Stórar senur í nýju myndbroti úr næstu Stjörnustríðsmynd Birgir Olgeirsson skrifar 26. ágúst 2019 13:56 Daisy Ridley leikur hetjuna Rey. YouTube Nýjasta Stjörnustríðsmyndin, The Rise of Skywalker, er væntanleg í kvikmyndahús í desember næstkomandi en Lucasfilm var með heljarinnar kynningu á myndinni á Disney-ráðstefnu um liðna helgi. Þar var birt nýtt myndbrot úr myndinni sem er í höndum leikstjórans J.J. Abrams sem gerði einmitt The Force Awakens sem var fyrsta Stjörnustríðsmyndin sem gefin var út undir merkjum Disney eftir að fyrirtækið hafði keypt Lucasfilm. Það sem dregur helst til tíðinda í þessari stiklu er að þar sést hetjan úr fyrri myndunum tveimur, The Force Awaken og The Last Jedi, Rey halda á tvöföldu geislasverði. Geislasverðið tvöfalda er rautt á litinn þykir ekki ósvipað því sem illmennið Darth Maul hélt á í Stjörnustríðsmyndinni The Phantom Menace. Útlitið á Rey í þessu atriði er líka eftirtektarvert því hún er frekar fölleit á að líta og í svörtum slopp líkt og illmennið Darth Maul.Ilmennið Darth Maul, sem var í The Phantom Menace sem kom út árið 1999.Hvað þetta þýðir veit enginn, þetta gæti svo þýtt að Rey muni ganga til liðs við myrkraöflin. Það gæti líka verið að framleiðendur myndarinnar séu að reyna að villa um fyrir áhorfendur, láta þá hreinlega halda að svo muni fara. Það gæti svo sem verið að Rey klæðist þessum sloppi og haldi á þessu tvöfalda sverði því hún sjálf reynir að villa á sér heimildir í myndinni. Það hefur svo sem gerst áður í Stjörnustríðsheiminum. Hetjurnar klæða sig í stormsveitarbúninga til að komast inn í bækistöðvar Keisaraveldisins. Eitt er víst, þetta nýja myndbrot mun leiða til látlausra vangaveltna aðdáenda þessara mynda sem munu væntanlega fara nærri því að fylla internetið af getgátum um hvað muni gerast í þessari mynd. Skemmst er að minnast illmennisins Snoke sem sást örstutt í The Force Awakens og hlaut svo fremur skyndileg endalok í The Last Jedi þar sem áhorfendur fengu nánast ekkert að vita um kauða, en aðdáendur myndanna höfðu skrifað annað eins um þennan karakter áður en The Last Jedi kom út. Í myndbrotinu má einnig sjá Rey og Kylo Ren berjast við afar krefjandi aðstæður. Þar heldur fyrrnefnd Rey á bláu geislasverði. En svörin við þessu öllu saman fást væntanlega ekki fyrr en myndin verður sýnd í desember. Disney Star Wars Mest lesið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Bubbi hrærður: Trúir því að Níu líf muni á endanum vakna að nýju Lífið Arnar Þór selur Arnarneshöllina Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Nýjasta Stjörnustríðsmyndin, The Rise of Skywalker, er væntanleg í kvikmyndahús í desember næstkomandi en Lucasfilm var með heljarinnar kynningu á myndinni á Disney-ráðstefnu um liðna helgi. Þar var birt nýtt myndbrot úr myndinni sem er í höndum leikstjórans J.J. Abrams sem gerði einmitt The Force Awakens sem var fyrsta Stjörnustríðsmyndin sem gefin var út undir merkjum Disney eftir að fyrirtækið hafði keypt Lucasfilm. Það sem dregur helst til tíðinda í þessari stiklu er að þar sést hetjan úr fyrri myndunum tveimur, The Force Awaken og The Last Jedi, Rey halda á tvöföldu geislasverði. Geislasverðið tvöfalda er rautt á litinn þykir ekki ósvipað því sem illmennið Darth Maul hélt á í Stjörnustríðsmyndinni The Phantom Menace. Útlitið á Rey í þessu atriði er líka eftirtektarvert því hún er frekar fölleit á að líta og í svörtum slopp líkt og illmennið Darth Maul.Ilmennið Darth Maul, sem var í The Phantom Menace sem kom út árið 1999.Hvað þetta þýðir veit enginn, þetta gæti svo þýtt að Rey muni ganga til liðs við myrkraöflin. Það gæti líka verið að framleiðendur myndarinnar séu að reyna að villa um fyrir áhorfendur, láta þá hreinlega halda að svo muni fara. Það gæti svo sem verið að Rey klæðist þessum sloppi og haldi á þessu tvöfalda sverði því hún sjálf reynir að villa á sér heimildir í myndinni. Það hefur svo sem gerst áður í Stjörnustríðsheiminum. Hetjurnar klæða sig í stormsveitarbúninga til að komast inn í bækistöðvar Keisaraveldisins. Eitt er víst, þetta nýja myndbrot mun leiða til látlausra vangaveltna aðdáenda þessara mynda sem munu væntanlega fara nærri því að fylla internetið af getgátum um hvað muni gerast í þessari mynd. Skemmst er að minnast illmennisins Snoke sem sást örstutt í The Force Awakens og hlaut svo fremur skyndileg endalok í The Last Jedi þar sem áhorfendur fengu nánast ekkert að vita um kauða, en aðdáendur myndanna höfðu skrifað annað eins um þennan karakter áður en The Last Jedi kom út. Í myndbrotinu má einnig sjá Rey og Kylo Ren berjast við afar krefjandi aðstæður. Þar heldur fyrrnefnd Rey á bláu geislasverði. En svörin við þessu öllu saman fást væntanlega ekki fyrr en myndin verður sýnd í desember.
Disney Star Wars Mest lesið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Bubbi hrærður: Trúir því að Níu líf muni á endanum vakna að nýju Lífið Arnar Þór selur Arnarneshöllina Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira