Beina sjónum sínum að Fóðurblöndunni vegna tíðrar ólyktar í Laugarneshverfi og nágrenni Atli Ísleifsson skrifar 18. desember 2020 14:30 Nokkur umræða hefur skapast meðal íbúa í Laugarneshverfi um óþefinn sem virðist leggjast sífellt oftar og sterkar yfir hverfið. Hefur sú umræða myndast bæði í íbúagrúppum á netinu og víðar. Vísir/Vilhelm/Hjalti Heilbrigðiseftirlit Reykjavíkurborgar hefur krafist þess að Fóðurblandan, sem staðsett er í Korngörðum í Reykjavík, grípi til aðgerða til að koma megi í veg fyrir að óþef leggi yfir nálæga byggð. Tilkynningum til borgaryfirvalda um vonda lykt á svæðinu hefur fjölgað mikið síðan haust. Forstjóri Fóðurblöndunnar segir enga breytingu hafa orðið í starfseminni sem skýri fjölgunina og kveðst vona að heilbrigðiseftirlitið sé í málinu ekki að hengja bakara fyrir smið. Nokkur umræða hefur skapast meðal íbúa í Laugarneshverfi um óþefinn sem virðist leggjast sífellt oftar og sterkar yfir hverfið. Hefur sú umræða myndast bæði í íbúagrúppum á netinu og víðar. Rósa Magnúsdóttir, deildarstjóri umhverfiseftirlits hjá Heilbrigðiseftirliti Reykjavíkur, staðfestir að kvartanir hafi borist eftirlitinu vegna málsins. „Það hafa borist sérstaklega margar kvartanir síðan í september. Við höfum verið í samskiptum við umrætt fyrirtæki, gert kröfur um úrbætur og veitt þeim frest til 17. desember [í gær] til að skila inn aðgerðaáætlun um hvernig megi ráða bót á þessu. Boltinn er því hjá þeim sem stendur,“ sagði Rósa við Vísi fyrr í vikunni. Húsakynni Fóðurblöndunnar við Korngarða.Vísir/Vilhelm Rósa segir Heilbrigðiseftirlit Reykjavíkur fara eftir stjórnsýslulögum og nýta þau tæki sem í boði eru. Málið sé í vinnslu. „Kvartanir vegna þessa hafa komið upp áður, en núna í vetur, frá í haust, hafa þær bæði verið fleiri og tíðari.“ Hún segir að Heilbrigðiseftirlitið telji staðfest að lyktarmengunin sem um ræðir berist frá Fóðurblöndunni og hefur því ekki verið í samskiptum eða gert kröfur á önnur fyrirtæki á svæðinu. Vonar að Fóðurblandan beri ekki ein ábyrgð Eyjólfur Sigurðsson, forstjóri Fóðurblöndunnar, staðfestir að Heilbrigðiseftirlit Reykjavíkur hafi sent fyrirtækinu bréf þar sem gerðar eru athugasemdir við lyktarmengun frá starfseminni. Hann segir fyrirtækið ekki víkja undan ábyrgð í þeim efnum, en bendir á að fóðurframleiðslu fylgir vissulega fóðurlykt. Forstjóri Fóðurblöndunnar segir að sambúð við nágranna og nálæga starfsemi hafi alla tíð gengið með ágætum enda þótt starfsemi af þessu tagi orki að sjálfsögðu tvímælis eftir því sem byggðin í kring þéttist.Vísir/Vilhelm Hann segir að af einhverjum ástæðum hafi kvörtunum fjölgað verulega á síðustu mánuðum. „Ég kann enga skýringu á því nema ef vera skyldi að þessi lyktarmengun geti verið frá annarri starfsemi í nágrenni við okkur. Við vonum að minnsta kosti að við berum ekki einir ábyrgð á þessum vanda enda hefur ekkert breyst í starfsemi okkar síðustu mánuðina.“ Vonar að Heilbrigðiseftirlitið hengi ekki bakara fyrir smið Eyjólfur segir það væntanlega vera heilbrigðiseftirlitsins að finna það út úr því af hverju málið komi upp einmitt núna. „Heilbrigðiseftirlitið verður að minnsta kosti að leita af sér allan grun annars staðar svo að það hengi ekki bakara fyrir smið. Það hefur engin eðlisbreyting orðið á starfsemi okkar og allur búnaður okkar, meðal annars loftræstikerfi, virkar eins og best verður á kosið.“ Laugarnesskóli og nágrenni.Vísir/Vilhelm Hann segist ekki vilja svara því á þessari stundu hvað komi fram í aðgerðaáætlun fyrirtækisins sem send verði Heilbrigðiseftirlitinu. Rétt sé að kynna áætlunina fyrir Heilbrigðiseftirlitinu fyrst. Starfsemi sem orkar tvímælis Eyjólfur segir að sambúð Fóðurblöndunnar við nágranna og nálæga starfsemi hafi alla tíð gengið með ágætum enda þótt starfsemi af þessu tagi orki að sjálfsögðu tvímælis eftir því sem byggðin í kring þéttist. „Við gerum okkar besta á hverjum einasta degi til þess að halda lyktarmengun í lágmarki og reynum meðal annars að laga framleiðsluna að vindáttum og ýmsu öðru. Það eitt og sér hefur auðvitað ákveðna óhagræðingu í för með sér. Til lengri framtíðar eru þeir tveir meginkostir í stöðunni. Að byggja hér nýja verksmiðju með mun betri loftræstibúnaði eða einfaldlega fara með starfsemina út fyrir höfuðborgarsvæðið. Við höfum með hléum átt að eigin frumkvæði í samningaviðræðum við Faxaflóahafnir um að þær kaupi eignir okkar á svæðinu þannig að við getum flutt starfsemina annað. Væntanlega yrði það farsælasta lausnin.“ Fóðurframleiðslu fylgir fóðurlykt.Getty Verðmætar lóðir á hafnarsvæðinu Eyjólfur bætir við að viðbrögð Faxaflóahafna við þessum umleitunum Fóðurblöndunnar hafi verið góð, endi hafa fyrirtækið og Faxaflóahafnir alla tíð átt í góðum samskiptum. „Starfsemi okkar hefur auðvitað skapað þeim góðar tekjur á undanförnum áratugum en það er mikil eftirspurn eftir lóðum nálægt höfninni og öllum ljóst að ef við færum annað myndi ný starfsemi byggjast hratt upp í staðinn. Samtal okkar er í ágætum farvegi en það er svo sem enginn að flýta sér mikið við þær aðstæður sem eru uppi í samfélaginu um þessar mundir,“ segir Eyjólfur Sigurðsson, forstjóri Fóðurblöndunnar. Reykjavík Umhverfismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „ÁTVR dugar“ Innlent Þakkar kappræðunum fylgisaukninguna Innlent Gul viðvörun: Fyrsta trampólínið þegar fokið Veður Enginn málefnalegur ágreiningur skýri brotthvarf bæjarstjóra Innlent Neyðarlínan lýsir eftir börnum sem komu færandi hendi Innlent Ákærður fyrir að nauðga barnungri hálfsystur sinni Innlent „Þetta setti af stað dómínó-áhrif út um allan heim“ Erlent Forsetavaktin 2024: Hver verður sjöundi forseti lýðveldisins? Innlent Kostnaður vegna uppkaupa fjórtán milljörðum meiri en áætlað var Innlent Segir yfirlýsingar um að FBI hafi mátt skjóta Trump stórhættulegar Erlent Fleiri fréttir Björgólfur lýkur hópmálsókn með milljarðasátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Þakkar kappræðunum fylgisaukninguna Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Sjá meira
Nokkur umræða hefur skapast meðal íbúa í Laugarneshverfi um óþefinn sem virðist leggjast sífellt oftar og sterkar yfir hverfið. Hefur sú umræða myndast bæði í íbúagrúppum á netinu og víðar. Rósa Magnúsdóttir, deildarstjóri umhverfiseftirlits hjá Heilbrigðiseftirliti Reykjavíkur, staðfestir að kvartanir hafi borist eftirlitinu vegna málsins. „Það hafa borist sérstaklega margar kvartanir síðan í september. Við höfum verið í samskiptum við umrætt fyrirtæki, gert kröfur um úrbætur og veitt þeim frest til 17. desember [í gær] til að skila inn aðgerðaáætlun um hvernig megi ráða bót á þessu. Boltinn er því hjá þeim sem stendur,“ sagði Rósa við Vísi fyrr í vikunni. Húsakynni Fóðurblöndunnar við Korngarða.Vísir/Vilhelm Rósa segir Heilbrigðiseftirlit Reykjavíkur fara eftir stjórnsýslulögum og nýta þau tæki sem í boði eru. Málið sé í vinnslu. „Kvartanir vegna þessa hafa komið upp áður, en núna í vetur, frá í haust, hafa þær bæði verið fleiri og tíðari.