Kassagerðarafklippur mörkuðu upphafið Björk Eiðsdóttir skrifar 27. febrúar 2019 09:00 Þórir Karl Bragason Celin hefur teiknað frá því hann man eftir sér. Fréttablaðið/Ernir Grafíski hönnuðurinn og teiknarinn Þórir Karl Bragason Celin segir samstarf við aðra teiknara mikilvægt en þessa dagana má sjá afrakstur samstarfs hans við teiknarann Sölva Dún á Session Craft Bar. „Ég hef alltaf teiknað, systkini mín og móðir mín teiknuðu öll, ég var örverpið sem apaði allt eftir þeim og lærði þannig að teikna sem krakki. Það var líka frekar lítið annað í boði, pabbi kom alltaf með afklippur af pappír úr kassagerðinni og á það var teiknað,“ segir Þórir aðspurður út í upphaf teikniferilsins. Þrátt fyrir að hafa alltaf teiknað vissi Þórir ekki hvað skyldi gera við teiknihæfileikana en skellti sér í Myndlista- og handíðaskólann, nú Listaháskóli Íslands, eftir menntaskóla. „Þar var reyndar takmörkuð kennsla í teikningu, en umhverfið sem skólinn bauð upp á var skapandi og lifandi. Fyrir algera tilviljun, þá datt ég í tölvurnar og tölvugrafík um það leyti sem ég var að klára skólann. Þá var orðið vefhönnuður alveg mega töff, þannig að ég varð einhvers konar blanda af grafískum hönnuði og vefhönnuði. Það er ekki fyrr en árið 2008 þegar ég fer í tölvuleikjabransann að hæfileikar mínir sem teiknari fengu að njóta sín, en í dag vinn ég þó aðallega sem grafískur hönnuður, alla vega á daginn.“Þórir segist yfirleitt teikna með penna og það sé ákveðin hreinsun að hafa ekki vald til að stroka út eða breyta myndunum.Teiknaði alltaf hrylling „Þegar ég teikna fyrir sjálfan mig, án þess að hafa ákveðið verkefni í gangi þá hef ég alltaf teiknað hauskúpur, kolkrabba, subbulega trúða eða einhvers konar hrylling, síðustu ár hef ég þó þróað myndefnið í aðrar áttir. Ég teikna yfirleitt með penna, byrja að teikna og sjá hvert línurnar fara með mig, það er ákveðin hreinsun að hafa ekki vald til að stroka út eða breyta myndunum, heldur verð ég bara að halda áfram og klára. Vissulega tek ég í aðrar teiknigræjur þegar verkefnin krefjast þess, vatnsliti, blek, digital eða blýant.“ Þórir segist oft teikna eftir pöntun og segir skemmtilegustu verkefnin þau sem bjóða honum upp á að leika sér með stíla og tækni eða ef verkefnið býður upp á eitthvað nýtt, sem hann hefur ekki prófað. Jafnframt er Þórir í samstarfi við aðra teiknara og heldur reglulega sýningar á samvinnuverkefnunum. „Það er mjög mikilvægt að hafa reglulegt samband og samvinnu við aðra teiknara, stundum er það bara að sitja við sama borð og teikna, stundum er það að vinna að sameiginlegu verkefni. Síðasta samstarfsverkefnið mitt var með miklum snillingi sem heitir Sölvi Dúnn, hann hefur séð um að teikna fyrir veitingastaðinn Le Kock og bað mig að aðstoða sig við að teikna nokkrar myndir á nýja staðinn í Tryggvagötu, það samstarf tókst rosalega vel. Út frá því höldum við miklu teiknisambandi, ræðum teikningar og teiknum saman, erum núna með sameiginlega sýningu á Session Craft Bar og erum að undirbúa næstu sýningu.“ Þórir er jafnframt partur af nýstofnuðu félagi, Fyrirmynd – félagi myndhöfunda, sem er innan Félags íslenskra teiknara. Félagið hefur haldið nokkrar sýningar á Hönnunarmars síðustu ár og vonandi verða fleiri sýningar á vegum félagsins. Áhugasamir geta skoðað teikningar eftir Þóri á www.thorir.com og á Instagram-síðu hans: www.instagram.com/tkcelin. Birtist í Fréttablaðinu HönnunarMars Myndlist Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
Grafíski hönnuðurinn og teiknarinn Þórir Karl Bragason Celin segir samstarf við aðra teiknara mikilvægt en þessa dagana má sjá afrakstur samstarfs hans við teiknarann Sölva Dún á Session Craft Bar. „Ég hef alltaf teiknað, systkini mín og móðir mín teiknuðu öll, ég var örverpið sem apaði allt eftir þeim og lærði þannig að teikna sem krakki. Það var líka frekar lítið annað í boði, pabbi kom alltaf með afklippur af pappír úr kassagerðinni og á það var teiknað,“ segir Þórir aðspurður út í upphaf teikniferilsins. Þrátt fyrir að hafa alltaf teiknað vissi Þórir ekki hvað skyldi gera við teiknihæfileikana en skellti sér í Myndlista- og handíðaskólann, nú Listaháskóli Íslands, eftir menntaskóla. „Þar var reyndar takmörkuð kennsla í teikningu, en umhverfið sem skólinn bauð upp á var skapandi og lifandi. Fyrir algera tilviljun, þá datt ég í tölvurnar og tölvugrafík um það leyti sem ég var að klára skólann. Þá var orðið vefhönnuður alveg mega töff, þannig að ég varð einhvers konar blanda af grafískum hönnuði og vefhönnuði. Það er ekki fyrr en árið 2008 þegar ég fer í tölvuleikjabransann að hæfileikar mínir sem teiknari fengu að njóta sín, en í dag vinn ég þó aðallega sem grafískur hönnuður, alla vega á daginn.“Þórir segist yfirleitt teikna með penna og það sé ákveðin hreinsun að hafa ekki vald til að stroka út eða breyta myndunum.Teiknaði alltaf hrylling „Þegar ég teikna fyrir sjálfan mig, án þess að hafa ákveðið verkefni í gangi þá hef ég alltaf teiknað hauskúpur, kolkrabba, subbulega trúða eða einhvers konar hrylling, síðustu ár hef ég þó þróað myndefnið í aðrar áttir. Ég teikna yfirleitt með penna, byrja að teikna og sjá hvert línurnar fara með mig, það er ákveðin hreinsun að hafa ekki vald til að stroka út eða breyta myndunum, heldur verð ég bara að halda áfram og klára. Vissulega tek ég í aðrar teiknigræjur þegar verkefnin krefjast þess, vatnsliti, blek, digital eða blýant.“ Þórir segist oft teikna eftir pöntun og segir skemmtilegustu verkefnin þau sem bjóða honum upp á að leika sér með stíla og tækni eða ef verkefnið býður upp á eitthvað nýtt, sem hann hefur ekki prófað. Jafnframt er Þórir í samstarfi við aðra teiknara og heldur reglulega sýningar á samvinnuverkefnunum. „Það er mjög mikilvægt að hafa reglulegt samband og samvinnu við aðra teiknara, stundum er það bara að sitja við sama borð og teikna, stundum er það að vinna að sameiginlegu verkefni. Síðasta samstarfsverkefnið mitt var með miklum snillingi sem heitir Sölvi Dúnn, hann hefur séð um að teikna fyrir veitingastaðinn Le Kock og bað mig að aðstoða sig við að teikna nokkrar myndir á nýja staðinn í Tryggvagötu, það samstarf tókst rosalega vel. Út frá því höldum við miklu teiknisambandi, ræðum teikningar og teiknum saman, erum núna með sameiginlega sýningu á Session Craft Bar og erum að undirbúa næstu sýningu.“ Þórir er jafnframt partur af nýstofnuðu félagi, Fyrirmynd – félagi myndhöfunda, sem er innan Félags íslenskra teiknara. Félagið hefur haldið nokkrar sýningar á Hönnunarmars síðustu ár og vonandi verða fleiri sýningar á vegum félagsins. Áhugasamir geta skoðað teikningar eftir Þóri á www.thorir.com og á Instagram-síðu hans: www.instagram.com/tkcelin.
Birtist í Fréttablaðinu HönnunarMars Myndlist Mest lesið „Þetta styrkti mig rosalega en þetta braut mig líka“ Tónlist Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Bakaríið í beinni Lífið Kynfræðingur selur slotið á landsbyggðinni Lífið Fleiri fréttir Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira