Segist hafa látið Vegagerðina vita af bikblæðingunum strax á sunnudag Kristín Ólafsdóttir og Margrét Helga Erlingsdóttir skrifa 15. desember 2020 12:23 Bik sem hlaðist hefur utan á bíl frá vörubílastöðinni Þrótti í Reykjavík. Þróttur Framkvæmdastjóri flutningafyrirtækisins Vörumiðlunar á Sauðárkróki segist hafa varað Vegagerðina við miklum bikblæðingum á vegkafla frá Borgarfirði norður í Skagafjörð strax á sunnudag en ástandið var þó enn mjög slæmt í gærkvöldi. Vegagerðin kveðst hafa varað við blæðingunum um leið og ábendingar bárust. Bílstjórar á flutningabílum á Norðurlandi lýstu í gær gríðarlegum blæðingum á vegum. Vegklæðning hafi hlaðist utan á dekk og valdið miklu tjóni. Magnús E. Svavarsson framkvæmdastjóri Vörumiðlunar segir í samtali við fréttastofu að flutningabílar á hans vegum hafi ekið umrædda vegkafla um helgina. Hann segir ástandið sem myndast á vegunum við þessar aðstæður skelfilegt. „Auðvitað er veðrið sem spilar inn í þetta en það er skelfilegt að þetta bindiefni í þessu skuli valda þessu, því þetta er að gerast aftur og aftur, ekki náttúrulega svona mikið nema fyrir sjö árum. Þá gerðist þetta, þá var það hrikalega mikið en þetta er ekki betra. Þetta hleðst utan um dekkin, spýtist yfir brettin, brýtur bretti og ljós og svo er þetta hættulegt gagnvart öðrum í umferðinni,“ segir Magnús. Í það minnsta fjórtán bílar á vegum Vörumiðlunar urðu fyrir tjóni af völdum vegblæðinganna. „Við erum að tala um hundruð þúsunda á bíl, þannig að þetta hleypur á milljónum. Það eru framrúðubrot, ljósbrot, það eru bretti brotin, það eru skemmdar raflagnir og svo öll þessi þrif sem eru alveg svakaleg,“ segir Magnús. Þá kveðst hann hafa séð í hvað stefndi um helgina og tilkynnt þá um málið til Vegagerðarinnar. Að hans mati hefði átt að loka veginum strax á sunnudag. „Á sunnudaginn er þetta að gerast og ég hringi þá í vegagerðina, 1777, rétt um fimmleytið og segi að þetta sé að gerast. Tveir bílar, annar frá mér og annar flutningabíll á leið suður séu að lenda í þessu. Og ég segi að það sé að myndast þarna alvarlegt ástand. Og mér er svarað því kurteislega að hún komi þessu á framfæri og annar þá búinn að hringja á undan. […] Mér vitanlega var ekkert gert í þessu fyrr en eftir hádegi á mánudegi í gær.“ Fóru yfir alla vegkafla G. Pétur Matthíasson forstöðumaður samskiptadeildar hjá Vegagerðinni segir í samtali við fréttastofu að málið sé mjög flókið en blæðingarnar séu tilkomnar vegna hitasveiflna í veðri síðustu daga. Einn viðmælenda fréttaastofu sagði að hann hefði á sunnudaginn látið Vegagerðina vita að það stefndi í óefni, hann hafði áhyggjur af umferðaröryggi. Til hvaða aðgerða var gripið þá? „Ég er ekki með þessa tímalínu á hreinu en við vöruðum við þessum blæðingum um leið og við vissum af þeim og merkjum það líka,“ segir G. Pétur. Í yfirlýsingu Vegagerðarinnar vegna málsins sem send var út fyrir hádegi kemur fram að Vegagerðin hafi farið yfir alla vegkafla sem um ræðir og farið aftur af stað í birtingu í morgun. Unnið sé að því að hreinsa burt bik á yfirborði. Búið sé að merkja þessa kafla en til skoðunar sé að takmarka leyfðan þunga ökutækja sem þar fara um. Bikhrúga á þjóðvegi 1 fyrir utan Varmahlíð nú fyrir hádegi.Vísir/tryggvi páll Í tilkynningunni segir að blæðingarnar verði í klæðningum sem lögð er er á stóran hluta vegakerfisins, ekki í malbiki. Malbik sé allt að fimm sinnum dýrari lausn en klæðning „og því ljóst að ef ekki hefði komið til þeirrar aðferðar væri ekki búið að leggja bundið slitlag á nærri 6.000 km af íslenskum þjóðvegum.“ „Það er fyrst og fremst umferð þungra ökutækja sem kemur bikblæðingum af stað og ef það er mikil umferð léttari bíla að auki viðheldur hún blæðingunum. Einnig er mikilvægt að réttur loftþrýstingur sé í hjólbörðum þungra ökutækja, hann má ekki vera of mikill sérstaklega við aðstæður einsog þessar,“ segir í tilkynningu Vegagerðarinnar. Þá sé unnið að þróun aðferða til þess að geta notað svokallaða bikþeytu við lægra hitastig til að mýkja bikið „en vonir manna standa til þess að með slíkri þróun megi bæta verulega árangur af útlögn klæðingar.“ Verði vegfarendur fyrir tjóni af þessum völdum, eða hafði orðið fyrir tjóni, er best að fylla út tjónaskýrslu á vef Vegagerðarinnar á þessari síðu, að því er segir í tilkynningu. Ef einungis er þörf á þrifum er rétt að hafa samband við næstu þjónustustöð Vegagerðarinnar eða skoðunarmann í Reykjavík í síma 898-3210. Samgöngur Umferðaröryggi Tengdar fréttir „Þetta er stórhættulegt fyrir margra hluta sakir“ „Við erum að sjá þetta á sumrin, við erum að sjá þetta á veturna,“ segir Ólafur Guðmundsson umferðarsérfræðingur um blæðingar á vegum landsins. 15. desember 2020 09:08 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent „Við útrýmum ekki ofbeldi með hatri“ Innlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Mótmælin í dag þau hörðustu í mörg ár Innlent Forsetavaktin 2024: Hver verður sjöundi forseti lýðveldisins? Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
Bílstjórar á flutningabílum á Norðurlandi lýstu í gær gríðarlegum blæðingum á vegum. Vegklæðning hafi hlaðist utan á dekk og valdið miklu tjóni. Magnús E. Svavarsson framkvæmdastjóri Vörumiðlunar segir í samtali við fréttastofu að flutningabílar á hans vegum hafi ekið umrædda vegkafla um helgina. Hann segir ástandið sem myndast á vegunum við þessar aðstæður skelfilegt. „Auðvitað er veðrið sem spilar inn í þetta en það er skelfilegt að þetta bindiefni í þessu skuli valda þessu, því þetta er að gerast aftur og aftur, ekki náttúrulega svona mikið nema fyrir sjö árum. Þá gerðist þetta, þá var það hrikalega mikið en þetta er ekki betra. Þetta hleðst utan um dekkin, spýtist yfir brettin, brýtur bretti og ljós og svo er þetta hættulegt gagnvart öðrum í umferðinni,“ segir Magnús. Í það minnsta fjórtán bílar á vegum Vörumiðlunar urðu fyrir tjóni af völdum vegblæðinganna. „Við erum að tala um hundruð þúsunda á bíl, þannig að þetta hleypur á milljónum. Það eru framrúðubrot, ljósbrot, það eru bretti brotin, það eru skemmdar raflagnir og svo öll þessi þrif sem eru alveg svakaleg,“ segir Magnús. Þá kveðst hann hafa séð í hvað stefndi um helgina og tilkynnt þá um málið til Vegagerðarinnar. Að hans mati hefði átt að loka veginum strax á sunnudag. „Á sunnudaginn er þetta að gerast og ég hringi þá í vegagerðina, 1777, rétt um fimmleytið og segi að þetta sé að gerast. Tveir bílar, annar frá mér og annar flutningabíll á leið suður séu að lenda í þessu. Og ég segi að það sé að myndast þarna alvarlegt ástand. Og mér er svarað því kurteislega að hún komi þessu á framfæri og annar þá búinn að hringja á undan. […] Mér vitanlega var ekkert gert í þessu fyrr en eftir hádegi á mánudegi í gær.“ Fóru yfir alla vegkafla G. Pétur Matthíasson forstöðumaður samskiptadeildar hjá Vegagerðinni segir í samtali við fréttastofu að málið sé mjög flókið en blæðingarnar séu tilkomnar vegna hitasveiflna í veðri síðustu daga. Einn viðmælenda fréttaastofu sagði að hann hefði á sunnudaginn látið Vegagerðina vita að það stefndi í óefni, hann hafði áhyggjur af umferðaröryggi. Til hvaða aðgerða var gripið þá? „Ég er ekki með þessa tímalínu á hreinu en við vöruðum við þessum blæðingum um leið og við vissum af þeim og merkjum það líka,“ segir G. Pétur. Í yfirlýsingu Vegagerðarinnar vegna málsins sem send var út fyrir hádegi kemur fram að Vegagerðin hafi farið yfir alla vegkafla sem um ræðir og farið aftur af stað í birtingu í morgun. Unnið sé að því að hreinsa burt bik á yfirborði. Búið sé að merkja þessa kafla en til skoðunar sé að takmarka leyfðan þunga ökutækja sem þar fara um. Bikhrúga á þjóðvegi 1 fyrir utan Varmahlíð nú fyrir hádegi.Vísir/tryggvi páll Í tilkynningunni segir að blæðingarnar verði í klæðningum sem lögð er er á stóran hluta vegakerfisins, ekki í malbiki. Malbik sé allt að fimm sinnum dýrari lausn en klæðning „og því ljóst að ef ekki hefði komið til þeirrar aðferðar væri ekki búið að leggja bundið slitlag á nærri 6.000 km af íslenskum þjóðvegum.“ „Það er fyrst og fremst umferð þungra ökutækja sem kemur bikblæðingum af stað og ef það er mikil umferð léttari bíla að auki viðheldur hún blæðingunum. Einnig er mikilvægt að réttur loftþrýstingur sé í hjólbörðum þungra ökutækja, hann má ekki vera of mikill sérstaklega við aðstæður einsog þessar,“ segir í tilkynningu Vegagerðarinnar. Þá sé unnið að þróun aðferða til þess að geta notað svokallaða bikþeytu við lægra hitastig til að mýkja bikið „en vonir manna standa til þess að með slíkri þróun megi bæta verulega árangur af útlögn klæðingar.“ Verði vegfarendur fyrir tjóni af þessum völdum, eða hafði orðið fyrir tjóni, er best að fylla út tjónaskýrslu á vef Vegagerðarinnar á þessari síðu, að því er segir í tilkynningu. Ef einungis er þörf á þrifum er rétt að hafa samband við næstu þjónustustöð Vegagerðarinnar eða skoðunarmann í Reykjavík í síma 898-3210.
Samgöngur Umferðaröryggi Tengdar fréttir „Þetta er stórhættulegt fyrir margra hluta sakir“ „Við erum að sjá þetta á sumrin, við erum að sjá þetta á veturna,“ segir Ólafur Guðmundsson umferðarsérfræðingur um blæðingar á vegum landsins. 15. desember 2020 09:08 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent „Við útrýmum ekki ofbeldi með hatri“ Innlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Mótmælin í dag þau hörðustu í mörg ár Innlent Forsetavaktin 2024: Hver verður sjöundi forseti lýðveldisins? Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
„Þetta er stórhættulegt fyrir margra hluta sakir“ „Við erum að sjá þetta á sumrin, við erum að sjá þetta á veturna,“ segir Ólafur Guðmundsson umferðarsérfræðingur um blæðingar á vegum landsins. 15. desember 2020 09:08