Innlent

Stálu þvotti af snúrum í Kópavogi

Gunnar Reynir Valþórsson skrifar
Lögreglu barst í gærkvöldi tilkynning um tvær konur sem voru að stela þvotti úr sameiginlegu þvottahúsi í Kópavogi.
Lögreglu barst í gærkvöldi tilkynning um tvær konur sem voru að stela þvotti úr sameiginlegu þvottahúsi í Kópavogi. Foto: Vilhelm Gunnarsson/Vilhelm Gunnarsson

Lögreglan á höfuðborgarsvæðinu handtók um kvöldmatarleytið í gær tvo karlmenn sem grunaðir eru um húsbrot í Hlíðunum. Þeir gistu fangageymslur í nótt á meðan málið var í rannsókn.

Þá var maður handtekinn í sama hverfi síðar um kvöldið grunaður um vörslu fíkniefna og brot á vopnalögum. Sá var látinn laus að lokinni skýrslutöku.

Í nótt, eða rétt fyrir klukkan þrjú var maður síðan handtekinn á Seltjarnarnesi þar sem hann var staðinn að því að reyna að brjóta upp hraðbanka. Hann gistir einnig fangaklefa.

Að síðustu var tilkynnt um tvær konur sem voru að stela þvotti úr sameiginlegu þvottahúsi í Kópavogi. Þær voru horfnar á braut þegar lögreglu bar að garði, höfðu forðað sér á bíl og náðu að taka með sér föt og fleira, að sögn lögreglu.

Lögreglumál Kópavogur Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið