Góð ráð fyrir vinnustaði og starfsfólk: Tökum Daða-dansinn, sýnum þrautseigju og samhug Rakel Sveinsdóttir skrifar 5. mars 2020 09:00 Ingrid Kuhlman framkvæmdastjóri og ráðgjafi hjá Þekkingarmiðlun gefur vinnustöðum og starfsfólki fjögur góð ráð til að draga úr streitu og áhyggjum sem skapast þegar mikið er um neikvæðar fréttir eins og nú um mundir. Vísir/Vilhelm „Sýnum þrautseigju á erfiðum tímum,“ segir Ingrid Kuhlman framkvæmdastjóri og ráðgjafi hjá Þekkingarmiðlun aðspurð um það hvernig vinnustaðir geti tekist á við áhyggjur og streitu sem starfsfólk vinnustaða er óneitanlega að upplifa þessar vikurnar þegar mikið magn neikvæðra frétta birtast dag eftir dag. Óveðursský virðast hrannast upp, það dynja á okkur sögur af kórónuveirunni, sóttkví, dökkum horfum í ferðaþjónustunni, kjaradeilum, samdrætti, uppsögnum, hörmulegum slysum, vetrarófærð, rafmagnsleysi, snjóflóðum og jarðhræringum á Reykjanesskaganum. Allt eru þetta fréttir sem geta haft áhrif á afköst okkar og líðan enda segir Ingrid að í könnun sem gerð var í Bandaríkjunum hafi 80% svarenda sagt að neikvæðar fréttir ættu stóran þátt í að vekja með þeim áhyggjur og streitu. Könnunin var framkvæmd af sálfræðifélaginu APA. Ingrid er framkvæmdastjóri og ráðgjafi Þekkingarmiðlunar. Hún er með MSc í hagnýtri jákvæðri sálfræði frá Buckinghamshire New University og hefur í gegnum árin skrifað ótal greinar, haldið fyrirlestra og námskeið um sjálfstraust, samskipti, tímastjórnun, jákvæða sálfræði, seiglu, hamingju og streitu. Margir þekkja Ingrid líka sem stjórnanda síðunnar Hrós dagsins á Facebook þar sem um 3400 manns eru meðlimir. Við báðum Ingrid um að gefa starfsfólki og vinnustöðum góð ráð til að reyna að létta á áhyggjum og streitu þannig að við sem einstaklingar og samstarfshópar getum betur tekist á við það ástand sem nú ríkir. Ingrid segir fjögur atriði geta hjálpað mikið til. 1. Að forðast hið neikvæða Stundum er eina leiðin til að sýna seiglu að sneiða hjá því neikvæða og einblína á hið jákvæða, til dæmis með því að takmarka þann tíma sem fylgst er með fréttum. Flóðið af neikvæðum fréttum dregur okkur niður. Við sjáum ekki sólina ef við einblínum eingöngu á neikvæða hluti. Gott er að umkringja sig jákvæðu fólki, smitast af orku þess og uppörva það á móti. Þetta er þó ekki spurning um að vera strútur og stinga höfðinu í sandinn. Mikilvægt er að vera meðvitaður um það sem hægt er að gera til að ná árangri og leggja sig fram hvern einasta dag. En á tímum þar sem neikvæðar fréttir berast okkur allan sólarhringinn þurfum við að passa okkur á því að láta þær ekki íþyngja okkur. 2. Að viðhalda bjartsýninni Auðveldara sagt en gert. Það er mikilvægt að trúa því að við séum ekki viljalaust verkfæri heldur getum haft áhrif á svo margt sem gerist í lífi okkar. Við þurfum að vera sannfærð um að það er ljós í enda ganganna. Kórónuveiran mun sem dæmi ekki geisa að eilífu og verið er að vinna að bóluefni. Við þurfum að minna okkur á að jafnvel erfiðustu áskoranirnar eru tímabundnar, þær muni líða hjá. „Við heilsum að japönskum sið eða tökum Daða-dansinn þegar við hittum fólk og frestum öllu kossaflensi og faðmlögum. Fólk sýnir ábyrgð með því að fara í sóttkví,“ segir Ingrid meðal annars í góðum ráðum. 3. Að einblína á það sem er jákvætt Það er margt jákvætt að gerast í samfélaginu. Vinnustaðir sýna samfélagslega ábyrgð með því að hætta við stórar samkomur eins og árshátíðir og ráðstefnur og gera viðbragðsáætlanir til að hemja útbreiðslu veirunnar og lágmarka áhrif hennar. Fólk tekur það alvarlega að þvo sér um hendurnar og nota spritt sem dregur úr smiti almennt og er mikilvægasta sýkingavörnin sem hægt er að viðhafa. Við heilsum að japönskum sið eða tökum Daða-dansinn þegar við hittum fólk og frestum öllu kossaflensi og faðmlögum. Fólk sýnir ábyrgð með því að fara í sóttkví. Framvarðasveitin sem hefur staðið í ströngu við að skipuleggja varnir gegn útbreiðslu veirunnar stendur sig vel í vandasömu hlutverki. Forsvarsmenn eru traustir, rólegir og yfirvegaðir, ábyrgir og á sama tíma auðmjúkir. Þeir halda okkur öllum vel upplýstum og eiga mikið hrós skilið. 4. Sýnum samhug og samstöðu Við höfum sýnt það og sannað þegar það gefur á bátinn og hamfarir geisa að við Íslendingar stöndum saman allir sem einn, það er aldrei spurning um annað. Nú ríður á að sýna samhygð og samstöðu og vinna öll saman að öryggi og velferð landsmanna. Við getum áorkað svo miklu og verið svo megnug þegar við stöndum saman. Pössum upp á hvert annað á meðan þetta gengur yfir. Faraldur kórónuveiru (COVID-19) Vinnumarkaður Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Vinnur við að bjarga okkur frá því að drukkna í eigin kúk Samstarf Fleiri fréttir „Katrín Olga, þetta er eingöngu hálftími af þínu lífi“ Að gera ekki algeng mistök sem stjórnandi í fyrsta sinn „Ég nenni ekki að standa í einhverju veseni“ „Hann eyðileggur alltaf alla stemningu um leið og hann kemur“ „Ég einfaldlega spurði kennarann: Ertu ekki að djóka?!“ Vopnfirska kjötsúpan stoltið hjá efnahagsráðgjafa ríkistjórnarinnar „Oft sömu aðilar og verða öskureiðir ef þú rangkynjar köttinn þeirra eða hundinn“ „Ég var pæja sem vildi ekki vera með ljótan gulan hatt á hausnum“ „Svo hefst kapphlaupið í það hver er fyrstur að ná sturtunni!“ Fyrirtæki hvött til að halda upp á daginn í dag og gera sér dagamun Snillingur í útlöndum: „Þegar vinirnir keyptu sér nammi keypti ég mér diskókúlur“ „Í dag fæ ég næstum því bara hrós við matarborðið“ Svona getur þú sagt Nei í vinnunni án þess að fá samviskubit Að endurskapa ásýndina á að vera skemmtileg vinna en ekki kvöð Ópíóíða, róandi- og svefnlyf: „Það geta allir orðið háðir þessum lyfjum ómeðvitað“ „Fólk heldur kannski að það sé saklaust að kaupa eina falsaða tösku“ Krökkunum finnst hálf hallærislegt að mamman kunni Friends þættina utan að Krónísk óstundvísi: Skýringar og góð ráð „Ég var skíthrædd að senda þessa tölvupósta“ Sjá meira
„Sýnum þrautseigju á erfiðum tímum,“ segir Ingrid Kuhlman framkvæmdastjóri og ráðgjafi hjá Þekkingarmiðlun aðspurð um það hvernig vinnustaðir geti tekist á við áhyggjur og streitu sem starfsfólk vinnustaða er óneitanlega að upplifa þessar vikurnar þegar mikið magn neikvæðra frétta birtast dag eftir dag. Óveðursský virðast hrannast upp, það dynja á okkur sögur af kórónuveirunni, sóttkví, dökkum horfum í ferðaþjónustunni, kjaradeilum, samdrætti, uppsögnum, hörmulegum slysum, vetrarófærð, rafmagnsleysi, snjóflóðum og jarðhræringum á Reykjanesskaganum. Allt eru þetta fréttir sem geta haft áhrif á afköst okkar og líðan enda segir Ingrid að í könnun sem gerð var í Bandaríkjunum hafi 80% svarenda sagt að neikvæðar fréttir ættu stóran þátt í að vekja með þeim áhyggjur og streitu. Könnunin var framkvæmd af sálfræðifélaginu APA. Ingrid er framkvæmdastjóri og ráðgjafi Þekkingarmiðlunar. Hún er með MSc í hagnýtri jákvæðri sálfræði frá Buckinghamshire New University og hefur í gegnum árin skrifað ótal greinar, haldið fyrirlestra og námskeið um sjálfstraust, samskipti, tímastjórnun, jákvæða sálfræði, seiglu, hamingju og streitu. Margir þekkja Ingrid líka sem stjórnanda síðunnar Hrós dagsins á Facebook þar sem um 3400 manns eru meðlimir. Við báðum Ingrid um að gefa starfsfólki og vinnustöðum góð ráð til að reyna að létta á áhyggjum og streitu þannig að við sem einstaklingar og samstarfshópar getum betur tekist á við það ástand sem nú ríkir. Ingrid segir fjögur atriði geta hjálpað mikið til. 1. Að forðast hið neikvæða Stundum er eina leiðin til að sýna seiglu að sneiða hjá því neikvæða og einblína á hið jákvæða, til dæmis með því að takmarka þann tíma sem fylgst er með fréttum. Flóðið af neikvæðum fréttum dregur okkur niður. Við sjáum ekki sólina ef við einblínum eingöngu á neikvæða hluti. Gott er að umkringja sig jákvæðu fólki, smitast af orku þess og uppörva það á móti. Þetta er þó ekki spurning um að vera strútur og stinga höfðinu í sandinn. Mikilvægt er að vera meðvitaður um það sem hægt er að gera til að ná árangri og leggja sig fram hvern einasta dag. En á tímum þar sem neikvæðar fréttir berast okkur allan sólarhringinn þurfum við að passa okkur á því að láta þær ekki íþyngja okkur. 2. Að viðhalda bjartsýninni Auðveldara sagt en gert. Það er mikilvægt að trúa því að við séum ekki viljalaust verkfæri heldur getum haft áhrif á svo margt sem gerist í lífi okkar. Við þurfum að vera sannfærð um að það er ljós í enda ganganna. Kórónuveiran mun sem dæmi ekki geisa að eilífu og verið er að vinna að bóluefni. Við þurfum að minna okkur á að jafnvel erfiðustu áskoranirnar eru tímabundnar, þær muni líða hjá. „Við heilsum að japönskum sið eða tökum Daða-dansinn þegar við hittum fólk og frestum öllu kossaflensi og faðmlögum. Fólk sýnir ábyrgð með því að fara í sóttkví,“ segir Ingrid meðal annars í góðum ráðum. 3. Að einblína á það sem er jákvætt Það er margt jákvætt að gerast í samfélaginu. Vinnustaðir sýna samfélagslega ábyrgð með því að hætta við stórar samkomur eins og árshátíðir og ráðstefnur og gera viðbragðsáætlanir til að hemja útbreiðslu veirunnar og lágmarka áhrif hennar. Fólk tekur það alvarlega að þvo sér um hendurnar og nota spritt sem dregur úr smiti almennt og er mikilvægasta sýkingavörnin sem hægt er að viðhafa. Við heilsum að japönskum sið eða tökum Daða-dansinn þegar við hittum fólk og frestum öllu kossaflensi og faðmlögum. Fólk sýnir ábyrgð með því að fara í sóttkví. Framvarðasveitin sem hefur staðið í ströngu við að skipuleggja varnir gegn útbreiðslu veirunnar stendur sig vel í vandasömu hlutverki. Forsvarsmenn eru traustir, rólegir og yfirvegaðir, ábyrgir og á sama tíma auðmjúkir. Þeir halda okkur öllum vel upplýstum og eiga mikið hrós skilið. 4. Sýnum samhug og samstöðu Við höfum sýnt það og sannað þegar það gefur á bátinn og hamfarir geisa að við Íslendingar stöndum saman allir sem einn, það er aldrei spurning um annað. Nú ríður á að sýna samhygð og samstöðu og vinna öll saman að öryggi og velferð landsmanna. Við getum áorkað svo miklu og verið svo megnug þegar við stöndum saman. Pössum upp á hvert annað á meðan þetta gengur yfir.
Faraldur kórónuveiru (COVID-19) Vinnumarkaður Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Ég nenni ekki að standa í einhverju veseni“ Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Vinnur við að bjarga okkur frá því að drukkna í eigin kúk Samstarf Fleiri fréttir „Katrín Olga, þetta er eingöngu hálftími af þínu lífi“ Að gera ekki algeng mistök sem stjórnandi í fyrsta sinn „Ég nenni ekki að standa í einhverju veseni“ „Hann eyðileggur alltaf alla stemningu um leið og hann kemur“ „Ég einfaldlega spurði kennarann: Ertu ekki að djóka?!“ Vopnfirska kjötsúpan stoltið hjá efnahagsráðgjafa ríkistjórnarinnar „Oft sömu aðilar og verða öskureiðir ef þú rangkynjar köttinn þeirra eða hundinn“ „Ég var pæja sem vildi ekki vera með ljótan gulan hatt á hausnum“ „Svo hefst kapphlaupið í það hver er fyrstur að ná sturtunni!“ Fyrirtæki hvött til að halda upp á daginn í dag og gera sér dagamun Snillingur í útlöndum: „Þegar vinirnir keyptu sér nammi keypti ég mér diskókúlur“ „Í dag fæ ég næstum því bara hrós við matarborðið“ Svona getur þú sagt Nei í vinnunni án þess að fá samviskubit Að endurskapa ásýndina á að vera skemmtileg vinna en ekki kvöð Ópíóíða, róandi- og svefnlyf: „Það geta allir orðið háðir þessum lyfjum ómeðvitað“ „Fólk heldur kannski að það sé saklaust að kaupa eina falsaða tösku“ Krökkunum finnst hálf hallærislegt að mamman kunni Friends þættina utan að Krónísk óstundvísi: Skýringar og góð ráð „Ég var skíthrædd að senda þessa tölvupósta“ Sjá meira