“ Hún segir að Heilbrigðiseftirlitið telji staðfest að lyktarmengunin sem um ræðir berist frá Fóðurblöndunni og hefur því ekki verið í samskiptum eða gert kröfur á önnur fyrirtæki á svæðinu. Vonar að Fóðurblandan beri ekki ein ábyrgð Eyjólfur Sigurðsson, forstjóri Fóðurblöndunnar, staðfestir að Heilbrigðiseftirlit Reykjavíkur hafi sent fyrirtækinu bréf þar sem gerðar eru athugasemdir við lyktarmengun frá starfseminni. Hann segir fyrirtækið ekki víkja undan ábyrgð í þeim efnum, en bendir á að fóðurframleiðslu fylgir vissulega fóðurlykt. Forstjóri Fóðurblöndunnar segir að sambúð við nágranna og nálæga starfsemi hafi alla tíð gengið með ágætum enda þótt starfsemi af þessu tagi orki að sjálfsögðu tvímælis eftir því sem byggðin í kring þéttist.Vísir/Vilhelm Hann segir að af einhverjum ástæðum hafi kvörtunum fjölgað verulega á síðustu mánuðum. „Ég kann enga skýringu á því nema ef vera skyldi að þessi lyktarmengun geti verið frá annarri starfsemi í nágrenni við okkur. Við vonum að minnsta kosti að við berum ekki einir ábyrgð á þessum vanda enda hefur ekkert breyst í starfsemi okkar síðustu mánuðina.“ Vonar að Heilbrigðiseftirlitið hengi ekki bakara fyrir smið Eyjólfur segir það væntanlega vera heilbrigðiseftirlitsins að finna það út úr því af hverju málið komi upp einmitt núna. „Heilbrigðiseftirlitið verður að minnsta kosti að leita af sér allan grun annars staðar svo að það hengi ekki bakara fyrir smið. Það hefur engin eðlisbreyting orðið á starfsemi okkar og allur búnaður okkar, meðal annars loftræstikerfi, virkar eins og best verður á kosið.“ Laugarnesskóli og nágrenni.Vísir/Vilhelm Hann segist ekki vilja svara því á þessari stundu hvað komi fram í aðgerðaáætlun fyrirtækisins sem send verði Heilbrigðiseftirlitinu. Rétt sé að kynna áætlunina fyrir Heilbrigðiseftirlitinu fyrst. Starfsemi sem orkar tvímælis Eyjólfur segir að sambúð Fóðurblöndunnar við nágranna og nálæga starfsemi hafi alla tíð gengið með ágætum enda þótt starfsemi af þessu tagi orki að sjálfsögðu tvímælis eftir því sem byggðin í kring þéttist. „Við gerum okkar besta á hverjum einasta degi til þess að halda lyktarmengun í lágmarki og reynum meðal annars að laga framleiðsluna að vindáttum og ýmsu öðru. Það eitt og sér hefur auðvitað ákveðna óhagræðingu í för með sér. Til lengri framtíðar eru þeir tveir meginkostir í stöðunni. Að byggja hér nýja verksmiðju með mun betri loftræstibúnaði eða einfaldlega fara með starfsemina út fyrir höfuðborgarsvæðið. Við höfum með hléum átt að eigin frumkvæði í samningaviðræðum við Faxaflóahafnir um að þær kaupi eignir okkar á svæðinu þannig að við getum flutt starfsemina annað. Væntanlega yrði það farsælasta lausnin.“ Fóðurframleiðslu fylgir fóðurlykt.Getty Verðmætar lóðir á hafnarsvæðinu Eyjólfur bætir við að viðbrögð Faxaflóahafna við þessum umleitunum Fóðurblöndunnar hafi verið góð, endi hafa fyrirtækið og Faxaflóahafnir alla tíð átt í góðum samskiptum. „Starfsemi okkar hefur auðvitað skapað þeim góðar tekjur á undanförnum áratugum en það er mikil eftirspurn eftir lóðum nálægt höfninni og öllum ljóst að ef við færum annað myndi ný starfsemi byggjast hratt upp í staðinn. Samtal okkar er í ágætum farvegi en það er svo sem enginn að flýta sér mikið við þær aðstæður sem eru uppi í samfélaginu um þessar mundir,“ segir Eyjólfur Sigurðsson, forstjóri Fóðurblöndunnar.
Reykjavík Umhverfismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „ÁTVR dugar“ Innlent Þakkar kappræðunum fylgisaukninguna Innlent Gul viðvörun: Fyrsta trampólínið þegar fokið Veður Enginn málefnalegur ágreiningur skýri brotthvarf bæjarstjóra Innlent Neyðarlínan lýsir eftir börnum sem komu færandi hendi Innlent Ákærður fyrir að nauðga barnungri hálfsystur sinni Innlent „Þetta setti af stað dómínó-áhrif út um allan heim“ Erlent Forsetavaktin 2024: Hver verður sjöundi forseti lýðveldisins? Innlent Kostnaður vegna uppkaupa fjórtán milljörðum meiri en áætlað var Innlent Segir yfirlýsingar um að FBI hafi mátt skjóta Trump stórhættulegar Erlent Fleiri fréttir Björgólfur lýkur hópmálsókn með milljarðasátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Þakkar kappræðunum fylgisaukninguna Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Sjá meira