Myndband: Rúða í Tesla Model Y splundrast inn í bílskúr

Kristinn Ásgeir Gylfason skrifar 19. október 2020 07:01

Vandamál sem hrjáðu einhverja Tesla Model 3 bíla virðist vera fjölskylduvandi. Vandamálið snýr að því að bílarnir sprengja hliðarrúður sínar. Myndband fylgir fréttinni.

Tesla hefur vitað af vandanum í Model 3 bílunum frá því í mars á þessu ári, hið skemmsta. Þessi vandamál með gæði eru að koma upp og orðrómur um að Tesla lagi allt svona hið snarasta virðist ekki endilega alltaf eiga við. Auðvitað er möguleiki að Tesla viti ekki hvernig eigi að laga vandann en líklegra verður þó að teljast að fá stök tilvik valdi Tesla ekki teljandi áhyggjum.

Í myndbandinu hér að ofan hafði bíllinn staðið kyrr í bílskúr eigandans í um sólarhring. Myndbandið var tekið 13. október og öryggismyndavélin sem tók það upp tekur einnig upp hljóð. Heyra má hvernig rúðan splundrast með hvelli.

Að sögn eigandans var um 17°C í bílskúrnum, það er því ekki um að ræða að rúða splundrist vegna hitabreytinga. Líklegast er að spennan í rúðunni hafi brotið hana.

Tesla Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.