í dag.Vísir/Vilhelm Björn Þorfinnsson hafði orð á því við Vísi í gær að enginn skildi afskrifa Helga enda einstakur keppnismaður. Það kom á daginn. Nýtti sér ónákvæmni Hjörvars Steins Í hinni skákinni mættust Hjörvar Steinn, stigahæsti skákmaður Íslands um þessar mundir, og Guðmundur sem fyrir daginn í gær var sá eini þeirra sem eftir standa án stórmeistaratignar. Eitthvað sem hann hefur elst við lengi. „Guðmundur hefur nú í næstum því áratug reynt að verða stórmeistari. Hann hefur lagt sig allan í þetta,“ sagði Björn við Vísi í gær. Pressan væri mikil á Guðmundi og líklega of mikil enda vann Hjörvar sannfærandi sigur í fyrstu skákinni. Sýsífos á leið upp fjallið með steininn.Wikimedia Commons Líkti hann Guðmundi við konunginn Sísýfos í grískri goðafræði. Sá var best þekktur fyrir að hafa verið refsað af Seifi með því að vera neyddur til að rúlla risastórum steini upp hæð sem myndi svo ætíð rúlla aftur niður á byrjunarreit í hvert sinn sem steinninn væri næstum kominn á toppinn. 11. mars mun seint gleymast ef og þegar ævisaga Guðmundar verður rituð. Eftir slysalega byrjun, þar sem hann tapaði peði snemma, náði Guðmundur að nýta sér ónákvæmni Hjörvars og tryggja sér sigur. Í hönd fóru miklar pælingar innan skáksamfélagsins hvort sigurinn hefði í raun tryggt Guðmundi tignina langþráðu. Inn í spilaði óvænt jafntefli gegn lakari spilara á móti á dögunum, móti sem er ekki lokið, og nýlegir sigrar á Margeiri Péturssyni. Sömuleiðis hvort Guðmundur gæti orðið af stórmeistaratign ef hann myndi tapa þriðju skákinni gegn Hjörvari sem fram undan er í gær. Guðmundur þungt hugsi í gær. Hjörvar Steinn klórar sér í skegginu.Vísir/Vilhelm Gunnar Björnsson, formaður Skáksambandsins, tók af allan vafa í gærkvöldi og nýtti hástafina þegar hann lýsti yfir í Facebook-hópnum Íslenskir skákmenn: „GUÐMUNDUR KJARTANSSON ER FIMMTÁNDI STÓRMEISTARI ÍSLANDS“ Úrslitin ráðast síðdegis Fram undan eru úrslitaskákir í einvígunum klukkan 17 í dag. Fyrst eru tefldar tvær atskákir (25+10). Verði jafnt verða tefldar aðrar tvær atskákir en þó með styttri umhugsunartíma (10+10). Verði enn jafnt verða tefldar tvær hraðskákir (5+3). Verði enn jafnt verður tefld bráðabanaskák þar sem svörtum dugar jafntefli. Hvítur fær 5 mínútur en svartur fær 4 mínútur. Viðbótartími, 2 sekúndur bætast við eftir á hvern leik eftir 60 leiki. Úrslitaeinvígið hefst svo á morgun en þar mætast sigurvegarar í skákunum síðdegis í dag.
Skák Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira